Свет
Илон Маск се сретнал со иранскиот амбасадор: „Ова може да биде голема работа“
Илон Маск се сретна со иранскиот амбасадор во Обединетите нации.
Според американските медиуми, средбата се случила еден ден пред Доналд Трамп да го назначи мултимилијардерот и основач на „Спејс Икс“ за еден од раководителите на новоформираното Министерство за ефикасност на владата.
Двајца ирански функционери потврдија за „Њујорк тајмс“ дека на состанокот се разговарало за тоа како да се намалат тензиите меѓу Иран и САД, според двајца ирански претставници кои разговарале со весникот. Еден од иранските официјални лица рече дека извршниот директор на „Тесла“ го побарал состанокот и амбасадорот го избрал местото на одржување.
Додека Трамп се подготвува да се справи со конфликтите во Украина и на Блискиот Исток, Маск, најбогатиот човек на светот, помага во разговорите со странските претставници. Според „Гардијан“, со инаугурацијата на Трамп во јануари, Маск треба да стане највлијателниот цивил во Америка.
Претходно овој месец, Маск, наводно, присуствувал на телефонски разговор меѓу Трамп и украинскиот претседател Володимир Зеленски, кој му се заблагодарил на Маск за сателитите што и ги дал на Украина преку неговата компанија Старлинк.
„Сега тој се занимава со Иранците“, рече за Маск Сина Тоси, висок соработник во Центарот за меѓународна политика.
„И Иранците не се вклучија во директни разговори со Американците откако Трамп го напушти нуклеарниот договор, така што ова може да биде многу голема работа“.
Односот на Трамп со Иран е во најмала рака предизвик. За време на неговото претседателствување, тој одлучи дека САД ќе се повлечат од иранскиот нуклеарен договор, воспоставен во 2015 година за време на мандатот на Барак Обама, и повторно воведе строги економски санкции кон Иран.
Исто така, за време на неговото претседателствување, Трамп нареди американски напад во кој беше убиен генерал-мајор Касим Сулејмани, командант на елитниот корпус на гардата на Исламската револуција во јануари 2020 година. Во септември, разузнавачките информации доставени до изборниот штаб на Трамп открија дека Иран се обидувал да го убие.
„Дали Америка ќе може да има успешни преговори со Иран за време на Трамп навистина ќе зависи од Маск или кој и да ги води тие преговори, и тим кој е посветен на преговарачкиот процес, кој е подготвен да ја заврши напорната работа на вистинскиот дипломатски процес и меѓународните односи. “, додаде Тоси.
Работата ја комплицира силната поддршка на Трамп за Израел, што може да го отвори патот за сеопфатна војна меѓу Израел и Иран кога тој ќе стане претседател. Израел е во војна со организациите Хамас и Хезболах, поддржани од Иран, по масакрот на Хамас врз Израелците на 7 октомври минатата година.
Сејед Абас Арагчи, иранскиот министер за надворешни работи, во четвртокот на „Икс“ објави: „Разликите можат да се решат преку соработка и дијалог. Се согласивме да продолжиме со храброст и добра волја. Иран никогаш не ја напушти преговарачката маса за својата мирновременска нуклеарна програма“.
Тоси рече дека иако Маск можеби е попрагматичен во прашањата поврзани со надворешната политика, сепак тоа не е доволно за да се подобрат односите меѓу Вашингтон и Техеран.
„Ние сме на работ на сеопфатна регионална војна“, рече таа, а потоа додаде: „За да го рестартира овој процес, на Трамп ќе му требаат технички експерти за нуклеарното прашање, за регионалното прашање, да има работни групи, да има искрени соговорници и преговарачи кои ќе постапуваат со добра волја“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Полицијата се судри со демонстрантите, кои се обидоа да влезат во парламентот во Абхазија
Приврзаниците на опозицијата и полицијата во Абхазија денеска се судрија кога демонстрантите се обидоа да упаднат во парламентот во главниот град Сухуми.
Полицијата формира кордон за да ги спречи демонстрантите да продолжат кон зградата откога ја урнаа оградата во близина на парламентот.
Во близина на зградата се слушнале звуци слични на истрели, пренесува „РИА новости“.
Anti-Russian riots break out in pro-Russian unrecognised #Abkhazia. #Russia
Angry protesters break into the parliament in Sukhumi, breaking through the metal fence with a car.
They demanded that the draft investment agreement with Russia be rejected. pic.twitter.com/kl3HuaYWfE
— Boris Alexander Beissner (@boris_beissner) November 15, 2024
Демонстрациите избувнаа откога парламентот го откажа разгледувањето на ратификацијата на инвестицискиот договор со Русија, што беше закажано за тој ден.
