Забава
Ди Каприо се врати во Америка, со неговата девојка снимени на улиците на Њујорк
После долгиот одмор во Италија, Леонардо ди Каприо се врати во Америка.
Тој е снимен со неговата 26-годишна девојка Виторија Серети на улиците во Њујорк додека се возат со изнајмени велосипеди. 49-годишниот актер носел маска на лицето.
Леонардо минатата недела беше во Рим, каде заедно со неговата девојка ги видоа најголемите знаменитости во градот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Специјални музички миксови и „ПМГ си ти“ – настан за роденденот на Мирко Попов
Денека е 15 октомври. Роденден на Мирко Попов. Еден од најплодните македонски автори, кој во својот креативен и творечки пат од 30 години остави значително музичко творештво и простор за поддршка и промоција на работата на неколку генерации македонски музички творци.
Во негова чест, онлајн продавницата Mitra.mk, чиј голем поддржувач беше и Попов ќе го одбележи неговиот роденден со специјални музички миксови достапни за сите, кои ги направија неговите најблиски другари, соработници и диџеи. Миксовите ги рефлектираат креативизмот и страста кон музиката, кои беа нераскинлив дел од Попов.
Музички миксови направија: Дарко Јорданов, Виолета Качакова, Александар Гавровски, Божидар Видоевски, Илина Ангеловска, Нино Наумов, Божидар Јовановиќ Боле, Далибор Таневски – Дади, Дарко Марковски, Александар Малевски, Зоран Ристевски Зоки – Бејбе, Оги Узун, Нино Флудер, Роботек и Теа Шалдева.
Одбележувањето на неговиот роденден продолжува на 18 октомври во барот „МАККА“ и ноќниот клуб „Епицентар“, со целовечерна музичка програма, која ќе се случи под името „PMG si Ti”, како цитат од песната „Право“ на ПМГ Колектив и обединувачки глас на прогресивната и еманципирана мисла и културно движење. Вечерата ќе се исполни со музика и диџеј настапи на: Александар Гавровски, Дарко Јорданов, Нино Наумов, Виолета Качакова, Андреја Салпе, Илина Ангеловска и Божидар Видоески.
Професионалниот опус на Попов опфаќа континуирана работа како автор (композитор и продуцент на музика, текстописец, сценарист и поет), издавач на македонска музика, диџеј, радио водител и уредник, музички критичар и колумнист.
Визијата за подобар град и земја која го негува современиот израз во македонската музичка култура го дефинира неговиот професионален ангажман. Уште од раните 90-ти преку создавање на ПМГ (прогресивна мултимедијална група) како водечка авангардна сила на скопските улици, иницира широк спектар акции во полето на музиката и урбаната култура. Крајот на 90-те го бележи со формирањето на дискографската куќа ПМГ Рекордингс со над 300 изданија на современа македонска музика. Отворена за различни жанрови на автентичен и квалитетен израз од домашни автори, издаваштвото се развива и преку под-лејбловите ПМГЏез, ПМГ Танц Дигитал, Con:Tempo и Мкаедониде.
Како простор за презентација на оваа култура тој иницира и организира бројни музички програми, фестивали и редовни концерти на музичарите чија музика ја издава. Освен промоција на домашната музика во рамки ја овие настани во домашен контекст презентира и дел од светската електронска, рок и џез сцена. Меѓу нив веди да се споменат: Првиот фестивал на електронска музика кај нас TRIBAL GATHERING (1996), СЛОБОДНО СКОПЈЕ ФЕСТИВАЛ (1999) – еден од најзначајните кросовер настани кај нас, 14 изданија на ПМГ Рекордингс Фестивал, како и фестивалите произлезени од соработката со останати дејци на сцената: 12 изданија на Земјотрес – фестивалот на свежа домашна музика и 5 изданија на Крај Вардарот Џез фестивал.
Неговата пасија за винилни го води во нов предизвик да издава македонска музика на овој се уште најценет носач на звук. Од 2017 до 2024 за ПМГ Рекордингс издава 13 винилни на македонска музика.
