Македонија
Во Велес утре ден на жалост поради тројцата загинати во сообраќајната несреќа
Утрешниот ден, 18 октомри, ќе биде ден на жалост во Велес поради сообраќајната несреќа кај Катланово, во која животот го загубија три лица од овој град.
Градоначалникот на Велес, Марко Колев, изрази сочувство до семејствата на загинатите сограѓани.
„Трагедиите како оваа, која се случи вчеравечер, ни ја покажуваат кревкоста на животот и нè потсетува на она што е навистина важно. Искрено сочувство до семејствата на загинатите сограѓани во сообраќајната несреќа, нашите мисли и молитви остануваат со повредените и посакуваме побргу закрепнување. На денешната седница на Советот на Општина Велес со едноминутно молчење ја искажавме нашите тага и жал и по итна точка на дневен ред Советот донесе одлука утрешниот ден да биде ден на жалост во Велес“, сподели Колев.
МВР претходно денес објави дека загинале три лица во сообраќајната несреќа која се случи вчера попладне на автопатот Скопје – Велес пред тунелот кај Катланово кога се преврте комбе.
Загинатите се А. Н. (37), Ј. А. (47) и Д. Ц. (66), сите од Велес.
Од овој град се и лицата што добија тешки телесни повреди – возачот О. Д. и сопатниците З. С. (59), В. З. (67), Н. Н. (33) и Б. П. (41).
Според информациите од МВР, до несреќата дошло кога комбето во кое се превезувале излетало од патот и се превртело.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Делови од Илинден и Ѓорче Петров денеска без струја
Од ЕВН Македонија АД известуваат дека денеска без електрична енергија ќе останат:
– во периодот од 09:00 до 13:00 часот, улица Бунарџик. (Општина Илинден)
– во периот од 09-00 до 15-00 часот, дел од корисниците на улиците: Мице Козар и Ѓуро Салај. (Општина Ѓорче Петров)
Македонија
Сончево и релативно топло со мала до умерена облачност
Сончево и релативно топло со мала до умерена облачност. Во утринските часови наместа ќе има зголемена облачност која во текот на денот ќе се намали. Ќе дува слаб ветер од северен правец. Минималната температура ќе биде во интервал од -2 до 3, а максималната ќе достигне од 12 до 17 степени.
Во Скопје, претпладне во делови од котлината ќе има услови за појава на слаба магла. Во текот на денот времето ќе биде сончево со мала до умерена облачност и претежно тивко. Минималната температура ќе се спушти до 1, а максималната ќе достигне до 14 степени.
Времето во наредниот период
Продолжува период на стабилно и релативно топло време. Во текот на ноќите и во утринските часови ќе има појава на магла на одредени места и зголемена облачност која во текот на денот ќе се намалува.
Македонија
Сообраќајот на граничниот премин Евзони (ГП Богородица) се одвива нормално
Сообраќајот на ГП Евзони (ГП Богородица) се одвива нормално, извести АМСМ.
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

