Забава
(Видео) Лејди Гага сними спот во „Лувр“
Новото видео на поп-ѕвездата Лејди Гага, снимено во „Лувр“ на почетокот на септември, може да се гледа на интернет од денеска по повод почетокот на проекцијата на филмот „Џокер“, во кој глуми, како и отворањето изложба посветена на лудите луѓе во уметноста.
Во видеото, кое може да се види на профилот на „Лувр“ и на оние на пејачката на „Инстаграм“ и „Тик-ток“, таа шета низ музејот изведувајќи песна напишана за таа пригода, облечена во кус фустан и патики, со кратка црвена перика на главата.
Пејачката, која летово со својот настап го одбележа отворањето на Олимписките игри во Париз, а в петок излегува новиот албум Harlequin, поврзан со тој филм, ноќе шета низ музејот сè до „Мона Лиза“. Гледајќи ја добро, исцртува насмевка со кармин на стаклото што ја штити. Потоа се врти кон камерата и на нејзиното лице се гледа солза.
На прашањето за постапката што го поттикнува вандализмот извршен во последните месеци во неколку музеи на познати слики, вклучувајќи ја и Мона Лиза, „Лувр“ истакна дека сцената е чиста фикција, замислена како омаж на ликот на Џокер и Леонардо да Винчи.
„’Лувр’ се здружи со ‘Варнер брос пикчрс“, што го продуцира видеото, во соработка со ѕвездата“, изјавија од музејот за AFP.
Музејот на тој начин го означи отворањето на сезоната со изложба посветена на лудаците, вклучувајќи го и Џокер, кој често може да се види на сликите од 13 до 16 век, како и почетокот на прикажувањето на филмот „Џокер: Лудило за двајца“, со Хоакин Феникс и Лејди Гага. Филмот ќе почне да се прикажува во светот во првата недела од октомври.
Не е првпат „Лувр“ да соработува со музички ѕвезди. Во 2016 година Will.i.am сними музичко видео со анимирани музејски слики, наречено „Насмевката на Мона Лиза“. Во 2018 година Бијонсе и Џеј Зи снимија видео за Апешит во музејот, вклучително и сликата „Преживеаните од фрегатата ‘Медуза’“, со која сакаа да ја истакнат еднаквоста на културите и местото на обоените во историјата на уметноста.
Музејот неодамна објави фотографии од приватната посета на Селин Дион пред нејзиниот настап на Олимписките игри.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Научниците пронајдоа сирење старо 3.600 години, било ставено околу вратот на кинеска мумија
Научниците го открија најстарото парче сирење на светот – го пронајдоа околу вратот на мумија во Кина.
Ковчегот стар 3.600 години бил отворен на гробиштата Ксиаохе во Ксинџијанг, Кина за време на ископувањето во 2003 година, каде што над вратот на мумифицираната млада жена бил поставен предмет што изгледал како накит.
И покрај тоа што изгледаше како парче накит во тоа време, научниците сега велат дека го идентификувале примерокот како најстарото парче сирење во светот, пренесува „Скај њуз“
„Обичното сирење е меко. Ова не е. Сега стана суво и тврдо“, изјави за „Ен,би,си њуз“ Киаомеи Фу, палеогенетичар од Кинеската академија на науките во Пекинг. Таа објасни дека кога бил ексхумиран ковчегот на жената, било откриено дека сирењето е добро зачувано поради сувата клима во пустината Тарим Басен.
Иако производството на сирење одамна е опишано во историјата, истражувачите во студијата објавена во списанието Cell напишале дека „историјата на ферментирани млечни производи во голема мера е изгубена во антиката“.
„Овие примероци од сирење стари 3.500 години се меѓу ретките остатоци од млечни производи кои се зачувани повеќе од 3.000 години.
Зборувајќи за „Ен-би-си њуз“, Фу рече дека таа и нејзиниот тим земале примероци од три гробници на гробиштата Ксиаохе и ја обработувале ДНК-та за да ја следат еволуцијата на бактеријата во текот на илјадници години.
