Свет
Австралија ги повика граѓаните да го напуштат Израел додека се уште има летови
Австралија ги предупреди своите граѓани да не патуваат во Израел и ги повика Австралијците таму да ја напуштат земјата додека се уште се достапни комерцијалните летови, наведувајќи го конфликтот меѓу Израел и Хезболах.
„Австралиската влада е сериозно загрижена дека безбедносната ситуација во Израел и окупираните палестински територии може брзо да се влоши“, изјави синоќа на социјалната мрежа „Икс“ министерката за надворешни работи Пени Вонг.
Останува висок ризик од воени и терористички напади врз Израел, предупреди советодавната канцеларија на австралиската влада за патувања.
Некои авиокомпании ги намалија или суспендираа летовите за Израел откако ескалацијата на конфликтот предизвика затворање на воздушниот простор, се вели во предупредувањето.
Израел вчера ги прошири своите цели во војната со Хезболах, при што загинаа најмалку 21 лице во воздушен напад во северен Либан, соопштија здравствените власти, додека милиони Израелци се засолниле од проектилите истрелани од границата.
Четворица израелски војници беа убиени во централниот дел на Израел во неделата, откако Хезболах го нападна Израел со беспилотни летала.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Прага ги забрани ноќните туристички обиколки во баровите: „Не ги сакаме тие што доаѓаат да се опијанат“
Прага ги забрани тури во барови организирани од туристички компании, во обид да ја спречи бучавата што ја создаваат пијаните туристи, пренесува Политико.
Забраната, која ја усвоија градските советници, значи дека вечерните обиколки во баровите и пабовите каде што туристичките групи ги обиколуваат просториите веќе нема да бидат можни меѓу 22 часот и 6 часот наутро, јавуваат чешките медиуми.
Во предлогот на градот се наведува дека „неразумното консумирање алкохол и однесувањето во пабови може да создаде впечаток на недостаток на култура во заедницата, да го намали чувството на сигурност и да има негативно влијание врз перцепцијата на градот од страна на туристите, потенцијалните инвеститори и граѓаните“.
Заменик-градоначалникот на Прага, Зденек Хриб, им рече на новинарите дека „нема да биде можно да се организираат тури со водич навечер“, додека неговиот колега, исто така заменик-градоначалник Јиржи Поспишил, рече дека градот „бара покултурни и богати туристи, а не оние кои доаѓаат само на кратко да се опијанат“.
Жителите на центарот на Прага долго време се жалат на бучава и несигурност поради масовниот туризам. Улиците се полни со пабови и пивски сали во земјата која бележи најголема потрошувачка на пиво по глава на жител во светот.
Свет
(Видео) Во израелските напади во текот на ноќта во Газа загинаа 29 Палестинци
Најмалку 29 Палестинци се убиени во нападите извршени од израелската армија во различни делови на Појасот Газа.
Израелските сили започнаа напади врз бегалскиот камп Џабалија и градот Газа на север, Кан Јунис на југ и бегалскиот камп Нусејрат во централниот дел на Појасот Газа.
Според информациите добиени од медицински извори во болницата „Кемал Адван“, четворица Палестинци се убиени во напад на куќа во населбата Ал-Фалуџа во Џабалија, а тројца во напад на куќата на семејството Ед-Дахдух во Аз-Зејтун, градот Газа.
Како што јави палестинската новинска агенција ВАФА, десет лица загинаа во напад на куќа во која беа сместени раселените Палестинци во регионот Бени Сухејла во Кан Јунис, а седум во Ал-Фухари.
Петмина Палестинци загинаа во напад на куќа на запад од бегалскиот камп Нусејрат.
Европа
Русија го ракетираше Миколаев, едно лице загина
Најмалку едно лице загина, а 16 се повредени во ракетен напад што го изврши руската војска во областа Миколаев во Украина.
Виталиј Ким, шеф на Воената управа на Миколаевската област, изјави дека Русија го нападнала регионот со ракети С-300/400.
Тој изјави дека руската армија во текот на ноќта го нападнала градот Миколаев со ракети С-300. „Оштетени се зградата, ресторанскиот комплекс, комерцијалните објекти, куќите и возилата. Избувнал пожар. Во нападот загинала една жена, а 16 лица се повредени“, изјави Ким.
Вадим Филашкин, шеф на воената управа на регионот Доњецк, ја сподели информацијата дека во вчерашниот руски напад врз регионот се повредени пет цивили.
Командата на украинските воздухопловни сили соопшти дека синоќа Русија ги нападнала украинските позиции со седум противвоздушни ракети „С-300/400“ во Миколаев, две ракети „Х-59“ во областите Чернихив и Суми и 17 „Шахед“ тип беспилотни летала“ низ целата земја.