Забава
(Видео) Словенечкиот симфониски оркестар на концерт изведе хит на Цеца: „луѓето не веруваат што слушаат“
![](https://makfax.com.mk/wp-content/uploads/2024/10/Screenshot-2024-10-01-093417.jpg)
Не е невообичаено симфониските оркестри да се доближат до помладата публика и понекогаш да свират помодерна композиција, но симфонискиот оркестар во Словенија отиде чекор понатаму, турбо-фолк чекор понатаму.
Словенечкиот младински оркестар за класична музика на голема турнеја на својот репертоар вклучи песна на Цеца Ражнатовиќ од 2004 година.
Pazi s skime spavaš na operski način😆
Slo mladinski orkestar Ljubljana pic.twitter.com/hOoIunfQek— Bestofraznatovicka (@kozapamti) September 29, 2024
Видеото од овој концерт многу брзо се рашири на социјалните мрежи, бидејќи луѓето не можеа да веруваат во тоа што го слушаат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Забава
В сабота јубилејна 20-та „Бела ноќ“ во Скопје
![](https://makfax.com.mk/wp-content/uploads/2024/10/460933454_821722966816039_2676583651256201506_n.jpg)
„Бела ноќ“ по 20-ти јубилеен пат ќе се одржи во сабота (05.10.2024) на неколку локации низ Скопје, настанот претставува симбол на културно-уметничкиот живот на скопјани, и со низа активности секоја година ја збогатува понудата на културно-уметнички настани во Скопје.
Скопјани и посетителите ќе имаат можност да уживаат во театарски спектакл на отворено, музички настани, изложби, проекции, работилници и други културно-уметнички перформанси на десетици локации низ градот.
Централната манифестација ќе започне со настап на француската театарска група „Compaigne des quidams“ со дефиле и спектакл на отворено кој ќе започне од Музеј на град Скопје преку улица Македонија, Плоштад Македонија, преку Камени мост па се до паркот Ибни Пајко каде ќе кулминира со 3Д мапинг.
Покрај театарскиот спектакл, ќе се одржи и концерт на музичкото училиште „Ентерпрајз“ на истата локација, а на „Школка“ во Градски парк ќе се одржи поп рок концерт на Култи Ватор. Во клуб ресторан МКЦ ќе се одржи меѓународен фестивал на електронска музика со настап на Ди џеј Томи Бојаџи (Македонија), ди џеј Dee (Србија), ди џеј Geri Kacerija (Албанија) како и видео артистот Петар Џон.
Под браната Матка ќе се одржи ЕХО фестивал на планински филм со ноќно кино на кое ќе се прикажуваат победничките филмови од минатите изданија. Друштвото на ликовни уметници на Македонија ќе се претстават со „Осветлено илуминирано урбано наследство во Куќата на ДЛУМ („Илинденска“ бр. 63).
Во „Лабораториум“ ќе се одржи мултимедијален микс на културни и уметнички изразувања кои го отелотворуваат духот на Скопје и неговата креативна заедница под наслов „Стоногалка“, а во кафулето „Излет“ ќе се одржи изложба на постери илустрации и стрипови на Славица Купенкова.
Низа активности и настани ќе понудат и културните институции во Скопје, па така во библиотека „Браќа Миладиновци“ – Друштвени игри за раскажување приказни, во „Музеј на македонската борба“ – изложба „100 години од смртта на Арсени Јовков, изложба „Анатомија на муралот – Илинден 1903, Борко Лазески“, изложба за жените во македонската историја под наслов „ И тие се херои“.
Во „Културно информативен центар“- КИЦ – изложба на слики „ Еffortles“, групна изложба на фотографии на Зрно Фестивал „ Танцот на фотоните, групна изложба по повод наградата Борко Лазески со „ Резонанца“, концерт на Ана Мазнејкова на пијано под наслов „ Годишни времиња“.
Во национална галерија „Даут Пашин Амам“ – изложба „Сенки во облаците“ на Емил Шулајковски, јубилејна изложба по повод 120 години од раѓањето на Томо Владимирски.
Во Музеј на современа уметност – самостојни изложби на победниците 14 тото меѓународно Биенале на млади уметници, изложба на Серхат Емрулаи со инсталацијата „ Се селиме на нова локација, изложба на Наџа Крачуновиќ „ Во име на мајка, во презиме на татко“, изложба (исцртување на ѕидови) на Дан и Лиа Пержовски
Во Дом на култура „Кочо Рацин“ – изложба под наслов „Бескрајна приказна за една точка“ на Марија Чепишева. Во Македонски народен театар МНТ-Театарска претстава„ Кец на десетка“. Во „Детски културен центар Карпош“ ДКЦ -натпревар „Инструменти на моите предци“ и ликовна изложба, а во Кинотека на Македонија – проекција на филмот „A Bucket od Blood“ од Роџер Корман.
Целосната програма со распоред, локации и учесници може да се погледне на www.univerzalna.com.mk/belanok. Сите настани се од отворен карактер и се бесплатни за посетителите.
Настанот е во организација на ЈУ Универзална сала, a финансиран од Град Скопје.
Забава
Гвинет Палтроу објави фотографија со својот сопруг: „Колку романтично“, напишаа обожавателите
![](https://makfax.com.mk/wp-content/uploads/2024/10/Screenshot-2024-10-01-102327.jpg)
Актерката Гвинет Палтроу и Бред Фалчук викендов ја прославија 6-годишнината од бракот, а Гвинет објави фотографија на Инстаграм по повод овој настан. На фотографијата таа и Бред седат на даска за веслање и се бакнуваат, а во описот на објавата напишала само: „6“.
Многумина забележаа дека Гвинет, која е свртена со грбот на фотографијата, изгледа прекрасно во црно дводелно бикини.
Објавата има над 100.000 лајкови на Инстаграм. „Колку романтично“, „Преслатки сте“, „Спонтана фотографија, прекрасни сте“, се само дел од коментарите.
Забава
Објавени фотографии од тајната венчавка на Ребел Вилсон и Рамона Агрума во Италија
![](https://makfax.com.mk/wp-content/uploads/2024/10/Screenshot-2024-10-01-101141.jpg)
Ребел Вилсон стапи во брак со Рамона Агрума минатиот викенд. Ребел и Рамона првиот заеднички одмор го поминаа во Италија, па таму се одржа и свадбата.
Објавени се фотографии од свадбата на Сардинија. Девојките блескаа во венчаници. Ребел својот фустан го украси со ремен, а Рамона имаше циркони на венчаницата.
Свадбата се одржа во кругот на најблиското семејство и пријателите.