Забава
Јадете умерено и не пазарете импулсивно – препораки за правилна исхрана за време на празничните денови
Можеби во празнична атмосфера, забавите, патувањата исполнети со вкусни и примамливи намирници и пијалаци не е лесно да се придржуваме до принципите на здрава и врамнотежена исхрана. Но, со внимателен избор на храна и умереност, можеме да уживаме во празниците, а и по празници без дополнителни здравствени ризици, велат од Институтот за јавно здравје (ИЈЗ).
На пазарење е најдобро да одиме наспани и по квалитетен оброк. Тешко ќе одолееме на импулсивно купување доколку сме гладни и по непроспиена ноќ, во такви ситуации ќе купуваме храна богата со шеќер, масти и сол и ќе бидеме склони кон донесување импулсивни одлуки.
ОСНОВНИ НАСОКИ ЗА ПРАЗНИЧНА ИСХРАНА
„Клучот“ за здрав режим на исхрана е во умереноста. Не јадете сè на гозбите и забавите. Јадете полека. Јадете блиску до вообичаеното време. Не прескокнувајте оброци за да јадете за време на гозбата или забавата. Така ќе е потешко да го контролирате шеќерот во крвта, ќе бидете навистина гладни и веројатно вечерта ќе се прејадете. Одберете овошје наместо грицки. Намалете ја количината на шеќер и не претерувајте со чоколадото.
ЗДРАВ РЕЖИМ НА ИСХРАНА
Избегнувајте пржена, висококалорична, мрсна и зачинета храна, а место таква, подгответе или изберете да јадете варена или храна печена во фурна. При изборот на месо, дадете приоритет на белото месо (пилешко, мисиркино), а ограничете ја употребата на црвено месо со видливи масти. Со месото задолжително подгответе доволно зеленчук и разни свежи салати. Рибата нека биде на празничната трпеза.
ВНИМАВАЈТЕ НА СОЛТА
Отстранете го соларникот од празничната трпеза. Користете несолени замени за солта, како што се црн бибер, луто, лимон, оцет, лук и други зачини.
АЛКОХОЛОТ И ЗАСЛАДЕНИТЕ ПИЈАЛАЦИ СЕ ИЗВОР НА Т.Н. „ПРАЗНИ КАЛОРИИ“
Преиспитајте го вашиот пијалак! Слатките пијалаци кријат кисела вистина. Не купувајте и не складирајте засладени пијалаци дома. Во кафулиња, ресторани и слично, не нарачувате безалкохолни пијалаци и избегнувајте шлагови, преливи, сокови на растворување, сирупи итн. Редовно носете со себе вода во стаклено шише.
Не постои безбедно ниво на консумирање алкохол! Консумацијата на алкохол може да предизвика непосакувани состојби, а алкохолот е и многу калоричен. , За лицата на возраст од 15 до 39 години нема здравствени придобивки од пиењето алкохол, туку само здравствени ризици.
ХИДРАТАЦИЈА ЗА ВРЕМЕ НА ПРАЗНИЦИТЕ
Водата нека биде Ваш прв избор!
Ако ви недостасуваат газирани пијалаци, изберете газирана минерална вода без вкус (арома).
Чај или домашно цеден сок без додаден шеќер.
* Имајте предвид дека, ништо од горенаведените пијалаци не се целосна замена за водата, туку може да заменат една порција.
НОЌЕН СОН
Намалениот сон, може да го отежне справувањето со шеќерот во крвта, а заради недоволното спиење, ќе ви се зголеми желбата за внес на храна богата со масти и шеќери. За да се заштитите од нерационален внес на храна, потрудете се навечер да спиете меѓу 6 и 8 часа.
ФИЗИЧКА АКТИВНОСТ
Одделете најмалку 30-45 минути дневно за пешачење.
КОРИСТЕЊЕ НА ПИРОТЕХНИЧКИ МАТЕРИЈАЛИ
Понесени од атмосферата, често, особено кај детската и адолесцентната популација, славењето е проследено со зголемена употреба на пиротехнички материјали.
Употребата на пиротехнички материјали има сериозни негативни јавноздравствени последици. Повредите поврзани со употребата на пиротехнички материјали се тешки, претворајќи ги многу прослави и весели моменти во несреќи.
Најзасегнати се децата, старите лица и лицата со респираторни или срцеви заболувања. Краткорочното изложување на нус-продукти од употреба на пиротехника може да влоши некоја постоечка белодробна болест или да предизвика астматичен напад. Кај луѓето со срцеви заболувања, краткотрајната изложеност на чад од употребата на пиротехмички средства може да се поврзе со срцев удар и аритмии.
Чадот од употребата на пиротехничките материјали придонесува за загадувањето на воздухот.
Не заборавајте, не страдаат само луѓето, страдаат и животните!
