Турскиот претседател Реџеп Таип Ердоган денеска изјави дека земјата очекува привремената влада во Сирија да преземе исправни чекори и дека нема да има закана за нејзините соседи.

Ердоган телефонски разговараше со претседавачот на Суверениот совет на Судан, Абдел Фатах ал-Бурхан, за билатералните односи, регионалните и глобалните процеси, пренесе „Риа њуз“.

Тој рече дека сирискиот народ е дојден до фазата на одредување на својата иднина по 13-годишната хуманитарна криза.

Според него, Турција ќе обезбеди поддршка за да се осигури дека привремената влада ќе ги преземе вистинските чекори за да му служи на сирискиот народ и да не претставува закана за нејзините соседи, пренесува „Танјуг“.

Хрватскиот претседател Зоран Милановиќ, денеска, по повод обновените дискусии во НАТО за можното испраќање војници во Украина, изјави дека додека тој е претседател, хрватскиот војник нема да води туѓи војни.

„Хрватски војник нема да води туѓи војни. Додека сме сведоци на глобални промени и конфликти, кои може да имаат непроценливо влијание врз светскиот мир и поредок, повторно почнуваат дискусии за можно заминување војници од одделни членки на НАТО во Украина“, напиша Милановиќ на својот официјален профил на „Фејсбук“.

Тој рече дека додека е претседател, ќе ја држи Хрватска надвор од вакви конфликти.

„Хрватска нема да спроведува туѓи одлуки без размислување и следење наредби, туку ќе биде внимателна и ќе се грижи за сопствениот интерес, постојано ќе го доведува во прашање она што се случува околу нас, но ќе биде искрена и лојална на оние со кои потпиша сојуз“, рече Милановиќ.

Новиот европски комесар за одбрана, Андриус ​​Кубилиус, утрото го поминал во засолниште во Киев поради руските ракетни напади, објави „Укринформ“.

Амбасадорката на ЕУ во Украина, Катарина Матернова, преку социјалните мрежи ја информира јавноста дека Кубилиус бил во засолниште за време на нападот.

Матернова додаде дека денес Русија лансирала 93 балистички и крстосувачки ракети, како и повеќе од 200 беспилотни летала, насочени кон критичната инфраструктура на Украина, вклучително и енергетската мрежа.