Забава
Љубов на снимањето на „Емили во Париз“: глумеа пар, а потоа навистина се заљубиле
Во серијата „Емили во Париз“, актерите Ешли Парк и Пол Форман глумеа заљубена двојка, но нивната љубов се прошири надвор од екранот.
Форман се приклучи на актерската екипа на популарната серија во нејзината трета сезона како Николас Де Леон, момчето на пејачката во подем Минди Чен.
Пред официјално да ја објават својата врска, Парк и Форман често споделуваа заеднички фотографии од сетот, предизвикувајќи гласини за евентуална врска кои се покажаа како вистинити.
Тие никогаш не ја криеле својата љубовна врска. Заедно се појавија на бројни модни настани, каде што се гушкаа и прошетаа по црвениот тепих држејќи се за раце и насмеано им позираа на фотографите.
Ешли Парк го запозна Форман на снимањето на третата сезона на серијата Емили во Париз, токму во моментот кога по трауматичното раскинување со свој колега, помислила дека никогаш повеќе не сака да биде во врска со актер. „Првото нешто што Пол ми го кажа е дека никогаш не бил во врска со актерка… Мислев дека се шегува“, изјавила Ешли Парк за Cosmopolitan, додавајќи дека жешките момци како него не се нејзин тип.
„Не знам зошто, но некако секогаш прво мислам дека овие слатки не се и не можат да бидат за мене“, беше искрениот актер кој откри дека на почетокот биле само пријатели.
Ешли Парк додала дека нејзината колешка и пријателка Лили Колинс била најсреќна поради нивната врска, која прва ја забележала нивната хемија.
„Таа секогаш ме задеваше дека вежбаме бакнување во соблекувалната бидејќи вообичаено не го правиме тоа. Но, тоа беше нашиот начин”, сподели Ешли.
Актерката откри дека поминала една недела на интензивна нега поради критичен септички шок. Своите слики од болницата ги објави и на Инстаграм. Тогаш Ешли трогателно му се заблагодари на француско-англискиот актер за неговата поддршка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Од денеска до сабота „Пиволенд“ тринаесетти пат во Скопје
Од 16 до 19 октомври во Паркот на франкофонијата ќе се одржи тринаесеттото издание на најстариот пивски фестивал во Скопје, „Пиволенд“.
Фестивалот, кој традиционално се одржува од 2009 година, за посетителите ќе понуди повеќе од 30 разновидни брендови, со повеќе од 100 вида индустриско и занаетчиско пиво, вкусни деликатеси, како и повеќе од 40 музички артисти.
Фокусот и оваа година е на поддршка на македонската музичка сцена и Скопје ќе пулсира во ритамот на рокенролот, реге, панк, хипхоп, поп и блуз, а своја шанса да се претстават пред македонската публика ќе имаат и млади и надежни имиња.
На главната сцена на „Пиволенд“ ќе настапат Бадминтонс, Морал, Паркети, Викеда, Д Далтонс, Пичвајз, Занаду, Деменси, Гуру Харе бенд, Диџеј Славе, Бело копче, Огнен Здравковски, Културно-уметнички работници и многу други.
За најмладите в сабота е подготвена и дневна програма, а на сцената ќе свират млади бендови од училиштата „Ентерпрајз“ и „Мјузик лаб“.
Почетокот на фестивалот денеска е од 18, а од организацијата испраќаат покана до сите љубители на пивото и поддржувачи на „Пиволенд“ – „Бидете дел и од годишното издание на ‘Пиволенд’ за заедно да продолжиме една убава скопска традиција и да го исполниме нашето мото – Дојди, види, испиј!“
Забава
Ќерката на Клинт Иствуд уапсена поради семејно насилство, ослободена со кауција
Франческа Иствуд, ќерка на познатиот актер и режисер Клинт Иствуд, е уапсена под обвинение за семејно насилство во Беверли Хилс, пишува The New York Post.
Портпаролот на полицискиот оддел Беверли Хилс рече: „Во сабота, 12 октомври 2024 година, околу 22:42 часот, полицискиот оддел одговори на повик за можен инцидент семејно насилство. Полицајците спроведоа истрага и врз основа на изјавите и повреди на Франческа Рут Фишер Иствуд од Лос Анџелес беше уапсена за кривично дело семејно насилство.
Според информациите, Франческа се скарала со своето момче додека возела низ Беверли Хилс. Кавгата наводно ескалирала и станала физичка. Откако полицијата дошла и ги земала изјавите на двете страни и ги проценувала повредите, кои според медиумите ги имал дечкото, полицијата ја уапсила Франческа.
Нејзиното момче одбило лекарска помош, а Франческа била пуштена од полициски притвор откако платила кауција од 50.000 долари. Полицијата не го објави идентитетот на наводната жртва во согласност со законите во Калифорнија. Франческа е во врска со актерот Александар Врејт, иако не е јасно дали тој на некој начин бил вмешан во инцидентот. Двојката го има шестгодишниот син Титан.
Врејт и Франческа ја официјализираа својата романса на црвениот тепих во 2018 година. Актерката во тоа време беше бремена со нивното дете.
Пред да излезе со Врајт, Франческа беше кратко во брак со Џордан Фелдштајн, брат на актерот Џон Хил. По него ја поврзуваа со Клифтон Колинс Јуниор, но не се знае кога раскинале.
Забава
Гитаристот на Ози Озборн застрелан во Лас Вегас
Поранешниот гитарист во бендот на Ози Озборн, Џејк Е. Ли бил застрелан неколку пати додека го шетал своето куче во Лас Вегас, но повредите со кои се здобил не биле опасни по живот, објавија денеска американските медиуми.
Џејк Е. Ли, музичар кој помогна во работата на соло албумот на Ози од 1983 година, Bark At The Moon, е свесен и „се очекува целосно да закрепне“, пишува Sky News.
Тим Хајн, менаџерот на рок бендот Red Dragon Kartel, изјави дека ниту еден од неговите внатрешни органи не бил засегнат.
„Со милоста Божја, ниеден поголем орган не е зафатен, тој е целосно свесен и се очекува целосно да се опорави. Инцидентот е под полициска истрага и нема да има дополнителни коментари“, рече Хајн.
Полицијата во Лас Вегас соопшти дека пукањето се случило во вторникот околу 2:40 часот во населба лоцирана на околу 15 километри од центарот на Лас Вегас, дека никој не е уапсен и дека истрагата е во тек.