Свет
Маск: Илјадници ѕвездени бродови ќе ги носат луѓето на Марс, освен ако Камала не победи
Милијардерот Илон Маск вети дека ќе го однесе секој што сака да патува на Марс, но истакна дека тоа нема да се случи ако Камала Харис стане претседател на САД.
Синоќа Маск им објави на своите следбеници на „Икс“ дека ќе испрати пет вселенски брода на Марс за само две години.
„На крајот ќе има илјадници ѕвездени бродови, кои ќе одат на Марс. Тоа ќе биде прекрасна глетка“, рече Маск.
Сепак, американскиот мултимилијардер и поддржувач на Доналд Трамп изјави дека уште еден мандат на демократите на чело на државата ќе ја уништи програмата за патување на Марс.
„Никогаш нема да стигнеме на Марс ако Камала победи“, рече Маск претходно овој месец.
Ова е тврдење што го повтори самиот Трамп. Републиканскиот кандидат вети дека ќе испрати луѓе на Марс за време на неговиот мандат.
„Ќе разговарам со Илон. Илон, лансирајте ги тие ракети“, рекол Трамп на својот митинг, пренесува „Скај њуз“.
„Спејс икс“ презема пристап со висок ризик – висока награда за истражување на вселената. Компанијата стана примарен шатл на НАСА до Меѓународната вселенска станица. Пред само две недели таа му помогна на американски милијардер да стане првиот човек што учествувал во приватна прошетка во вселената.
И покрај големите резултати што „Спејс икс“ ги постигна во изминатите две децении, Маск вели дека е фрустриран од тоа колку бирократијата во САД го ограничува.
„Една од моите најголеми грижи во моментот е дека програмата ‘Старшип’ е задушена од планина владина бирократија, која расте секоја година“, нагласи тој.
Сепак, уверен e дека неговите беспилотни бродови може безбедно да стигнат до Марс за две години, а мисии со екипаж би можеле да стигнат до Марс до 2028 година. Тој претходно изјави дека би сакал да види самоодржлива колонија на Марс за само 20 години.
Додека беше на функцијата, Трамп имаше големо влијание врз вселенската активност на Америка, според Технолошкиот институт во Масачусетс. Неговата администрација го создаде тимот за вселенска безбедност на вселенските сили и ја повика НАСА да се врати на Месечината до 2024 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Арсенал оружје пронајден кај 11-годишно момче од Флорида, подготвувало масакр во училиште, полицијата го уапси
Американската полиција објави видео и фотографија од арсенал оружје запленет од 11-годишно момче кое подготвувало масовно пукање во училиште.
Областа за која станува збор е Волузија, Флорида, а шерифот Мајк Читвуд на прес-конференција најави дека во иднина ќе биде пракса да се објавува фотографија од уапсените ученици:
„Секогаш кога ќе апсиме, ќе бидат објавени фотографии од вашите деца и ако можам да го направам тоа, детето ќе биде спроведено со лисици“, рече шерифот, според вестите на Ен-би-си Њуз.
Florida sheriff releases mug shot and 'perp walk' video of 11-year-old charged with making school shooting threat https://t.co/LNZkmQxPKF via @nbcnews
— GiGi Gator Girl (@zazzybritches) September 17, 2024
Уапсеното момче се заканувало дека ќе изврши масовно пукање во училиштето пред да биде уапсено. Во последните неколку дена беа уапсени двајца тинејџери и веќе споменатиот 11-годишник.
„Бидејќи родителите не сакаат да ги воспитуваат своите деца, јас ќе почнам да ги воспитувам“, додал шерифот.
Полицијата потврди дека уапсеното момче (11) одело во средното училиште Криксајд. Имал и список со имињата на оние што планирал да ги ликвидира. Момчето од Порт Оринџ е обвинето дека при видео разговор со пријателите покажало „арсенал оружје“ со кој планирало да изврши масакр.
Полицијата добила анонимна дојава, по што е приведено. Канцеларијата на шерифот го објави името на детето и видеото од носењето во затвор. Меѓутоа, американските медиуми не ги објавуваат имињата на малолетниците, ниту пак ќе ја објават фотографијата од уапсеното момче.
Свет
Украина тврди дека руските цивили не се цел на воената операција во областа Курск
Украина го почитува меѓународното хуманитарно право и не гаѓа цивили за време на актуелната воена операција во областа Курск на западот на Русија, изјави денеска портпаролот на украинското Министерство за надворешни работи, Георгиј Тихи.
Претходно денеска, Русија објави дека најмалку 56 цивили загинале, а 266 се повредени за време на украинските воени операции, пренесува „Ројтерс“.
„Со оглед на долгата историја на Русија на објавување лажни бројки и ширење пропаганда, едноставно нема начин да се потврдат нивните тврдења. Доколку Русија сака да ја прикаже вистинската ситуација на терен, може да обезбеди пристап до Обединетите нации (ОН) и Меѓународниот комитет на Црвениот крст“, рече Тихи.
Свет
(Видео) Први снимки од израелскиот напад врз Хезболах
Повеќе од 100 луѓе загинаа, а 400 се ранети, вклучувајќи жени, деца и болничари, во денешните израелски воздушни напади во јужен Либан, соопшти Министерството за здравство на земјата.
For the last Two Hours, the Israeli Air Force have been launching their Largest Attack of the War against Hezbollah Targets across Lebanon, with over 300 Strikes having been carried out so far, across mainly Southern Lebanon. pic.twitter.com/r9ZhCHoqyE
— OSINTdefender (@sentdefender) September 23, 2024
Тоа е највисокиот дневен број на загинати од почетокот на борбите меѓу Израел и Хезболах во октомври.