Свет
Израелскиот министер за одбрана по нападот врз Иран: Се отвораат нови стратешки можности
Израелскиот министер за одбрана Јоав Галант го информираше својот американски колега Лојд Остин за израелскиот напад врз Иран, кој во соопштението за печатот го опиша како „успешен“.
Во соопштението, канцеларијата на Галант соопшти дека двајцата зборувале за прецизните напади врз производствени капацитети за ракети, ракети земја-воздух и иранските воздушни способности.
Израелскиот министер му се заблагодари на Остин за непоколебливата поддршка на САД за одбраната на Израел од иранската агресија.
Тие, исто така, разговарале за стратешките можности што се појавиле како резултат на оперативните достигнувања, како во северните така и во јужните области, се вели во соопштението, осврнувајќи се на конфликтите во Либан и Газа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Камион удри во луѓе на автобуска станица во близина на Тел Авив, едно лице загина
Едно лице загина, а неколку десетици се повредени во денешниот напад, кога камион удри во луѓе на автобуска станица во близина на Тел Авив. Тамошната полиција се сомнева дека е терористички чин.
Камионот удрил во автобуска постојка во близина на воена база во 10 часот по локално време, соопшти полицијата.
Возачот, кој имал израелско државјанство, бил „неутрализиран“ од вооружен цивил, додава полицијата.
Вкупно 40 лица се повредени, од кои дел се потешко.
Полицијата соопшти дека истрагата е во тек и нагласи дека „постои сомнение дека се работи за терористички напад“.
Израелските медиуми јавуваат дека напаѓачот е израелски Арап од Калансаве, град во централен Израел.
Свет
Бројот на жртви во невремето што го погоди Филипини се искачи на 138
Бројот на жртвите во невремето Трами, што го погоди северозападниот дел на Филипините, се искачи на 138, а голем број луѓе се водат за исчезнати, соопшти денеска владината агенција за одговор при катастрофи.
Агенцијата соопшти дека бројот на жртви најверојатно дополнително ќе се зголеми поради поплавите и одроните предизвикани од невремето.
Полициски и противпожарни единици се ангажирани во операции за помош и спасување во погодените области на Филипините.
Свет
Илон Маск: Вистинската закана за демократијата се оние кои го обвинуваат Трамп за истото
Американскиот милијардер Илон Маск изјави дека вистинската закана за демократијата ја претставуваат оние кои за такво нешто го обвинуваат поранешниот американски претседател и републикански кандидат на претстојните избори, Доналд Трамп.
Маск одговараше на прашања на учесниците на предизборниот митинг за поддршка на Трамп во сојузната држава Пенсилванија. Маск јавно ја поддржа кандидатурата на Трамп и донираше 75 милиони долари за неговата кампања.
Потсетувајќи го на немирите во американскиот Конгрес на 6 јануари 2021 година, еден од учесниците на состанокот го праша Маск што мисли за реториката на некои демократи и аналитичари дека американската демократија ќе биде во опасност доколку Трамп повторно се врати.
Маск рече дека вистинската закана за демократијата се оние кои велат дека изборот на Трамп е закана за демократијата.
„За време на тие настани Трамп се јави и бараше ненасилство и мирни протести“, го бранеше Маск.