Тие рекоа дека примероците покажале дека се работи за кефир направен со ферментирање на млеко со користење на зрна кефир, а има и докази за употреба на козјо и кравјо млеко.
Истражувањето покажа дека популациите од бронзеното време, како и луѓето од Ксиаохе, за кои се знаело дека се генетски нетолерантни на лактоза, консумирале млечни производи пред ерата на пастеризација и ладење.
„Овие примероци од кефирско сирење стари 3.500 години се меѓу ретките остатоци од млечни производи зачувани повеќе од 3.000 години, произведени од популацијата Ксијаохе од бронзеното време – популација со мешани животни стилови и техники“, велат научниците.
„Ен-Би-Си“ ја праша Фу дали сирењето може да се јаде и дали ќе го проба, на што таа одговори „нема шанси“.
Забава
(Видео) Се омажи Лана Дел Реј
Само еден месец откако беше откриено дека е во врска со 56-годишниот Џереми Дуфрен, пејачката се омажи за него. Според Дејли Мејл, двојката разменила завети во заливот во Луизијана, истиот залив каде Дуфрен ги води своите популарни тури со брод по мочуриште.
На фотографиите кои ги објави Дејли Мејл, се гледа Лана како оди до олтарот со букет во рака. Имаше лелеава венчаница, а косата и беше врзана и украсена со машна. Дуфрен носеше црн костум.
Свадбата и дочекот се одржаа на јавното пристаниште, со многу маси поставени под бел шатор. Сестрата на Лана, Керолин Грант и братот Чарли Хил-Грант беа на венчавката.
Забава
Мажи од Зодијакот кои не се создадени за брак
Некои мажи се одличен избор за лесно флертување, но ништо повеќе. Мажите од Зодијакот кои не се создадени за брак сигурно не ви требаат доколку сакате нешто сериозно.
Секоја година се зголемува бројот на разводи, но некои млади парови сепак веруваат дека ќе бидат долго заедно. Меѓутоа, доколку изберете маж во овој хороскопски знак, ќе треба да вложите малку повеќе труд за тоа да биде успешно.
Хороскопски мажи кои не се создадени за брак
Водолија
Ова веројатно не е изненадување. Тие едноставно ја сакаат својата слобода и не сакаат ништо поврзано со обврски, верност, постојано присуство или каква било сопствена жртва. Покрај тоа што им е тешко да останат верни, важна им е и интелектуалната компатибилност. Тие секогаш се неколку чекори понапред и ако не можете да го следите тој разговор, ќе бидете во неволја. Покрај тоа, тие имаат многу ограничен пристап до нивните чувства, па не очекувајте претерана романса.
Близнаци
Тие се познати по нивната двојна природа. Тие можат да бидат шармантни и привлечни во еден момент, а во следниот момент немирни и неконзистентни. Оваа непредвидливост може да претставува предизвик во бракот каде стабилноста и сигурноста се клучни. Исто така, нивната кокетна природа може да доведе до недоразбирања и проблеми со довербата со нивните партнери.
Стрелец
Стрелците се карактеризираат со љубов кон авантура и потрага по знаење. Тие напредуваат со истражување и нови искуства. Нивната желба да бидат слободни и неподготвеноста да бидат врзани може да создаде значителни предизвици во одржувањето стабилна брачна врска. Стрелците се познати по својата искреност и директност, поради што изгледаат без емоции.
Овен
Овните се познати по својата самоувереност и независност. Тешко им е да прават компромиси и да ја споделат контролата, што се клучни квалитети за успешен брак. Нивната силна волја и понекогаш агресивна природа може да доведат до конфликти и борби за моќ во брачната врска. Нивната импулсивност и желба за возбуда може да им отежнат да се држат до рутината што бракот често ја поддржува.
Шкорпија
Шкорпиите се познати по својот интензитет, страст и желба за контрола. Тие се длабоко емотивни и често бараат длабоки, трансформативни искуства во нивните односи. Иако ова може да доведе до длабоки врски, исто така може да создаде значителни предизвици во бракот. Потребата на Шкорпијата за контрола и нивната склоност кон љубомора исто така може да бидат проблем кога станува збор за бракот.