Забава
В сабота јубилејна 20-та „Бела ноќ“ во Скопје
„Бела ноќ“ по 20-ти јубилеен пат ќе се одржи во сабота (05.10.2024) на неколку локации низ Скопје, настанот претставува симбол на културно-уметничкиот живот на скопјани, и со низа активности секоја година ја збогатува понудата на културно-уметнички настани во Скопје.
Скопјани и посетителите ќе имаат можност да уживаат во театарски спектакл на отворено, музички настани, изложби, проекции, работилници и други културно-уметнички перформанси на десетици локации низ градот.
Централната манифестација ќе започне со настап на француската театарска група „Compaigne des quidams“ со дефиле и спектакл на отворено кој ќе започне од Музеј на град Скопје преку улица Македонија, Плоштад Македонија, преку Камени мост па се до паркот Ибни Пајко каде ќе кулминира со 3Д мапинг.
Покрај театарскиот спектакл, ќе се одржи и концерт на музичкото училиште „Ентерпрајз“ на истата локација, а на „Школка“ во Градски парк ќе се одржи поп рок концерт на Култи Ватор. Во клуб ресторан МКЦ ќе се одржи меѓународен фестивал на електронска музика со настап на Ди џеј Томи Бојаџи (Македонија), ди џеј Dee (Србија), ди џеј Geri Kacerija (Албанија) како и видео артистот Петар Џон.
Под браната Матка ќе се одржи ЕХО фестивал на планински филм со ноќно кино на кое ќе се прикажуваат победничките филмови од минатите изданија. Друштвото на ликовни уметници на Македонија ќе се претстават со „Осветлено илуминирано урбано наследство во Куќата на ДЛУМ („Илинденска“ бр. 63).
Во „Лабораториум“ ќе се одржи мултимедијален микс на културни и уметнички изразувања кои го отелотворуваат духот на Скопје и неговата креативна заедница под наслов „Стоногалка“, а во кафулето „Излет“ ќе се одржи изложба на постери илустрации и стрипови на Славица Купенкова.
Низа активности и настани ќе понудат и културните институции во Скопје, па така во библиотека „Браќа Миладиновци“ – Друштвени игри за раскажување приказни, во „Музеј на македонската борба“ – изложба „100 години од смртта на Арсени Јовков, изложба „Анатомија на муралот – Илинден 1903, Борко Лазески“, изложба за жените во македонската историја под наслов „ И тие се херои“.
Во „Културно информативен центар“- КИЦ – изложба на слики „ Еffortles“, групна изложба на фотографии на Зрно Фестивал „ Танцот на фотоните, групна изложба по повод наградата Борко Лазески со „ Резонанца“, концерт на Ана Мазнејкова на пијано под наслов „ Годишни времиња“.
Во национална галерија „Даут Пашин Амам“ – изложба „Сенки во облаците“ на Емил Шулајковски, јубилејна изложба по повод 120 години од раѓањето на Томо Владимирски.
Во Музеј на современа уметност – самостојни изложби на победниците 14 тото меѓународно Биенале на млади уметници, изложба на Серхат Емрулаи со инсталацијата „ Се селиме на нова локација, изложба на Наџа Крачуновиќ „ Во име на мајка, во презиме на татко“, изложба (исцртување на ѕидови) на Дан и Лиа Пержовски
Во Дом на култура „Кочо Рацин“ – изложба под наслов „Бескрајна приказна за една точка“ на Марија Чепишева. Во Македонски народен театар МНТ-Театарска претстава„ Кец на десетка“. Во „Детски културен центар Карпош“ ДКЦ -натпревар „Инструменти на моите предци“ и ликовна изложба, а во Кинотека на Македонија – проекција на филмот „A Bucket od Blood“ од Роџер Корман.
Целосната програма со распоред, локации и учесници може да се погледне на www.univerzalna.com.mk/belanok. Сите настани се од отворен карактер и се бесплатни за посетителите.
Настанот е во организација на ЈУ Универзална сала, a финансиран од Град Скопје.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Фото) Борис Бекер брои ситно покрај убавицата која е 23 години помлада од него
Поранешниот тениски ас Борис Бекер (57) и неговата сопруга Лилијан де Карваљо Монтеиро (34) наскоро ќе добијат бебе.
Бекер во јуни објави дека очекуваат бебе, негово петто дете, но прво со 23 години помладата убавица.
Двојката ги одбројува деновите до пораѓањето, а додека не дојде големиот ден, уживаат во преостанатите сончеви денови. Поранешниот тенисер објави компилација од фотографии со својата сакана на Инстаграм.
Вљубените гордо позираат, а трудничкото стомаче е, секако, во фокусот.