Како музички автор и изведувач активно твори и настапува во своите бендови: ПМГ Колектив, Кантон 6 и Македони кру, како и со својот соло проект Мирко Попов квартет. Вкупно 17 албуми, едно издание на најголемите хитови на ПМГ Колектив, бројни е.п и синглови, како и еден албумот соработка со Сетстат и Никола Коџобашија.
Како писател е потпишан на изданијата „Монографија: 20 Години те сакам“ и книгата за деца „Розевата планета“. Автор е на музика за театар и филм. Режисер и продуцент на музички видео записи, меѓу кои и музички филм „До небото замок“.
Две децении работи како водител на бројни емисии на Канал 103, и дел од уредничката структура. Значењето на ова радио го документира во филмот „103 Љубовно писмо до алтернативната култура” (2012), во кој се јавува како сценарист, продуцент, наратор и селектори на музика.
Неговиот придонес во македонската култура ќе остане трајно запишан и вреден, а неговата работа и креиран простор продолжува да се цени и развива преку делувањето на најблиските соработници.
Забава
Судењето на Диди ќе се одржи истиот ден со „Мет гала“, дотогаш тој останува во притвор
Објавен е датумот за судење на раперот Шон Диди Комбс.
Судењето е закажано за 5 мај 2025 година, пренесува Page Six. На истиот датум ќе се одржи и Мет Гала, на која Диди гостуваше неколку пати.
Раперот ќе остане во притвор до судењето. Неговиот адвокатски тим, всушност, неодамна по трет пат побара право на кауција, но судијата го одби.
Шон Диди Комбс е обвинет за три точки, за сексуално злоставување жени и нивно принудување да учествуваат во секс забави и да користат дрога користејќи закани и насилство. Покрај тоа, тој беше обвинет за трговија со луѓе и водење криминална организација.
Пред неколку дена Диди за прв пат се појави пред судија по апсењето.
Забава
Проверете дали сте на списокот: најпаметните хороскопски знаци
Астрологијата, иако не е наука, може да каже многу за една личност! На пример, астролозите честопати се склони да советуваат со кого најдобро ќе се сложувате, на кои знаци априори може да им верувате или да очекувате најголема поддршка.
Денеска дознаваме кои се најпаметните хороскопски знаци!
Секако, интелигентните луѓе можат да се родат под кој било знак, но овие четири хороскопски знаци се издвојуваат.
Близнаци
Овој знак е прв меѓу најпаметните. Луѓето родени под ова соѕвездие се издвојуваат меѓу другите со нивниот моќен интелект и ненадмината интелигенција. Можете безбедно да ги прашате за совет во секоја прилика – Близнаците нема да даваат глупави совети.
Рак
Ракот го зазеде второто место. Овој романтичен хороскопски знак може да прави непромислени работи, но обично го користи правилото „Седум пати мери, еднаш сечи“. А причината за таквиот балансиран пристап кон животот е прилично едноставна: Раковите се плашат да направат грешка.
Девица
Овој знак е секогаш подготвен да ги остави настрана своите амбиции и претпочита избалансиран и разумен пристап. Тие се обидуваат да бидат незабележителни, а во исто време ја набљудуваат ситуацијата, размислувајќи како да максимум да го искористат своето ново знаење. Ако понекогаш мислите дека Девицата е „глупава“, не брзајте со заклучоците – можеби ќе се изненадите.
Шкорпија
На Шкорпијата често и се припишуваат некои негативни особини. Овој хороскопски знак, кој не простува грешки, се карактеризира со неспоредлива интелигенција, лукавство и немилосрдност. Секогаш е подготвен да чека точно онолку колку што е потребно за да го даде вистинскиот одговор (и на прашањата и на навредите). Во животот, Шкорпиите обично ги изненадуваат своите познаници со нивната ерудиција и тесно познавање на нивната работа. Можете и мирно да побарате совет од нив: ако претставник на овој знак ве сака и ви е пријател, секогаш ќе го најде најдоброто решение.