Општина Аеродром викендов ќе биде домаќин на повеќе настани на кои ќе можат да уживаат сите генерации.

В сабота, 2 ноември, со почеток од 11 часот во паркот „Авионче“ ќе се одржи традиционалната манифестација „Вкуси ја традицијата“.

Љубителите на добрата храна ќе можат на голем број штандови да дегустираат автентични македонски специјалитети од сите региони и да се запознаат со производителите на храна.

Истиот ден, во 12 часот, во Реонски центар, ФК „Аеродром“ ќе го промовира новиот фудбалски стадион, при што аеродромци ќе имаат можност да уживаат во добра музика, да проследат интересен натпревар меѓу млади фудбалери со познати личности, како и да се фотографираат со нив.

В недела, 3 ноември, Општина Аеродром во рамките на проектот „CleanAirDrom“ во соработка „Еуро-екопак“ организира едукативно-забавен настан под мотото „Селектирај, рециклирај, подобри“ што ќе се одржи во паркот „Авионче“ со почеток од 12 часот.

Свој настап ќе имаат детскиот хор „Поточиња“, „Аква денс клуб“ и популарниот бенд ДНК, чии членови се бренд-амбасадори на проектот.

Посетителите имаат можност да донесат отпадно стакло, како тегли и шишиња, што ќе се преземат за рециклирање, а за тоа како подарок ќе добијат торби за рециклирање.

Македонската естрада преку социјалните мрежи се збогува со новинарот Зоран Василевски – Зоки Фаци.

Тој почина утрово по долга борба со ракот.

Како што објави на социјалните мрежи неговиот пријател и соработник Стефан Лазаров, погребот ќе биде в недела во 12 часот во црквата „Св. Никола“ во Катланово, а во 13 часот ќе биде погребан на гробиштата во Катланово.

Музичкиот фестивал Андерфест ќе се одржи денеска со почеток од 20:00часот во Младинскиот културен центар (МКЦ) во Скопје. Публиката и овој пат ќе има можност да ужива во музиката од претежно алтернативната и рок енд рол сцена од нашата држава.

За шестиот Андерфест организаторите најавија шест добро познати бендови кои ќе ја размрдаат публиката во Денсинг салата на МКЦ. На Андерфест 6 ќе настапат: Миа Перевска, Стефан Петановски, Basement Cult, The Mole Pack, Fiction, и Foolish Green.

Еден од врвните приоритети на фестивалот сеуште е да ги мотивира младите уметници да продолжат да креираат нови музички дела со кои ќе ги покажат своите големи таленти и вештини и воедно ќе ја промовираат нашата музичка култура и вон границите на нашата држава.