Македонија
„За коса ја извадил од такси-возилото, ја удрил со главата и ѝ ја пукнал левата аркада“, Обвинителството поведе постапка против скопјанец
Основното јавно обвинителство Скопје поведе постапка против 32-годишен скопјанец поради основано сомнение за кривично дело – Тешка телесна повреда според член 131 став 2 во врска со став 1 од Кривичниот законик.
Осомничениот, на 14 октомври, со умисла при вршење семејно насилство тешко телесно ја повредил својата вонбрачна партнерка. Двајцата со такси возило се враќале во нивниот дом кога меѓу нив настанала вербална расправија. Во моментот кога дошле во близина домот, осомничениот ја фатил оштетената за коса, ја извадил од такси возилото и ја удрил со глава во челото со што и ја пукнал левата аркада. Потоа продолжил да ја удира по носот, вилицата, стомакот и грбот, нанесувајќи и тешки телесни повреди – контузија, фрактури и крвни подливи.
Според проценката на јавниот обвинител, во конкретниот кривично-правен настан се исполнети законските претпоставки за определување на мерка притвор – опасност од бегство и можност да го повтори семејното насилство кон оштетената. Од тие причини, до судијата на претходна постапка од Основниот кривичен суд Скопје, обвинителството достави предлог за определување мерка притвор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Јанчева: ВМРО-ДПМНЕ и Арсовска се единствени виновници за најлошиот јавен превоз во Европа
Извештајот на Европската Комисија јасно го потврдува она што скопјани го чувствуваат секојдневно: јавниот превоз во Скопје е во катастрофална состојба, најлош во Европа! Ваквата состојба е директен резултат на неспособноста на локалната власт предводена од ВМРО-ДПМНЕ и градоначалничката Данела Арсовска, кои, за само 3 години владеење, успеаја да го доведат Скопје на дното, не само во транспортот, туку и во сите други области. Наместо да ги исполнат ветувањата за инвестиции и модернизација на јавниот превоз, станавме сведоци на епско потфрлање и тотален хаос во јавниот градски сообраќај, изјави Љубица Јанчева, совеничка и координаторка на советничката група на СДСМ во Скопје.
– Пред само 3 години ветуваа модерно Скопје, нови 250 автобуси, дури и бесплатен превоз. Ниту едно од ветувањата на ДПМНЕ не е остварено. Оваа ситуација секојдневно ги погодува граѓаните на Скопје, кои се соочуваат со проблеми поради нередовност, доцнење на редовните автобуси. Страдаат поради надостигот на нови автобуси и поради целосно нефункционалниот и застарен концепт на јавен сообраќај во Скопје. Одговорноста лежи кај советниците на ВМРО-ДПМНЕ, кои се против проектот БРТ, и намерно не гласаат за набавката на нови автобуси, кои ги ветуваа, како и кај Владата на Мицкоски која не презема никакви мерки.Наместо да се грижат за потребите на скопјани, тие се фокусираат на своите неуспешни бизнис интереси и сојузништва, оставајќи ги граѓаните сами да се справуваат со хаосот. ВМРО-ДПМНЕ и нивната неспособност се најголемите виновници за катастрофата во јавниот превоз во Скопје – рече Јанчева.
Македонија
„Октомвриски розов карван – превенцијата е најдобра заштита“: Министерството за здравство со кампања за подигнување на свеста за откривање на рак на дојката
Министерството за здравство почна национална кампања со мотото „Октомвриски розов каравн – превенцијата е најдобра заштита“ со цел подигнување на свесноста за рано откривање рак на дојката.
Во рамките на кампањата се повикуваат граѓаните, в сабота (19.10.), од 12 до 16 часот, и на 26 октомври од 13 часот во „Скопје сити мол“, каде што ќе биде поставен информативен штанд и ќе имаат можност да се информираат за тековните активности за превенција и лекување на ракот на дојката.
На 26 октомври, во 13 часот ,ќе се одржи централна трибина во „Синеплекс“, „Скопје сити мол“, каде што панелисти ќе бидат членови на националната комисија за скрининг на рак на дојката.
Кампањата се спроведува со поддршка од СЗО, УНФПА, Град Скопје, Здружението за помош и поддршка на пациентите со гинеколошки заболувања „Фемина М“, Националната опера и Балет, Факултетот за музичка уметност – Скопје и општествено одговорните компании „Скопје сити мол“ и „Синеплекс“, соопшти Министерството.
Македонија
Јакимовски: Има средства да се финансира академија на науки и уметности на Албанците, а нема да се обезбеди парно за учениците во Карпош
Не може да се штеди на грбот на граѓаните и децата на територија на општина Карпош. Вчера градоначалниците Албанци од локалната самоуправа рекоа дека сами ќе ја финансираат академијата на науки и ументостви на Албанците. Тие имаат средства да си ја финансираат академијата, а ние македонските градоначалници немаме средства да го платиме ни парното за учениците во основните училишта, посочи на денешната прес-конференицја градоначалникот на Карпош Стевчо Јакимовски.
„Сето тоа го поддржа председателот на советот на Град Скопје, професорот доктор Трајко Славевски кој јасно укажува дека е ова договорена работа за како да ги прејдат граѓаните, односно тоа да не го плати централната власт туку да оди преку локална самоуправа“, вели Јакомовски и додава:
„Ова навистина е срамно од една Влада која дојде на власт со алтиалбанска реторика, но се однесува најнекоректно токму кон македонските опптини, ставајќи ги на маргините општините кратејки им ги средствата кои треба да им ги исплати, а трошоците во уличиштата постојано се зголемуваат“, посоли Јакимовски.
Потенцира и дека е коректно од министерката да каже дека нема средства, дека недостасуваат средства во Карпош и да се надева дека со новиот буџет за 2025 година ќе најде средства да го обезбеди Карпош да не должи за отоплување и други потреби.
„Крајно некоректно е да се каже дека градоначалникот е способен и ќе се најде“, дециден е Јакимовски.