„Ја следиме светлината… Уживаме во последните сончеви зраци“, напиша Бекер.
Лилијан е третата сопруга на Бекер. Двојката моментално живее во Милано, а се во врска од 2019 година.
фото: принтскрин
Забава
Естетиката и хармонијата им се вродени: хороскопски знаци кои се грижат повеќе за својот изглед отколку за сè друго.
Иако физичкиот изглед не е пресуден, постојат хороскопски знаци кои обрнуваат посебно внимание на него бидејќи преку својот изглед ја изразуваат својата личност, самодоверба и став кон животот.
Секогаш негувани, елегантни и со умереност, овие знаци уживаат да изгледаат добро – не за другите, туку за себе.
Лав
Лавовите сакаат да бидат забележани, а нивниот стил јасно го покажува тоа. Тие сакаат луксузни детали и впечатливи комбинации кои ја одразуваат нивната силна личност. Никогаш не излегуваат од дома без да изгледаат беспрекорно, бидејќи знаат дека добриот изглед носи самодоверба.
Лавовите вложуваат труд во својата фризура, облека и држење на телото, а нивната насмевка е често најдобриот моден додаток. Нивната цел не е да се натпреваруваат, туку природно да привлечат внимание.
Вага
Вагата знае дека првите впечатоци се моќни, па затоа обрнуваат внимание на секој детаљ, од облеката до начинот на кој се однесуваат. Нивната привлечност не лежи само во нивниот изглед, туку и во начинот на кој зрачат со самодоверба и шарм.
Бик
Биковите го ценат квалитетот и удобноста, па затоа нивната облека секогаш изгледа елегантно, но и практично. Тие сакаат природни материјали, рафинирани тонови и класици кои никогаш не излегуваат од мода. Нивниот стил одразува смиреност, а честопати имаат и препознатлив мирис што ги придружува.
Биковите не се облекуваат за да ги импресионираат другите, туку за да се чувствуваат добро во себе – и затоа секогаш оставаат добар впечаток.
фото: принтскрин
Забава
(Фото) Веднаш го воздигнува секој аутфит и го прави бескрајно пософистициран: збогум на чизмите до глужд
Ако ги следите модните случувања на улиците на Париз оваа сезона, ќе забележите дека едно парче што некогаш беше сеприсутно недостасува – чизми до глужд. Стилот што со години го дефинираше урбаниот шик тивко отстапи место на поелегантна, повисока и многу порафинирана силуета: тесната чизма до колена.
Оваа елегантна силуета, која прецизно одговара на ногата, веднаш го воздигнува секој аутфит и го прави бескрајно пософистициран од пониските модели. Тоа е промена во обувките што го претвора дури и наједноставниот аутфит во нешто незаборавно и импресивно.
Разновидноста како клуч за успех
Најелегантните Парижани ги комбинираат овие чизми со сè, од миди здолништа до кроени панталони вовлечени во чизми, докажувајќи дека разновидноста е клучот за нивната привлечност.
Додека чизмите до глужд честопати даваат лежерен и опуштен впечаток, тесните чизми до колена создаваат издолжена линија, ги балансираат пропорциите и им даваат на аутфитите неоспорна доза на софистицираност. Резултатот? Нозете изгледаат подолги, аутфитите изгледаат поисполирано, а целокупниот изглед зрачи со пригушен луксуз.
Совршено се вклопува со сезонски парчиња
Друга причина зошто овој тренд е толку популарен е тоа што совршено се комбинира со други клучни парчиња од сезоната. Помислете на преголеми велур палта, удобни плетени парчиња и елегантни кожни здолништа – сите тие се дополнително нагласени со високи, тесни чизми.
За разлика од погрубите стилови кои можат да изгледаат премногу гломазни, оваа потенка силуета нуди елеганција без да го жртвува влијанието. Тоа е суптилен, но моќен начин да се подигне изгледот без премногу напор.
Новиот моден стандард
Како и секогаш, Париз го поставува тонот за трендовите што доаѓаат. Судејќи според уличната мода, тесните чизми до колена веќе не се само стилски избор за смелите, туку брзо стануваат нов стандард.
Не е изненадување што тие доминираат во есенските гардероби надвор од Франција, зацврстувајќи го своето место како шик алтернатива на чизмите до глужд.
фото: принтскрин
Трамп постигна прекин на огнот во Газа, но сега се појавуваат три големи прашања
Американскиот претседател Доналд Трамп успеа да ги донесе Израел и Хамас на преговарачка маса и да постигне прекин на огнот,...
