Цела Хрватска е во шок поради трагедијата во Загреб. 19-годишен напаѓач со нож утрово влегол во основно училиште, ги нападнал учениците и наставничката. Едно дете загина, неколку се повредени. Наставничката е оперирана и е стабилна, според написите.

Напаѓачот е повреден и е под полициски надзор, едно дете е пренесено во болница со хеликоптер, а очевидците на овој невиден чин се во неверување, пренесуват медиумите.

Репортерката на „Дневник“, во разговар со две мајки на деца кои одат во тоа училиште, пренесува дел од моментот.

„Родителите се уште се во шок и потресени, нема вистински зборови со кои може да се опише тагата и болката на починатото дете. Тие спонтано почнаа да се собираат на училишното игралиште, палат свеќи, носат играчки и пораки за починатото седумгодишно дете“, вели таа.

Револтираните родители кои беа сведоци на ужасните сцени од утрово истите ги раскажаа во изјава за медиумот.

„Ми се јави другарка, инаку, син ми оди во истиот клас каде што се случи трагедијата. На повик на другарка, чија ќерка оди во истиот клас, јас буквално дојдов овде во пижами. Добив информација дека некој со нож бил во училиштето, најдов 10-15 родители, никој ништо не знаеше, но во рок од пет минути сите родители беа околу училиштето, ги повикуваа своите деца и бараа да ги пуштат надвор“, рече Маја Јелиќ.

„Ја барав ќерката на другарка ми, па се шетав покрај училиштето и училниците, видов дете како лежи на подот од училницата во локва крв, онесвестено и… се плашев од најлошото, што на крајот се случи“, рече таа и напомена дека ќе се плаши да ги прати децата на училиште.

„Апсолутен страв владее и ќе владее уште некое време. Мислам дека сега се плашат и учениците и родителите и наставниците од сите други училишта. Каде сме ние овде што сме сведоци на се“, заклучи една од мајките.

„По тој настан ни се јави наставничката да провери како се децата и како сме ние. Добивме инструкции од класниот претставник во советот на родители за психолошка помош во кризни ситуации“, раскажува друга мајка Мартина Павичиќ Одобашиќ.

„Ме повика наставничката на мојот син кој ги немаше првите три часа. Инаку имам две деца кои одат во ова училиште, второто дете беше на училиште за време на овој настан. За време на евакуацијата наставничката ми се јави и ми рече: „Те молам, остави го синот дома, напаѓачот е во училиште, заклучете се. Не ми се верува дека била толку прибрана и дека знаела дека моето дете не е на училиште и дека треба да остане дома“, вели мајката во изјава за медиумот.

Западните земји треба да ги земат предвид зборовите на рускиот претседател Владимир Путин за ракетата „Орешник“, изјави денеска портпаролката на Министерството за надворешни работи, Марија Захарова.

„Ги прочитав реакциите на прес-конференцијата на рускиот претседател. Западната јавност е запрепастена од изјавата за хипотетички технолошки дуел со употребата на рускиот проектил „Орешник“ и противракетната одбрана на НАТО на примерот на објектот во Киев, напиша таа на нејзиниот канал Телеграм, пренесе ТАСС.

Захарова рече дека има изјави од типот: „Како е ова можно?“, „Ова е неприфатливо“.

„Навистина? Секој ден, западните лидери зборуваат за удари „длабоко во Русија“. И никој во тие земји не се онесвестува од такви изјави, не паметат право и меѓународно право, човештво и човекови права“, посочи таа.

Захарова нагласи дека реториката за нанесување стратешки пораз на Русија е цврсто вкоренета во менталитетот на режимот на НАТО, а не како хипотетичка претпоставка – за практична примена на оваа доктрина се издвојуваат милијарди.

„Да не зборуваме за тивкото поттикнување на Западот со крвавите терористички напади што режимот во Киев ги спроведува низ светот. Нека размислат како е да се живее во услови кои им се нудат на другите“, заклучи таа.

Рускиот претседател Владимир Путин вчера изјави дека технолошки дуел меѓу хиперсоничниот систем за лансирање ракети „Орешник“ и западните системи за противвоздушна одбрана (ПВО) може да се одржи не само во Киев, туку и на други места.

„Можно е на друго место“, му рекол Путин на новинарот Павло Зарубин, на прашањето зошто за време на неговото годишно обраќање предложил да се одржи технолошки дуел во главниот град на Украина, пренесе РИА Новости, пренесе Танјуг.

Во своето годишно обраќање Путин рече дека ракетата „Орешник“ е модерно оружје произведено врз основа на претходни проекти кои биле рафинирани и потврди дека учествувал во донесувањето на одлуката за производство на овие ракети.

„Нема шанси да падне „Орешник“. Ако така мислат западните експерти, нека се погрижат да организираме високотехнолошки двобој. Ние сме подготвени за таков експеримент. Па да видиме што ќе се случи. Западните експерти нека го утврдат објектот во Киев што ќе го таргетираме со „Орешник“. Подготвени сме за тоа“, рече Путин.

Претседателот на Србија, Александар Вучиќ гостувајќи во емисијата „Ќирилица“ зборуваше за развојот на ситуацијата во Украина.

„По ужасниот украински напад на Ростов со американско и англиско оружје, Путин рече дека тоа е де факто објава на војна, но ова со гасот дополнително ги комплицира работите и за Трамп. Кога Русија вели дека НАТО се подготвува за војна, дава точни информации, кога НАТО вели дека Русија се подготвува за војна, не се сомневам дека е неточно. Не верувам во брзо примирје. И Путин и Русија изгубија многу луѓе за да туку така се согласат да ја замрзнат ситуацијата исто така, Украина изгуби многу луѓе за да се согласи на лесно губење на дел од територијата.

-Се надевав многу, се уште имам трошка надеж поради доаѓањето на Трамп, но таа надеж е се помала. Светот оди во многу лоша насока“, изјави Вучиќ.