На таа одлука жестоко реагира опозицијата сметајќи дека одложувањето е чин на политичка отстапка под руски притисок.
Иако беше одлучено дискусијата да се одложи за следната недела, демонстрантите најавија дека немаат намера да се разотидат, а тензијата во главниот град ескалира, стои во написите.
Договорот, кој беше потпишан на 30 октомври во Москва, им овозможува на руските компании да инвестираат во Абхазија, која се соочува со сериозни економски предизвици, посочува агенцијата.
Шефот на комисијата за меѓународни односи на парламентот на Абхазија, Алкас Барциц, претходно изјави дека Абхазија, со оглед на нејзините економски тешкотии, нема да може да најде средства за обнова на клучните сектори во економијата, без помош од Русија.
Протестите почнаа претходно оваа недела кога беше усвоен законот за инвестициите на руските компании во Абхазија.
За време на овие протести имаше и судири со полицијата, при што беа уапсени неколку опозициски активисти.
Како одговор опозицијата блокира три моста што водат кон Сухуми, но протестот беше прекинат кога приведените демонстранти беа ослободени на 12 ноември.
Свет
Британски борбени авиони следеле руски авион во близина на воздушниот простор на Британија
Британски борбени авиони следеле руски авион, кој летал блиску до воздушниот простор на Велика Британија, соопшти денеска Кралското воздухопловство (РАФ). Ова се случи неколку дена откако Кралската морнарица откри руски воени бродови што минуваат низ Ла Манш, потсетува „Ројтерс“.
„Нашите противници не треба да се сомневаат во нашата цврста решителност и силна способност да го заштитиме ОК“, рече министерот за одбрана на Велика Британија, Лук Полард.
РАФ и Кралската морнарица редовно го следат движењето на руските воени бродови и авиони во близина на британските води и воздушниот простор.
Министерството за одбрана соопшти дека ова е вторпат во последните три месеци РАФ и Кралската морнарица да забележат руски авиони и бродови за само една недела, пренесува „Танјуг“.
Регион
Пленковиќ за апсењето на министерот за здравство: „Јас сум згрозен, ова е предавство“
Хрватскиот премиер Андреј Пленковиќ, денеска, по повод апсењето и разрешувањето на министерот за здравство, Вили Берош, изјави дека е згрозен и дека надлежните органи имаат целосна поддршка од него и од неговата влада.
„Лично сум згрозен што некој би искористил позиција за лично богатење, тоа е незаконски чин на министерот и некои други. Здравството е особено чувствителна тема за сите граѓани. На Берош му беше доверено да се грижи за здравствениот систем и за здравјето на граѓаните и да управува со ресурсите на легален начин. Ниту тој ниту некој друг добил мандат за злоупотреба на системот“, изјави Пленковиќ на новинарите.
Тој исто така посочи дека ова може да се смета за чин на предавство.
Пленковиќ рече дека за секое вакво однесување на правосудните органи, колку и да се непријатни за владата во моментот, тие ја имаат целосната поддршка од извршната власт и нивната поддршка.
„Граѓаните знаат дека ние како влада нема да заштитиме никого од кривично гонење, без разлика за кого станува збор“, рече Пленковиќ и додаде дека ако се докаже дека овие обвинувања против Берош се точни, тој тоа го гледа како личен чин на предавство.
Тој додаде дека на коалицискиот состанок било констатирано дека владата ужива поддршка за работа на теми многу поважни за граѓаните и економијата на државата.
Пленковиќ рече и дека нема сознанија за евентуална штета предизвикана од коруптивните активности за кои се обвинети Берош и други.
Пленковиќ уште еднаш даде целосна поддршка на ДОРХ и другите надлежни органи оценувајќи ја општата моментна состојба како многу лоша.
Хрватските медиуми пишуваат дека првоосомничен е контроверзниот претприемач Хрвоје Петрач. Но, тој не е уапсен и моментно не е во Хрватска.
„Јутарњи лист“ наведува и дека Берош е обвинет за земање поткуп од 25.000 евра за набавка на спорни апарати за вкупно 75.000 евра.
Спасовски за отказите: Тошковски удри по професионалците во МВР, ова е само за да се затскрие настанот со бомбата во Ќерамидница
Го гледаме класичниот пристап на партизација на ВМРО-ДПМНЕ, се врши дискриминација и тоа не по политичка основа затоа што полициските...
