Забава
Нејмар се помири со девојката што ја изневери 92 пати, објавија заеднички фотографии
Бразилскиот фудбалер Нејмар наводно повторно е во врска со моделот Бруна Бјанкарди. Двојката официјално раскина само еден месец откако го дочека своето прво дете во октомври минатата година. Бруна, позната како инфлуенсер и модел, се нашла во тешка ситуација кога било откриено дека Нејмар изневерувал додека била бремена.
Меѓутоа, откако на Инстаграм објавија серија фотографии на кои позираат заедно, тие ги поттикнаа гласините за нивното помирување. Сега нивните обожаватели шпекулираат дека парот решил да и даде уште една шанса на својата љубов.
„Се заедно и измешано“, „Моменти“, беа само дел од описите кои Бруна ги напиша заедно со фотографиите. На една објава таа му го честиташе Денот на таткото на својот татко, но потоа објави и фотографија од Нејмар и нивната ќерка Мави.
„Дечко, чувај се за оваа жена, нема никој како неа“, „Се надевам дека навистина сфати што изгуби и сега ќе го цени тоа“, „А ти треба да се бориш за своето семејство“, беа само дел од коментарите на нивните фанови.
На крајот на ноември минатата година Бруна ја потврди веста за нивното раскинување.
„Ова е приватна работа, но бидејќи често ме поврзуваат со вести, сомнежи и потсмев, би сакала да ве информирам дека не сум во врска. Ние сме родители на Мави и тоа е причината за нашата врска. Ви благодарам“, напиша таа во тоа време.
Нејзината објава уследи по пишувањето на странските медиуми за крајот на нивната врска.
Бразилскиот весник Кореио Бразилиенсе ја објави веста за нивното раскинување, тврдејќи дека Бразилецот ја изневерил својата девојка дури 92 пати. „По 92. предавство, дојде крајот на врската помеѓу Нејмар и Бруна Бјанкарди. Двајцата веќе подготвуваат официјално соопштение, но одржуваат пријателски односи за доброто на нивната ќерка Мави“, тврди Кореио Бразилиенсе.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Најдобри дестинации за патување во Европа во ноември
Месец ноември е совршен период за патување во Европа, кога градовите почнуваат да се подготвуваат за празничната сезона, а толпите туристи значително се намалуваат. Ова е време кога можете да ги доживеете европските метрополи на поинтимен начин, со полека паѓање на есенските лисја и романтичната атмосфера што ја носат постудените денови. Ви претставуваме неколку неверојатни дестинации кои вреди да ги посетите во ноември:
1. Прага, Чешка
Прага е еден од најубавите градови во Европа, а во ноември, овој град се претвора во вистинска бајка. Есенските нијанси го обојуваат целиот град, а познатите знаменитости како Карловиот мост, Стариот Градски плоштад и Прашкиот замок добиваат мистична и романтична атмосфера. Со пониски температури и помалку туристи, можете во целост да уживате во прошетките низ старите калдрмисани улици. Во овој период, градот почнува да се подготвува за Божиќните пазари, што го прави ноември идеално време да го доживеете чешкиот празничен дух.
2. Лисабон, Португалија
Лисабон е совршена дестинација за оние кои сакаат поблаги температури во ноември. Во овој период, градот има пријатно време со температури кои се движат околу 15-20°C, што го прави идеално место за истражување на живописните улици и историските знаменитости како Белемската кула и манастирот Жеронимос. Лисабон во ноември е многу помалку преполнет од летните месеци, што овозможува мирни прошетки и поопуштени вечери во некој од традиционалните ресторани каде можете да уживате во португалската кујна.
Виена во ноември е симбол на елеганција и култура. Овој период е одличен за љубителите на уметноста и историјата, бидејќи градот нуди мноштво музеи, галерии и архитектонски чуда, како што се Шенбрун и Хофбург. Во ноември, градот полека почнува да се претвора во празнично место со блескави светилки и украсени улици, што го прави совршен за подготвување на новогодишната магија. Виена е исто така позната по своите топли кафулиња, каде што може да се ужива во парче австриска штрудла или топло чоколадо, идеално за поладни денови.