(Видео) Трамп по враќањето од Израел: „Ова беше историски ден за светот“
На летот за Вашингтон од Израел и Египет, американскиот претседател Доналд Трамп разговараше со новинарите во авионот „Ер Форс Уан“....
Кина одговори на мерките на САД: специјални пристанишни такси за американските бродови
Кина официјално почна да наплаќа посебни пристанишни такси за бродови во сопственост, управувани, изградени или кои го пловат американското знаме,...
(Видео) Се урна рудник во Венецуела, најмалку 14 мртви
Најмалку 14 лица загинаа откако рудник за злато се урна во општината Ел Калао во јужна Венецуела по обилните дождови...
(Видео) „Спејс Икс“ на Маск ја лансираше единаесеттата ракета „Старшип“
„Спејс Икс“ на Илон Маск вчера ја лансираше својата единаесетта ракета „Старшип“ од „Старбејс“ во Тексас. Starship's eleventh flight test...
(Видео) Жесток руски напад врз Харков, погодена болница: 30.000 луѓе останаа без струја
Руските сили го нападнаа Харков со наведувани бомби, прекинувајќи го снабдувањето со електрична енергија на 30.000 корисници во три области,...
Трамп го потпиша мировниот договор за Газа: „Поминаа 3.000 години за да се стигне до ова“
Американскиот претседател Доналд Трамп го потпиша првиот мировен план за Газа, изјавувајќи при потпишувањето: „Поминаа 3.000 години за да се...
ЕУ отвора центри за вештачка интелигенција во Македонија и Србија
Претседателката на Европската комисија, Урсула фон дер Лајен, денеска најави дека Европската унија ќе отвори две „ВИ фабрики“ (центри за...
Поранешен дечко со оружје дошол пред домот на девојка во Гевгелија, полицијата го спречила
Полицијата во Гевгелија денеска спречи обид за убиство на девојка од нејзиниот поранешен партнер. Според информациите на Министерството за внатрешни...
Алиу лично е за токсиколошка проверка да биде законска за сите лекари, но не знае дали правно може да се дефинира
Министерот за здравство Азир Алиу лично смета дека треба да се додаде законска обврска за токсиколошки анализи на сите лекари...
Јован Божиновски назначен за нов директор на Клиникaта за неврологија, соопшти Алиу
Министерот за здравство Азир Алиу, на денешната прес-конференција информираше дека за нов в.д. директор на Клиниката за неврологија е назначен...
Ѓорѓиевски дискотеките ќе ги извади на периферијата, младите брачни двојки ќе бидат 100 % ослободени од комуналии ако градат куќа
Иднината на Скопје, кандидатот за градоначалник од ВМРО – ДПМНЕ, Орце Ѓорѓиевски ја гледа како град кој функционира паметно, брзо...
Новата грејна сезона официјално почнува на 15 октомври: испораката на топлинска енергија ќе зависи од атмосферските услови
Од 15 октомври, официјално почнува грејната сезона 2025/2026 година за сите потрошувачи приклучени на системот за централно греење во градот...
Инспектор од Тетово уништувал докази во постапка против неговиот син кој бил уапсен за трговија со дрога
Полицијата поднесе кривична пријава против двајца инспектори од Отсекот за недозволена трговија со дрога и оружје при СВР Тетово за...
Граѓаните да се пријавуваат на vakcinacija.mk за вакцинирање против сезонскиот грип
Во тек е дистрибуција на вакцините против сезонски грип низ јавните здравствени установи, граѓаните може да се пријавуваат на апликацијата...
На полноќ завршува објавувањето резултати од анкетите за локалните избори
Агенцијата за аудио и аудиовизуелни медиумски услуги ги потсетува радиодифузерите дека согласно Изборниот законик, резултатите од испитувањата на јавното мислење...
(Видео) Израелските заложници контактираа со своите семејства преку видеоврска пред да бидат ослободени
Некои заложници што ги држеше Хамас можеа да разговараат со своите семејства преку видео повик кратко пред нивното ослободување, објавија...
(Видео) Ослободени сите живи заложници од Газа
Тринаесет преостанати живи заложници што ги држеше Хамас во Појасот Газа се ослободени и предадени на Црвениот крст, објавија израелските...
„Влен“: Вресоците на Ахмети, Таравари и на Села се последните извици на една коалиција во распад
„Селотејп коалицијата, составена од ситни лични интереси, по локалните избори го завршува своето политичко поглавје, засекогаш. Вресоците на Ахмети, Таравари...
Царински инспектори пронајдоа дрога во стан на студентка, државјанка на Турција
Психотропна дрога метилендиоксиметамфетамин, мефедрон и марихуана е пронајдена при претрес на дом во Гостивар во кој престојувала студентка, државјанка на...