Отказ добија 15 високи полициски функционери, кои незаконски давале дозволи за поседување оружје
Петнаесет високи полициски функционери добија решенија за отказ бидејќи работеле спротивно на законот и нелегално издавале дозволи за поседување оружје,...
Трамп: Војната меѓу Русија и Украина мора да престане
Новоизбраниот претседател на Соединетите Американски Држави, Доналд Трамп, во четвртокот изјави дека неговата администрација ќе работи напорно за да стави...
Од денес задолжителна зимска опрема за возилата
Од денес почна законската обврска за задолжително поседување зимска опрема во возилата, без оглед на моментната временска состојба. Оваа обврска...
Граѓаните дишат загаден воздх, а власта ги намали парите за животна средина и чист воздух во буџетот, реагираат од СДСМ
Според СДСМ, не само што власта на Мицкоски и ДПМНЕ не презема ништо за да го намали загадувањето на воздухот...
ВМРО-ДПМНЕ: Владата веќе презема мерки за воздухот и со системски решенија ќе обезбеди чиста животна средина
Загадувањето на воздухот не е проблем што може да се реши во четири месеци власт предводена од ВМРО-ДПМНЕ, велат од...
Зеленски ќе претстави нов план следната недела
Украинскиот претседател, Володимир Зеленски, најави дека следната недела ќе претстави нов план составен од 10 точки. „Продолжуваме да работиме на...
Подготвени сме да се соочиме со гласачите, велат од ДУИ барајќи предвремени избори
Политичката партија ДУИ и утрово се осврна на повикот за предвремени избори, заедно со локалните, коментирајќи дека тоа не е...
Променливо облачно, во југозападните делови со врнежи од дожд, а на планините и на некои повисоки места од снег
Времето денеска, променливо облачно, во југозападните делови со врнежи од дожд, а на планините и на некои повисоки места од...
Извршен увид по експлозијата во Ќерамидница, се вршат разговори со лица што би можеле да имаат одредени сознанија
Јавен обвинител од Основното јавно обвинителство Скопје изврши увид на самото место во скопската населба Ќерамидница, каде што утрово при...
Бесплатни тестови за рак на простатата во „Железничар“: капка крв може да им го смени животот на мажите над 45 години
Секој четврток до крајот на овој месец во Здравствениот дом „Железничар“ во центарот на Скопје мажите над 45 години може...
Дали в година ќе има нови лекови за дијабетес на позитивната листа ќе одлучи комисијата, вели Таравари
Дали в година ќе има нови лекови за дијабетес на позитивната листа, ќе одлучи комисијата која е формирана од Министерството...
Бомбата во Ќерамидница фрлена во дворот на Штекли, кој претходно се обидоа двапати да го убијат во „Ист гејт мол“
Бомбата во скопската населба Ќерамидница била фрлена во дворот на Раде Трајковски-Штекли, кој е пренесен во болница, но е надвор од...
(Видео) Нови снимки од поплавите во Шпанија, над илјада интервенции во текот на ноќта
Службата за итни случаи на Андалузија пријавила 1.163 акции во кои интервенирале во текот на ноќта. Shocking scenes from the...
Ненавремено доставување на пратките, долгови, неправилности со фактурите и тендерите, констатира ревизорскиот извештај за „Пошта“
Ненавремено доставување на пратките, долгови, задолженост со кредити и камати, неправилности со јавните набавки, систематизацијата, се само некои од забелешките...
Кривична за убиство од небрежност: застрелал човек со кој бил во лов на дивеч
Вчера полициски службеници од Одделот за криминалистичка полиција – Сектор за општ и насилен криминал во содејство со СВР Штип...
Изгасен пожарот на планината Беласица
Регионалниот ЦУК Струмица, известува дека шумскиот повеќедневен пожар што започна на 10 ноември годинава во подножјето планината Беласица помеѓу селата...
Фрлена бомба во Ќерамидница, едно лице пренесено во болница
Денеска во 09.20 часот во СВР Скопје било пријавено дека во дворно место во населба Керамидница во Скопје била фрлена...
Уште една голема победа за Трамп, сега тој освои сѐ
Републиканците вчера ја зацврстија својата контрола врз Претставничкиот дом откога задржаа неколку критични места во Аризона и Калифорнија и ги...
(Видео) Во Шпанија синоќа се спасуваа луѓе, на улиците течеа порои
Службата за итни случаи на Андалузија пријавила 1.163 акции во кои интервенирале во текот на ноќта. Повеќето од нив се...