4. Амстердам, Холандија
Ноември е одлично време за посета на Амстердам, кога градот го покажува својот шарм во есенските бои и мирниот, пријатен ритам. Овој период е погоден за истражување на познатите канали, музеите како Ријксмузеумот и музејот на Ван Гог, или пак за уживање во пешачките и велосипедските патеки низ градот. Со температури кои обично се движат околу 10°C, Амстердам нуди и можности за внатрешни активности како посета на уметнички галерии и културни настани. Ова е и период кога можете да избегнете голем дел од летните туристи и да го доживеете градот на поинтимен начин.
Истанбул е уште една неверојатна дестинација за посета во ноември. Градот кој ги спојува Европа и Азија нуди уникатна комбинација на култури, историја и модерност. Температурите во овој период се пријатни, со просек од околу 15°C, што е идеално за истражување на знаменитостите како Аја Софија, Сината џамија и Топкапи палатата. Ноември е исто така одлично време за шопинг на Големиот базар и уживање во традиционалните турски деликатеси, како што се баклава и кебап.
6.Барселона, Шпанија
Барселона во ноември нуди блага клима и помалку туристи, што го прави одличен период за истражување на модернистичките чуда на Гауди, како што се Саграда Фамилија и Паркот Гуел. Градот во овој период нуди и можности за уживање во локалните пазари, каде што може да се пробаат најдобрите шпански деликатеси. Барселона е исто така позната по својата жива културна сцена, со мноштво концерти и настани кои го збогатуваат есенскиот амбиент.
7. Рим, Италија
Рим во ноември е магичен. Градот нуди поумерени температури и помалку гужви, што го прави совршен за разгледување на античките знаменитости како Колосеумот, Римскиот форум и Ватиканот. Ова е исто така одличен период за уживање во италијанската кујна во некој од традиционалните римски ресторани без да чекате долго за резервација. Прекрасните плоштади, фонтаните и пешачките улици го прават Рим идеален за уживање во прошетките под златните есенски дрвја.
Ноември е идеален месец за патување низ Европа, нудејќи го најдоброто од есенската убавина, култура и гастрономија. Без разлика дали сте љубители на историјата, уметноста, архитектурата или пак сакате да се изгубите во мирот на некој европски град, овој период од годината ви овозможува уникатно доживување. Со пониски цени и помалку туристи, ова е можност да ја доживеете Европа на попривлечен и порелаксиран начин.Побарајте го Вашето патување во ЈК ТРАВЕЛ и создадете спомени кои ќе траат за цел живот.
ПР текст
Забава
Ѕвездата на серијата „Тарзан“ Рон Ели почина на 86-годишна возраст
Американскиот актер Рон Ели, најпознат по улогата на Тарзан во истоимената телевизиска серија од 1960-тите, почина на 86-годишна возраст, соопшти денеска неговото семејство.
„Светот изгуби еден од најголемите луѓе што некогаш ги познавал – и јас го загубив татко ми. Татко ми беше некој што луѓето го нарекуваа херој. Тој беше актер, писател, тренер, ментор, семеен човек и водач“ изјави ќерката на актерот Кирстен Казале Ели во објава на Инстаграм, пренесе Би-Би-Си.
Рон Ели почина во својот дом во Лос Аламос, Санта Барбара, Калифорнија на 29 септември.
Забава
Продавачката мислела дека познатата актерка е крадец: jа пребарала нејзината торба на излегување
Британската актерка Ема Томпсон (65) доживеала непријатност кога излегувала од британска продавница за луксузна стока. Имено, папараците го снимиле моментот кога продавачот ја запрел на излезот и ја замолил да ја прегледа чантата што ја имала со себе.
Познатата актерка беше облечена во лежерна облека која вклучуваше темни панталони, темен џемпер и сива капа на главата, а околу половината врза јакна. На грбот имаше голем црн ранец.
Судејќи според фотографиите, Ема се засрамила, но сепак ја отворила и и ја покажала внатрешноста на чантата. На крајот учтиво ја поздрави продавачката и продолжи по патот. „Сан“ напиша дека продавачката не ја препознала и дека дури во еден момент ја следела низ продавницата, сомневајќи се дека сака да украде нешто.
Ема е англиска актерка, комичарка и сценарист, добитничка на два Оскари и Еми, Златен глобус и БАФТА.