Свет
(Видео) Русин уапсен во Америка, имал доволно експлозив за да срамни цел кварт
Руски државјанин неодамна уапсен во САД е обвинет за производство на оружје за масовно уништување во неговиот дом во Филаделфија, јавуваат американските медиуми. Од имотот на Евгени Садрисламов се запленети речиси 23 килограми експлозив, а властите велат дека со него можел да го „уништи целиот кварт“.
Пожарникарите биле повикани на неговиот имот минатиот петок откако добиле дојава за чад што доаѓа од гаражата, објави Фокс 29 њуз. Маж и жена, чиј идентитет не се соопштува, се извлечени од домот и им била укажана лекарска помош на местото на настанот.
Џејмс Кели Трети, заменик началникот на полицијата во Филаделфија, рече дека во подрумот и гаражата била пронајдена „лабораторија за производство на експлозиви“, вклучувајќи материјали за правење запаливи направи.
„Навистина избегнавме голема трагедија“, рече тој.
Евгениј Садрисламов (27) се товари за поседување оружје за масовно уништување, палење и несовесно загрозување на јавната безбедност.
Тој е задржан со кауција од 950.000 долари, а прелиминарното сослушување е закажано за 22 октомври, соопштија официјални лица.
Садрисламов веќе беше на условна казна по инцидентот во 2020 година, кога во неговиот дом беше пронајден комерцијален огномет. Обвинителите рекоа дека новиот инцидент е „јасна ескалација“ на неговата претходна пресуда.
„Денес имаме среќа да зборуваме за обвинет кој е обвинет само за загрозување на себеси, на своето семејство и на своето соседство со неговата илегална лабораторија за експлозиви“, рече Ерик ДеГри, специјален агент во Бирото за алкохол, тутун, огнено оружје и експлозиви.
Тој додаде дека Садрисламов можел да се убие себеси и своето семејство, но и своите соседи. „Ова беше огромна опасност за заедницата. Имаше толку многу експлозиви пронајдени во куќата што можеше да срамни цел кварт“, рече Ангела Бренан, помошник окружен обвинител.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Тлото се тресеше, никој не верува дека е земјотрес, дали Иран го изврши првиот нуклеарен тест
Неколку дена по објавувањето на веста за земјотрес во иранската провинција Семнан, на социјалните мрежи продолжија шпекулациите дека потресите биле предизвикани од првата нуклеарна проба на Техеран. Во саботата во 22:45 часот, Сеизмографскиот центар на Универзитетот во Техеран соопшти дека земјотрес со јачина од 4,4 степени според Рихтеровата скала го погоди градот Арадан во провинцијата Семнан, а потреси се почувствувани и во делови од источен Техеран.
Епицентарот на земјотресот, кој се случи на 12 километри под површината, е регистриран на координати 35,42° северна географска ширина и 52,78° источна географска должина, пишува Еуроњуз. Неколку часа по објавувањето на веста, корисниците на социјалните мрежи почнаа да шпекулираат дека иранскиот режим можеби се обидел да го изврши својот прв подземен нуклеарен тест, веројатно како одвраќање против израелските напади на неговата територија.
Шпекулациите доаѓаат во време кога иранските власти и командантите на Револуционерната гарда постојано се закануваа дека доколку се засилат економските, политичките и воените притисоци врз земјата, Техеран ќе ја промени својата воена одбранбена доктрина. Ваквата промена ќе бара измена на фатвата на иранскиот лидер за забрана на употреба на нуклеарно оружје.
НорЊуз, веб-страница која неформално делува како главен извор на информации за Националниот совет за безбедност на Исламската Република, ги отфрли шпекулациите за нуклеарните тестови како „гласини“ и повтори дека нуклеарните тестови се во спротивност со нуклеарната и одбранбената доктрина на Иран.
Во 2019 година, Фондацијата за одбрана на демократиите, тинк-тенк со седиште во Вашингтон, објави извештај во кој се наведува дека Иран започнал програма за изградба на подземни локации за нуклеарни тестирања, познат како „Field Project“.
Иранското Министерство за надворешни работи веќе пет години ја санкционира оваа фондација за „производство и ширење лаги, поттикнување, лобирање и водење негативни пропагандни кампањи против Исламската Република со цел да одигра клучна улога во воведувањето и зајакнувањето на економските санкции“.
