Свет
(Видео) Пристигна реакцијата на Америка за испраќање севернокорејски војници против Украина
Ако Северна Кореја испрати војници во Украина, тоа би било „опасен и загрижувачки развој на настаните“, соопштија синоќа Соединетите Американски Држави, додека Јужна Кореја и Велика Британија предупредија на високата цена што Москва ќе ја плати на Пјонгјанг.
„Во моментов се консултираме со нашите сојузници за можните последици од таков драматичен потег“, изјави заменик-амбасадорот на САД во ОН Роберт Вуд пред петнаесетчлениот Совет за безбедност.
Во февруари 2022 година, Русија ја нападна Украина. Украинскиот претседател Володимир Зеленски го обвини Пјонгјанг дека подготвува 10.000 војници да и помогне на Русија, а украинскиот амбасадор во ОН му рече на Советот за безбедност дека севернокорејските војници треба да бидат подготвени за војна во Украина до 1 ноември.
At least 11,000 North Korea troops have been initially deployed to support Russia’s ongoing invasion of Ukraine.
Footage shows them marching in Russia at a training ground. Expected to be ready for combat by November 1st. pic.twitter.com/b45jhgWgOH
— Anonymous (@YourAnonCentral) October 18, 2024
Јужнокорејската разузнавачка агенција минатата недела објави дека нејзините северни соседи веќе испратиле 1.500 припадници на специјалните сили во источна Русија, каде што треба да поминат низ аклиматизација и воена обука.
„Ако е вистина, тоа означува опасен и загрижувачки развој, како и се посилни воени врски меѓу Русија и Демократска Народна Република Кореја“, рече Вуд.
Кремљ одби да даде директен одговор на прашањето дали Северна Кореја им испраќа војници да се борат во Украина, но портпаролот Дмитриј Песков истакна дека соработката меѓу Москва и Пјонгјанг не е насочена против ниту една трета земја.
Британската амбасадорка Барбара Вудворд смета дека е „многу веројатно“ Северна Кореја да испраќа свои војници во Русија.
„Колку е потешко Путин да регрутира Руси за топовско месо, толку повеќе тој се потпира на Северна Кореја во неговата нелегална војна. Можеме да бидеме сигурни дека севернокорејското раководство ќе бара висока цена за возврат“, рече таа.
И јужнокорејскиот амбасадор Јонкук Хванг предвидува дека Пјонгјанг ќе има големи очекувања од Москва. „Тоа може да биде финансиска помош или технологија поврзана со нуклеарно оружје“, посочи таа.
Северна Кореја е под санкции на ОН од 2006 година поради нејзината нуклеарна програма.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Северна Кореја негираше дека испратила војници во Русија
Северна Кореја негираше дека и дала на Русија војници кои би можеле да бидат мобилизирани во конфликтот во Украина, а претставникот на Пјонгјанг во Обединетите нации рече дека таквите тврдења на Сеул се „неосновани гласини“.
„Во однос на таканаречената воена соработка со Русија, мојата делегација не чувствува потреба да ги коментира овие неосновани стереотипни гласини“, изјави претставникот на Северна Кореја на заседанието на Генералното собрание на ОН во Њујорк.
Овие тврдења на Сеул се „со цел да го нарушат имиџот“ на Северна Кореја и да ги „поткопаат легитимните, пријателски и кооперативни односи меѓу двете суверени држави“, додаде функционерот.
Вчера, Јужна Кореја го покани на интервју рускиот амбасадор во Сеул со барање за „итно“ повлекување на војниците кои, според Јужна Кореја, Пјонгјанг ги испратил да ја поддржат Москва во војната против Украина, соопшти јужнокорејското Министерство за надворешни работи.
Околу 1.500 припадници на севернокорејските специјални сили веќе се во Русија и се очекува наскоро да одат на фронтот, објави во петокот јужнокорејската разузнавачка агенција.
Сеул очекува дека околу 12.000 севернокорејски војници ќе бидат испратени во Русија.
Европа
(Видео) Украинците со дронови нападнаа фабрики за алкохол во Русија, објавени се снимки
Украински беспилотни летала синоќа нападнаа четири фабрики во регионите Тула, Тамбов и Воронеж во Русија, соопштија руските локални власти.
Руското Министерство за одбрана тврди дека руската воздушна одбрана уништила 11 беспилотни летала над регионот Брјанск, три над регионот Белгород, два над регионот Курск, еден над регионот Тула и еден над регионот Орел.
Во Тамбовската област, украинско беспилотно летало наводно ја запалило дестилеријата Биохим во градот Расказов, според гувернерот Максим Егоров.
Според веб-страницата на Биохим, дестилеријата произведува „производи од стратешко значење за земјата“, особено етанол, растворувач кој често се користи во производството, вклучително и за експлозиви.
Во населбите Ефремов и Лужковски во областа Тула во текот на ноќта биле нападнати уште две дестилерии, изјави гувернерот Дмитриј Миљаев.
💥 Russia: Two alcohol distilleries struck by Ukrainian drones in Tula region – Efremov and Luzhkovsky. pic.twitter.com/y7sPMPfL94
— Igor Sushko (@igorsushko) October 22, 2024
Александар Гушев, гувернерот на регионот Воронеж, тврди дека нападот со дрон предизвикал мал пожар на еден од катовите на индустриското претпријатие. Нема извештаи за жртви.
Украинската војска допрва треба да ги коментира извештаите, кои не можат да бидат независно проверени. Украина започна серија напади врз воздушни бази и други воени објекти во обид да ги ослаби помоќните руски воздушни сили и да ја ограничи способноста на Москва да изврши разорни воздушни напади врз украинските градови.
Европа
Пицерија во Германија доставувала дрога: „Пица брoj 40 беше една од најпродаваните“
Пицерија со седиште во германскиот град Дизелдорф се најде во центарот на полициската истрага за продажба на дрога.
Според германската полиција, пицеријата испорачувала пици, но и кокаин, кој на менито бил наведен како „пица број 40“. „Тоа беше една од најпродаваните пици“, соопшти германската полиција, пренесува Дојче веле.
36-годишниот сопственик на пицерија фрлил торба полна со дрога низ прозорецот штом полицијата му заѕвонила на врата. Сопственикот немал криминално досие. Два дена по апсењето, тој беше ослободен од затвор и повторно почна да ја нуди „Пицата број 40“, што им помогна на полицајците да идентификуваат други алки во синџирот.
Покрената е акција во која се уапсени 15 лица, од кои тројца се осомничени за набавка на дрога. Запленети се 1,6 килограми кокаин, 400 грама канабис и 268.000 евра во кеш. Во истрагата учествувале 150 полицајци.