Британката Дона Харди се преселила со семејството од Сканторп, Англија на имот во Велико Трново на северот на Бугарија, пишува Дејли Мејл.

43-годишната мајка на три деца продала се што имала и решила да започне нов живот во Бугарија, а куќата ја купиле за само 26.000 евра. Имотот се состои од голема куќа во прилично лоша состојба и помала куќа, како и голема штала и неколку помошни згради, гаража и хектар земја.

„Куќата е прилично трошна, но јас и моето семејство сме многу среќни“, објасни Дона, која на „Тик-ток“ покажува како изгледа нејзиниот живот на имотот во Бугарија.

@donnahardy2181 so one question we keep being asked is how much did we pay for the house #uktobulgaria #oldhouse #bulgaria🇧🇬 #family #newlife #houserenovation #buyingahouse #howmuch ♬ Here Comes the Sun – Relaxing Instrumental Music

Дона вели дека се надева оти помалата куќа на имотот ќе биде за нејзината 12-годишна ќерка, и објасни дека таа и нејзиното семејство дошле во Бугарија со виза Д, која им се дава на оние кои сакаат да влегуваат во земјата за да се населат таму на подолг период.

Иако ги чека многу работа, од распакување и реновирање на домот, за што ќе треба труд, време и пари, семејството е задоволно од одлуката. И ќерката на Дона, Елис, купила имот во нивна близина за 25.000 евра и уште еден помал за 8.400 евра, преку eBay, додека Дона куќата ја купила преку агенција за недвижности.

@donnahardy2181 my bulgarian home in the winter check it out it’s gorgeous I love the snow #winterinbulgaria #snow #uktobulgaria #renovation #bulgaria🇧🇬 #dream #bulgariadirect ♬ snowfall – Øneheart & reidenshi

Инаку, според британските медиуми, просечната цена на куќа во Велика Британија е 282.000 фунти или 338.000 евра). Во Лондон цените се многу повисоки и се движат околу 518.000 фунти или 621.000 евра.

Во коментарите под нејзините видеа, Британците возвратија, но реакциите беа поделени. Некои го пофалија нејзиниот потег, додека други не беа баш воодушевени од идејата.

@donnahardy2181 life on the land in bulgaria #uktobulgaria #houseinbulgaria #bulgaria🇧🇬 #newlife #sheep ♬ Tree of Life (Instrumental) – Forest Elves

„Багатела. Честитки за заминувањето од Англија, заслужуваш аплауз“, „Купив куќа во Бугарија во 2018 година и како Англичанец можам да ти кажам дека тоа беше вистинскиот потег и дека луѓето се прекрасни“ и „Да , можеш да купиш евтино во Бугарија куќа, но таму немаш ништо, а на зима ќе мрзнеш“, се дел од коментарите.

Невеста на „Редит“  се пожали за она што и се случило на нејзината свадба. 28-годишната веганка откри дека се расплакала откако гостите на нејзината свадба нарачале пици бидејќи вечерата била само веганска.

Невестата открила дека три години не јадела млечни или месни производи и решила да има исклучиво веганска вечера, но не ги известила гостите за тоа. Таа призна дека намерно избегнувала да им каже на гостите дека пред венчавката дека јадењата се вегански за да „нема предрасуди“.

„Ние намерно не спомнавме дека храната е веганска на поканите бидејќи сакавме луѓето да уживаат во неа без предрасуди. Секое јадење е дизајнирано да биде вкусно и задоволувачко, без оглед на преференциите во исхраната“, објасни таа, додавајќи дека потрошиле 15.000 фунти. (18.000 евра) само за храна.

Но, нејзиниот план пропаднал кога нејзиниот братучед нарачал 20 пици и им рекол на гостите дека има „вистинска храна“. Неговиот потег ја налути и таа се расплакала. Ги праша корисниците на Редит што мислат.

Поп ѕвездата Селена Гомез неодамна откри дека мисли оти нејзината детска слава го запрела нејзиниот развој во дваесеттите.

Имено, во интервју за магазинот „Ел“, пејачката и актерка се осврнала на влијанието на славата во нејзиното детство и открила што би сакала да знае пред да зачекори во светот на познатите.

„Не се каам за ништо и имам фантастично семејство и правилата ги поставуваат моите родители и јас го ценам тоа. Сепак, мислам дека не би го направила тоа на многу млада возраст ако размислував за себе“ изјави Гомез.

Гомез објасни дека имало многу работи и ситуации поради кои се чувствувала како да заостанува зад другите.

„Додавањето голем притисок од другите луѓе не ми помогна да развијам чувство за себе во моите дваесетти. Тоа беше многу тешко време. Јас живеам со него секој ден“, изјави таа.

Поп ѕвездата призна дека се труди позитивно да гледа на светот и да се фокусира на проектите што ги сака.

„Се трудам да останам позитивна за се’ и да се фокусирам на работите што навистина ме прават среќна. Сепак, би им рекла на другите дека можеби треба да почекаат и да живеат малку“, додаде таа.

Инаку, Гомез својата актерска кариера ја започна со појавувањето во серијата „Barney & Friends“ во 2002 година кога имаше 10 години. Само пет години подоцна таа стана ѕвезда како главна актерка во „Волшебниците од Вејверли Плејс“ на каналот Дизни.

Таа подоцна ја прошири својата кариера во музичката индустрија со потпишување со Холивуд Рекордс и формирање на сопствен бенд. Во исто време, таа продолжи да снима филмови и музика. Поради болест, извесен период ја паузираше кариерата, но неодамна се врати и моментално работи на филмот „Емилија Перез“.