РЕ-Дигитал
(Видео) Јужна Кореја разви робот што им помага на параплегичарите
Јужнокорејски научници развија лесен робот за носење, кој може да им пријде и да ги гушка параплегичарите овозможувајќи им да одат, да преминуваат пречки и да се качуваат по скали.
Тимот од егзоскелетната лабораторија при Корејскиот напреден институт за наука и технологија (КАИСТ) рече дека нивната цел е да создадат робот што беспрекорно ќе се интегрира во секојдневниот живот на лицата со посебни потреби.
Ким Сеунг Хван, кој и самиот е параплегичар и дел од тимот на КАИСТ, демонстрира прототип што му помогна да оди, да се качува по скали и да направи странични чекори за да се спушти на клупа.
„Може да ми пријде каде и да сум, дури и кога седам во инвалидска количка и да ми помогне да станам, што е една од неговите најважни карактеристики“, рече Ким.
Егзоскелетот со погон, наречен WalkON Suit F1, е направен од алуминиум и титаниум. Тежи 50 килограми и се напојува со 12 електронски мотори, кои симулираат движења на човечки зглобови при одење.
Парк Јеонг-су, друг член на тимот на КАИСТ, изјави дека е инспириран од филмот „Железниот човек“.
„Го гледав ‘Железниот човек’ и помислив колку би било убаво ако можам да користам робот за да им помагам на луѓето во реалниот живот“, рече тој.
„За да се обезбеди рамнотежа на корисникот додека оди, роботот е опремен со сензори на стапалата и во горниот дел од телото. Тие собираат 1.000 сигнали во секунда и ги предвидуваат саканите движења на корисникот. Леќите на предниот дел на роботот дејствуваат како очи, кои го анализираат опкружувањето, да се идентификува висината на чекорите и да се откријат пречките за да се компензира недостигот на сензорни способности на корисниците со целосна параплегија“, објасни Парк.
Ким Сеунг-Хван освои златен медал на Cybathlon 2024 година, каде што развивачите со разни физички инвалиди демонстрираа помошни роботи во осум категории.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
РЕ-Дигитал
Расте вредноста на компаниите на Маск: се’ поблиску до статус на билионер
Илон Маск е основач или мнозински сопственик на неколку компании, благодарение на кои моментално има богатство од околу 400 милијарди долари. Според предвидувањата на некои аналитичари, не е недостижна ниту целта да стане билионер.
Сепак, патот до таа бројка е долг и предизвикувачки – за да го достигне, можеби ќе треба да основа друга компанија или да се надева на значително зголемување на вредноста на компаниите во кои веќе има значителен удел. Потенцијалот на неговите компании е огромен – од Tesla, до SpaceX и Neuralink, до Boring Company.
Една компанија со особено висок потенцијал е xAI. Иако е основана само во 2023 година, нејзиниот фокус на развој на вештачка интелигенција може да ја направи една од најважните компании на Маск во иднина, чија вредност може да достигне незамисливи височини. Веќе се приближува до границата од 100 милијарди долари.
Имено, по последната инвестициска рунда на крајот на минатата година, вредноста на xAI скокна на 50 милијарди долари. Од друга страна, Маск му плати на Twitter (сега платформа X) 44 милијарди долари, но според податоците од септември минатата година, неговата вредност падна на помалку од 10 милијарди долари. Сепак, загубата беше неутрализирана со успехот на новиот стартап, чија вредност може да продолжи да расте брзо.
Според најновите информации на Ројтерс, xAI моментално преговара за нова инвестиција вредна дури 10 милијарди долари, со постојните инвеститори вклучувајќи ги Sequoia Capital, Andreessen Horowitz и Valor Equity Partners. Оваа инвестиција дополнително ќе ја зголеми вредноста на компанијата на 75 милијарди долари.
Ако продолжи со ова темпо, xAI наскоро би можел да ја надмине границата од 100 милијарди долари, и тоа за само две години од нејзиното основање. Маск неодамна го најави претстојното лансирање на Grok 3, модел со вештачка интелигенција кој треба да биде сериозен конкурент на ChatGPT. Како што самиот објасни, Grok 3 има исклучителни способности за размислување и во интерните тестови ги надмина сите претходно објавени модели.
