Свет
(Видео) По 44 години, Кина лансира интерконтинентална балистичка ракета во меѓународни води
Кина објави дека успешно лансирала интерконтинентална балистичка ракета (ICBM) која носи лажна боева глава во Тихиот Океан, јавува Би-би-си.
Ракетата беше лансирана денеска и „слета во очекуваните морски области“, соопшти кинеското Министерство за одбрана, додавајќи дека пробното лансирање било „рутинско“ и „дел од годишната обука“.
Типот на ракетата и нејзиниот пат на летот останаа нејасни, но кинеските државни медиуми соопштија дека Пекинг „однапред ги известил соседните земји“.
This is very significant.
The last time China launched an ICBM at full range was was the launch of the DF-5 missile in May 1980.
After 44 years. https://t.co/QCnkdUaKxx pic.twitter.com/b1gHJ30uVO
— Clash Report (@clashreport) September 25, 2024
Аналитичарите велат дека тоа што тестот се нарекува „рутински“ е изненадувачки бидејќи Кина последен пат извршила тест во меѓународни води во 1980 година.
„Освен ако не пропуштив нешто, мислам дека ова е прв пат по долго време да се случи ова и да биде пријавено како такво“, објави Анкит Панда, експерт за нуклеарно оружје во фондацијата Карнеги за меѓународен мир, на платформата X.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Американските разузнавачи го информирале Трамп за закани за атентат од Иран
Врвните функционери на американската разузнавачка заедница го информирале републиканскиот кандидат и поранешен американски претседател Доналд Трамп за закани за атентат од Иран, изјави портпаролот на кампањата на Трамп.
„Трамп претходно беше информиран од Канцеларијата на директорот на националното разузнавање за реални и конкретни закани за атентат од Иран во обид да ги дестабилизира САД и да предизвика хаос“, изјави портпаролот Стивен Чеунг, а пренесува „Еб-би-си њуз“.
Се додава дека претставниците на разузнавањето заклучиле дека овие постојани и координирани напади се зголемиле во текот на изминатите неколку месеци и дека службениците од сите агенции работат на тоа да обезбедат Трамп да биде заштитен и дека претседателските избори се слободни и спроведени без мешање.
Постојаната мисија на Иран во Обединетите нации во Њујорк не одговори веднаш на барањето за коментар на оваа информација.
Свет
Кремљ: Зеленски направи фатална грешка
Русија соопшти дека планот на украинскиот претседател Володимир Зеленски да ја принуди Москва на мир е фатална грешка за која Киев ќе ги трпи последиците.
Зеленски му порача на Советот за безбедност на Обединетите нации дека војната меѓу Русија и Украина не може да се запре само преку преговори, туку дека Москва мора да биде принудена да постигне мир.
Портпаролот на Кремљ, Дмитриј Песков, изјави за новинарите: „Таквиот став е фатална грешка, системска грешка. Тоа е длабока заблуда, која неизбежно ќе има последици за режимот во Киев“. Песков рече дека Русија сака мир, но дека прашањето не може да се реши со сила.
„Позицијата заснована на обид да се принуди Русија на мир е апсолутно фатална грешка бидејќи е невозможно да се принуди Русија да постигне мир“, додаде тој и нагласи дека Русија поддржува мир, но дека за тоа ѝ се потребни гаранции.
Рускиот претседател Владимир Путин во јуни изјави дека Русија ќе стави крај на војната во Украина само доколку Киев се откаже од своите аспирации за членство во НАТО и целосно ги предаде четирите провинции што ги поседува Москва, кои Киев бргу ги отфрли како услови еднакви на предавање.
Украина и нејзините западни сојузници тврдат дека победата на Путин во војната треба да биде спречена бидејќи, доколку не се запре, ќе им се закани на другите земји од соседството.
Свет
Гроси: Ја гледам подготвеноста на Иран повторно да се вклучи во нуклеарното прашање
Генералниот директор на Меѓународната агенција за нуклеарна енергија на ОН (МААЕ), Рафаел Гроси, изјави дека гледа поголема подготвеност на иранските власти за позначајно ангажирање со МААЕ по разговорите во Њујорк кога станува збор за иранската нуклеарна програма.
Гроси во интервју за „Ројтерс“ изрази надеж дека во октомври ќе отпатува за Техеран на средби со ирански претставници.
Гроси рече дека иранската нуклеарна програма продолжува да се развива со предвиденото темпо поради што би сакал да ги забрза напорите во наредните недели да се постави основа за разговори меѓу Иран и западните земји за иранската нуклеарна програма.
Директорот на Иранската организација за атомска енергија, Мохамед Еслами, претходно овој месец изјави дека има планови Гроси да го посети Иран, како и дека иранскиот амбасадор во МААЕ се сретнал со Гроси како дел од подготовките за посетата, пренесува „Танјуг“.
Еслами изјави дека МААЕ постојано објавува дека нема отстапувања во иранската нуклеарна програма и дека надзорот на МААЕ над иранските нуклеарни локации останува недопрен, а бројот на инспектори не е намален, туку зголемен, објави претходно иранската јавна новинска агенција „Фарс“.
Еслами отфрли каков било политички притисок или принуда во врска со прифаќањето на инспекторите на МААЕ тврдејќи дека Иран има законско право да прифати или одбие кој било инспектор.