Свет
Зеленски и Столтенберг во Њујорк разговараа за украинските амбиции за членство во НАТО
Украинскиот претседател Володимир Зеленски разговараше со генералниот секретар на НАТО Јенс Столтенберг за потребата од зајакнување на украинската воздушна одбрана и за патот на Украина кон членство во Алијансата.
Зеленски на својот канал „Телеграм“ објави дека на состанокот одржан на маргините на Генералното собрание на Обединетите нации, му се заблагодарил на Столтенберг за неговата поддршка на Украина за време на неговиот мандат како генерален секретар на Алијансата, како и за напорите за обединување на светот да му помогне на Киев и да ја зајакне украинската армија, пренесе Укринформ.
Украинскиот претседател изјави дека на средбата се разговарало и за фактот дека Украина треба што поскоро да добие покана за членство во НАТО, како и за важноста од навремено спроведување на сите договори од самитот на Алијансата одржан во јули во Вашингтон, oдносно дека земјите-членки ги исполнуваат своите обврски во врска со издвојувањето на 40 милијарди евра за следната година.
За време на самитот на НАТО во Вашингтон, кој се одржа од 9 до 11 јули, лидерите на САД, Холандија, Германија, Италија и Романија најавија трансфер во Украина на пет стратешки системи за воздушна одбрана „патриот“, како и десетици тактички системи за противвоздушна одбрана.
Зеленски присуствува на 79. сесија на Генералното собрание на ОН во Њујорк, а денеска треба да се обрати пред учесниците на сесијата.
САД и многу други членки на НАТО не сакаат Украина да се приклучи на Алијансата, изјави турскиот претседател Реџеп Таип Ердоган. Тој за медиумскиот сервис „NBC News“ рече дека е неопходно да се донесе одлука за ова врз основа на „актуелните реалности“.
– САД, пред се, не сакаат да ја гледаат Украина како членка на НАТО, ниту многу други членки на Алијансата, – рече Ердоган.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Путин: Заканата за суверенитетот на Русија и конвенционалниот напад се основа за нуклеарен одговор
Рускиот претседател Владимир Путин денеска изјави дека Русија може да користи нуклеарно оружје доколку биде нападната од која било земја, пренесоа руските медиуми.
Русија го задржува правото да користи нуклеарно оружје во случај на агресија врз неа, меѓу другото, ако непријателот користи конвенционално оружје, ако тоа претставува закана за виталните интереси на државата, рече Путин.
„Го задржуваме правото да користиме нуклеарно оружје во случај на агресија врз Русија и Белорусија, како членка на Федералната држава. Со белоруската страна, со претседателот на Белорусија, сите овие прашања се договорени, вклучително и доколку противникот со користењето на конвенционално оружје, создава витална закана за нашиот суверенитет“, рече Путин на состанокот на постојаниот состанок на Советот за безбедност за нуклеарно одвраќање.
Свет
Сијарто ги повика земјите од Блискиот Исток да спречат регионална војна
Унгарскиот министер за надворешни работи Петер Сијарто денеска ги повика земјите од Блискиот Исток да бидат „трезни“ за да се спречи вооружениот конфликт во регионот да прерасне во регионална војна.
Сијарто во Њујорк, по разговорите со неговите либански и палестински колеги, рече дека Унгарија смета дека е клучно секоја земја во регионот на Блискиот Исток да се однесува одговорно и дека мора да се спречи регионална војна, соопшти унгарското Министерство за надворешни работи.
„Народот на Либан не е виновен за она што се случува на Блискиот Исток, ниту за ракетните напади на Хезболах врз Израел“, рече Сијарто, пренесе агенцијата МТИ.
Регион
(Видео) Тешка сообраќајка кај Загреб, има загинати, пристигна и хеликоптерот на Брзата помош
Тешка сообраќајна несреќа се случи денеска околу 17 часот на патот меѓу Клоштар Иваниќ и Дубрава.
Според првите информации, во судирот на два автомобили загинало најмалку едно лице, а на повредените им пристигнале пожарникарите и итната медицинска помош од хеликоптер, пренесува порталот Пригорски.хр.
Патот е затворен за сообраќај, а деталите за трагедијата ќе бидат познати по полициската истрага.