Покрај поднесувањето тужба против OpenAI и Сем Алтман, Маск предводеше конзорциум кој понуди речиси 100 милијарди долари за преземање на компанијата, но беше одбиен.
РЕ-Дигитал
Трамп: Го замолив Маск да оди да ги земе храбрите астронаути што Бајден ги остави во вселената
Американскиот претседател Доналд Трамп побара од Илон Маск и ос „Спејс икс“ да одат по двајцата астронаути, кои, како што рече Трамп, администрацијата на Бајден ги оставила во вселената.
„Илон набргу ќе замине. Се надевам ќе биде безбедно“, напиша Трамп.
— Elon Musk (@elonmusk) January 29, 2025
Астронаутите на НАСА, Бери Вилмор и Сунита Вилијамс, пристигнаа на Меѓународната вселенска станица (ISS) на 6 јуни минатата година. Мисијата требаше да трае една недела, но речиси осум месеци подоцна Вилмор и Вилијамс сѐ уште се во вселената поради проблеми со капсулата „Старлајнер“ на „Боинг“.
По лансирањето од вселенскиот центар Кејп Канаверал на Флорида, леталото успеа да се приклучи на станицата при вториот обид поради проблеми со моторот. Покрај тоа, леталото претрпе истекување хелиум. „Старлајнер“ се врати на Земјата без екипаж на почетокот на септември слетувајќи во пустината во Ново Мексико.
НАСА првично најави дека двајцата астронаути треба да се вратат на Земјата во февруари оваа година, но неодамна дојде до одложување на спроведувањето на овој план.
РЕ-Дигитал
Американски бизнисмен сака да го купи „Тик-ток“
Американскиот бизнисмен Френк Мек корт е отворен за здружување со други купувачи во обид да ги преземе операциите во САД на кинеската „Тик-ток“, зделка што се проценува на 20 милијарди долари, со единствениот услов да има контрола над него, изјави тој за Ројтерс на маргините на Светскиот економски форум.
Милијардерот одби да даде детали за неговите извори на финансирање.
„Прашањето тука не е капитал. Станува збор за чекање (сопственикот) „Бајт денс“ или кинеската влада да донесат одлука за иднината на мрежата“, рече Мек курт.
Неговата понуда дојде веднаш откако американскиот претседател Доналд Трамп во понеделникот потпиша извршна наредба со која се одложува спроведувањето на забраната за популарната апликација за кратко видео во кинеска сопственост за 75 дена.
Трамп, исто така, оваа недела рече дека „би сакал Соединетите држави да имаат 50 отсто сопственички удел во заедничко вложување“ во „Тик-ток“.
Лобирачката група на Мек курт, „Проџект Либерти“, поднесе понуда за купување на „Тик-ток“ на почетокот на јануари, со планови да им се овозможи на корисниците да изберат како ќе се користат и споделуваат нивните податоци. „Тик-ток“ поднесе тужба за блокирање на забраната за неговото работење во САД, но Врховниот суд на САД ја потврди со одлука минатата недела.
Можноста за стекнување сопственост на една од најпознатите светски платформи за споделување видео, или барем нејзината публика во САД, привлече долга листа на луѓе и правни лица од светот на финансиите, технологијата и забавата.
Многумина во орбитата на Трамп или со блиски врски со американскиот претседател беа заинтересирани за „Тик-ток“ откако забраната од САД стана можност под администрацијата на претседателот Џо Бајден. Поранешниот министер за финансии Стивен Мнучин во март изјави дека формира конзорциум од инвеститори за купување на „Тик-ток“.
Арсовска: Ѓеоргиевски освен со сликање со друго не може да се пофали, со превенција се спречуваат поплави, не со глумење спасител
„Се излеала реката во Батинци, општина Студеничани, бидејќи општинските власти не ги чистат каналите, активност која како нивна надлежност превентивно...
Сообраќајот на магистралниот пат Крива Паланка – Деве Баир е нормалзиран
Сообраќајот на магистралниот пат Крива Паланка – Деве Баир, кој беше во прекин поради сообраќајна незгода, е нормалзиран, извести АМСМ....
Град Скопје: Одржување на одводните канали и коритото на Маркова Река е во директна надлежност на општина Студеничани и Министерството за животна средина
„Согласно актуелните акти на Министерството за животна средина и просторно планирање, и актуелниот ГУП донесен во време на Коце Трајановски...