Правилната исхрана, редовната физичка активност и давање приоритет на безбедноста наместо на пиротехниката ќе нѝ помогнат во остварувањето на желбите кои ќе ги посакаме за годината што доаѓа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
„Не сакам да изгледам како восочна фигура“: обожавателите воодушевени од лицето на Мишел Фајфер
Актерката Мишел Фајфер важи за природна убавица, која не ги крие брчките на лицето. Таа гордо му ги покажува на светот и не се труди да ги прикрие со многу шминка.
Со текот на времето открила и една мала тајна на својот изглед, а тоа е сосема едноставно – не гледа на туѓите коментари.
„Колку стареам, толку станува полесно. Доаѓате до точка каде што сте целосно задоволни со тоа што изгледате добро за вашата возраст наместо да изгледате помладо за вашата возраст. Стигнав до таа точка“.
View this post on Instagram
„Дали би сакала да изгледам како во моите триесетти? Секако, но тоа нема да се случи и не го чувствувам истиот притисок како тогаш. Искрено, тоа е вистинско олеснување“, изјави таа еднаш за „Опра дејли“.
И за магазинот „Пипл“ изјави дека сака грациозно да старее и одбива да изгледа како восочна фигура.
Мишел неодамна на „Инстаграм“ објави селфи од својот дом, на кое во преден план беше нејзиното лице, без трошка шминка.
View this post on Instagram
Природните црти дојдоа до израз, а фановите на „Инстаграм“ велат едно – дека таа е најубавата жена на светот.
И, навистина, познатата актерка старее како убаво вино, а на 67 години може да се пофали со нереална убавина.
Забава
За нив вистината не е оружје: најчесните луѓе се родени во овој знак
Не ги избегнуваат тешките вистини, не се кријат зад нејасни изговори и секогаш ја избираат искреноста, дури и кога тоа не им е најлесниот пат. Ќе ги препознаете по тоа што си го држат зборот, не озборуваат и не играат двојни игри.
Според астрологијата, хороскопскиот знак кој најмногу се истакнува по овие особини е Девицата.
Луѓето родени во овој знак се познати по нивното чувство за праведност, аналитички вештини и морална конзистентност. Тие не толерираат неправда – ниту кон себе, ниту кон другите – и се подготвени да застанат во одбрана на вистината дури и ако тоа значи да се попречат нечиј пат. Нивната искреност не е наивност, туку свесен избор.
За нив вистината не е оружје, туку начин да се зачува редот и довербата.
Девиците се многу совесни и им е тешко да молчат ако почувствуваат дека некој се однесува неправедно. Токму затоа често се доживуваат како „оние кои забележуваат сè“, бидејќи имаат око за детали и јасни критериуми.
Во деловните и приватните односи, тие знаат каде се границите, а нивниот збор секогаш има тежина бидејќи е поддржан од доследност.
Она што ја прави Девицата особено искрена не е само тоа што ја кажува вистината, туку и начинот на кој тоа го прави – смирено, без потреба да понижува никого. За неа вистината не е оружје, туку начин да се зачува редот и довербата во свет кој често заборава колку се важни чесноста и интегритетот.
Забава
(Видео) Лорен, Кејти и уште четири жени летаат во вселената: ги покажаа своите костими и како течат подготовките
Денеска, „Блу ориџин“ треба да лансира шест жени во вселената. Тоа ќе биде првиот летачки одред целосно женски.
Шестте жени што одат во вселената се новинарката Гејл Кинг, пејачката Кејти Пери, свршеницата на Џеф Безос, Лорен Санчез, филмската продуцентка Каријан Флин, поранешната ракетна научничка на НАСА, Ајша Боу, и активистката Аманда Нгуен. Времето на патување треба да биде 11 минути.
View this post on Instagram
Жените споделија фотографии и видеа во костимите во кои одат на летот и покажаа како изгледа капсулата.
View this post on Instagram
Санчез сподели и видео зад сцената од првичните реакции на луѓето на костимот. Новинарката покажа уште неколку детали од костимот за кој помогнала да се дизајнира.
„Костимите се удобни, тоа е сигурно. Обично, знаете, овие костими се направени за мажи. Ги прекроивме за да им одговараат на жените“, рече Лорен, која ги ангажира Фернандо Гарсија и Лаура Ким, коосновачите на брендот Monse, да ги преработат костимите.
View this post on Instagram
„Мислам дека тие се елегантни, но додаваат и малку зачин во вселената“, вели таа.
Свршеницата на Џеф Безос неодамна проговори за своето патување во вселената.
„Во нашата куќа ја користиме изреката ‘животот почнува од другата страна на стравот’. Верувајте ми, јас сум прилично исплашена“, признала Санчез во интервју за магазинот „Ел“.
