Свет
(Видео) Се појави снимка од ударот на хеликоптерот во радиокулата во Хјустон: „Трагедијата можеше да биде поголема“
Хеликоптерот што се урна во неделата во Хјустон кога удри во радио кула бил во приватна сопственост и властите веруваат дека се работи за несреќа.
На социјалната мрежа Икс, поранешен Твитер, се појави видео на кое наводно се гледа моментот кога хеликоптерот удрил во радио кулата и паднал на земја.
#Houston #Texas A #Helicopter has crashed into a radio antenna at approx 1954 local time. Unknown on injuries or fatalities at this time. The #FAA will be investigating. Video shared online. The Pics shared by #HoustonFireDept. pic.twitter.com/udGPaLsSth
— SLCScanner (@SLCScanner) October 21, 2024
Шефот на полицијата во Хјустон, Ноа Дијаз, изјави дека не е јасно колку точно загинале, но наводно четири лица биле во хеликоптерот.
„Ќе има истрага, ова е голема несреќа“, рече Дијаз, истакнувајќи дека ќе биде вклучена и Федералната управа за авијација.
Несреќата се случила во неделата нешто пред 20 часот, при што кулата се урнала, изјави градоначалникот Џон Витмеј.
⚡️In eastern Houston, USA, a helicopter crashed into a wireless tower. Which led to its crash. pic.twitter.com/zOiuZ52p1z
— The Global Monitor (@theglobalmonit) October 21, 2024
Витмајер верува дека ќе бидат потребни неколку дена за да се расчисти местото на несреќата. Сцената е блокирана од јавноста, пишува Daily Mail.
„Ова е трагичен настан вечерва, тоа е трагична загуба на животи“, додаде Витмајер.
Тој додаде дека целиот град е среќен што несреќата не била полоша, бидејќи во близина има резервоар за бутан.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Уапсен е поранешниот претседател на Албанија, Илир Мета
Поранешниот претседател на Албанија и лидер на Партијата на слободата, Илир Мета, е уапсен во Тирана по налог на Специјалното обвинителство за корупција и организиран криминална таа земја (СПАК).
Уапсен е на влезот во Тирана додека возел до местото каде требало да одржи прес-конференција, јавува „Еуроњуз Албанија“.
Мета е обвинет за перење пари, корупција и непријавување имот. Тој неколкупати се појавуваше во СПАК на распит за случајот ЧЕЗ-ДИА. Апсењето е поврзано со истрагите што СПАК веќе извесно време ги води за случајот ЧЕЗ-ДИА, а за него и неговата поранешна сопруга Моника Кријемади е спроведена имотна истрага.
Регион
Русинка паднала и преживеала од висина од 17 метри во зграда во Белград
Тинејџерка од Русија на возраст од 17 години синоќа паднала од 6-ти кат од зграда во Нов Белград и преживеала, пренесува Телеграф.
Девојчето паднало од напуштен објект, од висина од 17 метри. Била примена во болница со тешки повреди.
За овој случај известени се полицијата и обвинителството.
Свет
ЕУ за референдумот во Молдавија: Русија се мешаше и заплашуваше без преседан
Европската комисија целосно ги поддржува европските амбиции на Молдавија и го осудува невиденото мешање на Русија во кампањата за референдумот и претседателските избори. Продолжуваме да даваме целосна поддршка на европските амбиции на Молдавија, изјави портпаролот на Комисијата, Ерик Мамер.
Портпаролот на Комисијата за надворешна политика, Петер Стано, изјави дека референдумот и претседателските избори во Молдавија се одржаа „со невидено мешање и заплашување од страна на Русија“.
На референдумот одржан вчера, Молдавците со многу тесно мнозинство го поддржаа пристапот кон Европската Унија изјавувајќи дека членството во ЕУ треба да биде запишано во Уставот како стратешка цел. Претседателката Маја Санду ќе мора да оди во вториот круг од претседателските избори бидејќи во првиот не доби повеќе од половина од поддршката.
Молдавија доби кандидатски статус во јуни 2022 година и сега чека датум за почеток на преговорите. Референдумот и претседателските избори се еден вид тест за тоа дали поранешната советска република ќе се ослободи од влијанието на Москва и ќе се сврти неповратно кон Западот.