Според извештајот од 2019 година, истражувачите на фондацијата „идентификувале веројатна локација (во област југоисточно од Семнан) каде што биле спроведени ненуклеарни експлозивни тестови во 2003 година како дел од развојот на методи за мерење на ефектот од подземните нуклеарни експлозии.
Ова ја зголемува можноста земјотресот регистриран во Семнан да е поврзан со првата нуклеарна проба на Техеран, пишува Еуроњуз.
Иако Иран претходно го призна постоењето на вселенскиот центар Имам Хомеини и ракетната локација југоисточно од Семнан, таа локација е на повеќе од 100 километри од епицентарот на земјотресот.
И покрај ова, некои корисници на социјалните мрежи продолжуваат да шпекулираат дека Иран можеби има непријавен подземен нуклеарен објект во провинцијата Семнан, кој претпочита да го користи како полигон наместо да врши тестови на познати локации како Натанц.
Техеран долго време не ги известуваше своите нуклеарни активности до Меѓународната агенција за атомска енергија. Во исто време, Иран е област каде што земјотресите се чести, така што потресите како овој не се невообичаени.
Регион
(Видео) Село кај Јабланица во БиХ се уште е отсечено: „Единствениот начин е со чамец или пеш низ шумата“
Селото Чивељ кај Јабланица беше целосно отсечено од остатокот на Босна и Херцеговина по катастрофалните поплави што ја погодија земјата. Поминаа седум дена од трагедијата, но патната комуникација до одредени места се уште е блокирана.
Чивељ е мало место на Јабланичкото езеро кое нема голем број жители, а бидејќи трагедијата се случи поради врнежите минатата недела, тие немаат можност да стигнат до градот со приватни возила, пишува Кликс.
Единствениот начин да се стигне од ова село до Јабланица е, пишува порталот, со брод преку езерото или пет часа пешачење низ шумата. Спасувачите со чамци и сплавови им доставуваат храна и вода, а имаат и проблеми со струјата.
Претходно се случуваше локалниот пат да биде блокиран поради порои и наноси од карпи кои паднаа на коловозот. Мештаните за Кликс изјавија дека причината е блискиот каменолом, кој исто така овојпат направил проблем.
Посочуваат дека во Чивељ дошло до целосно излевање на потокот во близина на каменоломот и дека наносите на земја престанале на само 50-ина метри од куќите. На ова место немаше жртви во поплавите неодамна.
Свет
Камала Харис одби да одговори дали ќе ја напушти Америка доколку Трамп победи на изборите
Камала Харис, потпретседателката на САД и кандидат на Демократската партија на претстојните избори, кои ќе се одржат во првиот вторник во ноември, не ја отфрли можноста да ја напушти Америка доколку загуби од Доналд Трамп, поранешен претседател и кандидат на Републиканската партија.
Камала Харис не одлучила дека ќе се исели од САД, пренесува „Дејли мејл“.
🚨BREAKING: Kamala refuses to rule out leaving the country if she loses 🤣 pic.twitter.com/R0ryQPoso9
— Proud Elephant 🇺🇸🦅 (@ProudElephantUS) October 8, 2024
Таа одби директно да одговори на прашањето кое и го постави познатиот водител на ток-шоу Хауард Стерн. Домаќинот е отворен поддржувач на Демократската партија и ја поддржува Камала Харис.
„Ако тој победи, не дај Боже, дали ќе се чувствувате безбедно во оваа земја? Дали би останала во оваа земја“, праша Стерн, мислејќи на Трамп.
Поранешниот претседател претходно се закани дека ќе ги затвори своите политички противници.
„Хауард, правам се што можам за да се осигурам дека тој нема да победи“, одговори Камала Харис.
Стерн, сепак, не бил задоволен од тој одговор.
„Па, што ако победи? Како можеш да бидеш сигурна? Тој вели: Овој пат само ќе правам што сакам, знам што треба да направам“, рече водителот.
Овој разговор меѓу водителот и кандидатот за претседател на САД предизвика излив на ентузијазам кај поддржувачите на Доналд Трамп на социјалните мрежи. Тие се убедени во победата на Трамп и тврдат дека Камала Харис треба веќе сега да ја напушти земјата.