Невреме предизвика поплави и лизгање на земјиштето во југозападна Норвешка, уште една европска земја погодена од екстремни временски настани, јавуваат локалните медиуми.

Врнежите утринава се намалени, изјави метеорологот Џули Солсвик за телевизијата НРК, додавајќи дека предупредувањата за поплави и лизгање на земјиште сè уште се во сила.

Според полицијата, засега нема пријавени исчезнати или повредени поради невремето.

Extreme rainfall in Norway: A whole town is isolated, flooding collapses a bridge https://t.co/jBAJ87382r pic.twitter.com/fARKop6zKD

— Nordic News (@Nordic_News) October 31, 2024

„Ситуацијата е драматична“.

Пристапот до градот Ода, каде што живеат околу 5.000 луѓе, на речиси 60 километри југоисточно од Берген, беше блокиран утринава кога се урна мост. Сите други пристапни патишта до градот беа затворени поради невремето.

Градоначалникот Ода ја опиша ситуацијата како драматична за новинската агенција НТБ вчеравечер. Подрумот што му припаѓа на историскиот хотел „Уленсванг“ бил поплавен во текот на ноќта, јави НРК. Се вели дека во подрумот на хотелот се чуваат многубројни антиквитети и уметнички дела.

Невремето во Норвешка следува по разорните поплави во Шпанија оваа недела, во кои загинаа речиси 160 луѓе, а десетици сè уште се водат за исчезнати.

Властите во Русија денеска објавија дека огромната казна од 2,5 квинтилиони долари што му ја изрекоа на „Гугл“ од московскиот суд е првенствено симболичен гест што треба да ја поттикне американската технолошка компанија да ги укине ограничувањата за емитување на руските државни канали на „Јутуб“.

Казната што „Гугл“ треба да ја плати е поголема од вкупната сума на пари во целиот свет, пренесува „Гардијан“.

„Не можам ни да ја изговорам оваа бројка, но веројатно е симболична“, изјавил за руските новински агенции портпаролот на Кремљ, Дмитриј Песков.

Според него, казната треба да го поттикне „Гугл“ повеќе да не го ограничува функционирањето на руските радиодифузери.

„Јутуб“ сè уште е достапен во Русија, но властите во Москва се заканија дека ќе го отстранат од мрежата поради забраната за содржина од државните руски медиумски компании.

Руските судови во повеќе наврати го казнија „Гугл“, сопственикот на платформата „Јутјуб“, а казната се зголемува секој ден додека компанијата не ги исполни барањата на Москва, додава британскиот весник.

Натстрешник над влезниот дел на железничката станица денеска се урна во Нови Сад, а се верува дека има повредени.

Голем број екипи на брзата помош, полиција и пожарникари се на терен, пишува „Независне новине“.

Според очевидци, oдекнало како бомба.

„Работиме во зградата спроти железничката станица. Кога падна, нашата зграда буквално се стресе“, вели соговорничката на „Дневник“.

Obrušila se nadstrešnica na ulazu u tek obnovljenu zgradu železničke stanice u Novom Sadu. Više vozila hitne pomoći na licu mesta ukazuje na to da ima i povređenih. https://t.co/bFALh6HMwA pic.twitter.com/UHWalC6zFc

— Demokratska stranka Novi Sad (@GODSNoviSad) November 1, 2024

Според првичните информации, до несреќата дошло кога се урнале столбовите што ја потпираат бетонската конструкција на фасадата на железничката станица.

Некои од српските медиуми јавуваат дека станува дел за стариот дел од натсетршникот, кој не бил опфатен со реновирањето.

Во јули заврши реконструкцијата на железничката станица во Нови Сад, односно нејзината централна сала со шалтери.

View this post on Instagram

 

A post shared by 192.RS (@192_rs)

Пред отворањето на брзата пруга од Белград до Нови Сад делумно беше реновирана железничката зграда на станицата во Нови Сад кога беше поставен лифт, кој ги поврзува холот и пероните на станицата, потсетува „Н1“.