Ѓорѓиевски во Студеничани по поплавата од излеаната Маркова Река: Механизацијата е на терен и нема опасност по населението
По добивањето на информацијата за излевањето на Маркова Река во соседната општина Студеничани, градоначалникот на Општина Кисела Вода, Орце Ѓорѓиевски,...
Се излеа Маркова Река кај Батинци
Маркова Река се излеа денес по обилните врнежи од дожд. Во селото Батинци, водата е надојдена, излевајќи се на неколку...
Оставката на Папазов помина на владина седница
Владата ја прифати оставката на градоначалникот на Кочани, Љупчо Папазов. Советот на општината ќе треба да назначи в.д. градоначалник на...
„Вреди“: Посакуваме Бектеши да ја докаже невиноста, не сакаме ниту еден Албанец да биде одговорен за Кочани
Коалицијата „Вреди“ посакува ексминистерот за економија од редовите на ДУИ, Крешник Бектеши да ја докаже својата невиност во случајот со...
Обезбедувачот на Мицкоски за 50.000 евра оддавал службени тајни, приведен е
За 50.000 евра откривал полициски службени тајни од истрага. Припадникот на обезбедувањето на премиерот Христијан Мицкоски е во притвор. Од...
Кочани доби ново амбулантно возило – донација од компании
Донирано е амбулантно возило за општата болница во Кочани од страна на приватни компании. Амбулантното возило е донација на „Аутомотив...
По трагедијата во Кочани целосно се забранува употребата на пиротехниката во затворен простор
Трагедијата во дискотеката „Пулс“ во Кочани го менува Законот за прекршоците против јавниот ред и мир. Пратениците со 87 гласа „за“, без...
Нема повеќе седење дома и земање плати, потребна ни е ефикасна администрација, порача Мицкоски
„Јавната администрација не е само механизам за спроведување на законите и политиките, таа е лицето на државата, одраз на нејзината...
Трендафилов подготвен тој и сите функционери една година да земаат плата 500 евра, но уште утре минималната да се зголеми на истиот износ
Претседателот на Сојузот на синдикатите на Македонија (ССМ), Слободан Трендафилов, е подготвен една година тој и сите избрани и именувани...
(Видео) Талески: Мицкоски не може да не знае, втор обезбедувач од неговиот круг фатен во контакт со подземјето
Оваа Влада и ДПМНЕ се очигледно сериозно вмешани во криминал, а лица од најголема доверба на премиерот во континуитет се...
(Видео) Масовни кремирањa, сè мириса на смрт во Мјанмар: преживеаните во очај, луѓето клекнати на улица и плачат
Сè послаби се надежите во Мјанмар дека ќе се пронајдат живи луѓе по разорниот земјотрес од 7,7 степени според Рихтеровата...
Во Козле, во „8 Септември“ или во странство ќе одат на рехабилитација пациентите со потешки повреди, кои следната недела ќе почнат да се враќаат
Во текот на оваа недела од лекување во странство најавено е дека ќе се враќаат пациентите што се целосно закрепнати,...
93 пациенти повредени во пожарот во Кочани закрепнаа, уште 100 се лекуваат во странство и во домашните болници
Од вкупно 193 повредени во пожарот во Кочани, 93 пациенти закрепнаа и заминаа на домашно лекување, а во болниците во...
(Видео) Грција ја зафати невидено невреме, уништени омилените туристички места, владее хаос
Страшното невреме што ја зафати Грција речиси инстантно ги уништи омилените места за одмор во оваа земја. Некои од најубавите...
„Кој му ги дал службените тајни на обезбедувачот на Мицкоски“, прашува СДСМ
„Обезбедувањето на Мицкоски е составено од најголемите криминалци во државата, кои тој лично ги одбрал на тие позиции. Оттука се...
Нема знаци за живот под урнатиот облакодер во Бангкок: „Ќе копаме уште“
Гувернерот на Бангкок Чадчарт Ситипунт изјави дека не се откриени знаци на живот во урнатините на облакодер во главниот град...
Првото патување на Трамп ќе биде во Саудиска Арабија
Американскиот претседател Доналд Трамп вчера изјави дека планира да ја посети Саудиска Арабија уште во мај за да потпише инвестициски...