„Филипче, наместо Клинички центар, изгради полигон за семејни тендери, корупција и скандали“, велат од ВМРО-ДПМНЕ
„Филипче во улогата како министер за здравство под СДС, ја покажа неспособноста на една власт да ја разбере суштината на...
СДСМ: Истрагата за Кочани е фарса под команда на ВМРО-ДПМНЕ и Тошковски
„Истрагата за најголемата трагедија во историјата на Македонија, која требаше и мораше да донесе правда, се претвори во фарса. И...
Грантови од 10.000 евра за младите земјоделци, велат од Владата
„Приоритет на Владата и министерството за земјоделство, шумарство и водостопанство е развој на македонското земјоделство, со посебен акцент на младите...
ЦУК: Пронајдени рачни бомби во нива во Тетовско и американска авионска бомба од минатите војни во Битолско
За пронајдени неексплодирани убојни средства известува РЦУК Тетово. Конкретно, преку 112 во ЦУК е пријавено пронаоѓање рачни бомби на приватна...
ДУИ: Прес-конференцијата на Тошковски и Коцевски – најголемата карикатура на заробената држава
„Прес-конференцијата на министерот за внатрешни работи Панче Тошковски и јавниот обвинител Љупчо Коцевски претставува најголемата карикатура на заробената држава“, велат...
(Видео) Европа го осуди рускиот ракетен напад врз Суми: „Суровоста повторно удри“
Најмалку 34 лица, меѓу кои две деца, загинаа вчераутро во руски ракетен напад врз украинскиот град Суми, додека други 117...
Подметнат пожар во домот на гувернерот на Пенсилванија: полицијата го разбуди и го евакуира
38-годишен маж е уапсен и ќе се соочи со обвинение откако наводно ја запалил официјалната резиденција на гувернерот на Пенсилванија...
Полицијата го пронајде девојчето, кое вчера се оддалечило од дома
Полициски службеници од СВР Скопје го пронајдоа малолетното девојче од село Кадино, скопско за кое вчера едниот родител во Полициска...
Судот изрече притвор за четири лица од проширената истрага за пожарот во „Пулс“
Судот на четири лица им изрече мерка притвор во траење од 30 дена, за шест лица куќен притвор и мерки...
Таравари: Политиката не треба да биде средство за личен комодитет, туку служба за народот
Претседателот на Алијанса за Албанците, Арбен Таравари, преку статус на Фејсбук порача дека никогаш не чувствувал завист за власта, иако...
Во Свети Николе затекнат локал на нива: вработените непријавени, објектот дивоградба, без план за евакуација
Полицијата во соработка со инспекторите и претставници на локални институции изврши контрола на угостителски објект во Свети Николе сопственост на...
Граѓаните биле под потенцијална загрозеност во сите дискотеки, рече Коцевски
Доказите упатуваат на суштински пропусти кај раководната структура во Дирекцијата за заштита и спасување. Ова го истакна државниот обвинител Љупчо Коцевски...
Актуелниот министер за економија не е опфатен со истрагата за „Пулс“ оти немало ново барање за лиценца
Актуелниот министер за економија не е опфатен со истрагата оти нема никаков доказ дека сопственикот на клубот „Пулс“ иницирал лиценца...
Поранешни министри и директори меѓу новоосомничените за пожарот во „Пулс“, се бара притвор за четири лица
За четворица од новоосомничените за пожарот во Кочани Обвинителството бара притвор, за седум мерка куќен притвор во комбинација со забрана...
Пожарникарите во изминатото деноноќие гаснеа седум пожари на отворено
Во последното деноноќие имало седум пожари на отворени, а пожарникарите гаснеле, паралелно и други пожари во населени места и сите...
Црвено светло за Украина од Мерц: Не може НАТО и ЕУ додека е во војна
Можноста Украина да влезе во Европската унија и НАТО може да се разгледа само по завршувањето на борбите, вели Фридрих...
Се’ уште се трага по исчезнатото лице од Степанци, 80 лица се вклучија во потрагата
Исчезнато повозрасно лице од селото Степанци во Општина Штип не е пронајдено, иако вчера во потрагата се вклучија околу 70...
Уништени 1.230 килограми небезбедна храна пред Велигден, изречени се казни
Официјалните ветеринари и инспекторите за храна на Агенцијата за храна и ветеринарство (АХВ) спроведуваат вонредни засилени контроли пред велигденските празници....
(Видео) Хамас објави видео од израелски заложник што го држи во Газа
Хамас објави видео во кое се тврди дека го прикажува израелско-американскиот заложник Едан Александар, кој е држен во Газа откако...
(Видео) Граѓани со часови се заглавени во подземниот паркинг на ГТЦ оти автоматите за наплата не работат, а службите се отстутни
Вистински хаос се случува попладнево во подземниот паркинг на ГТЦ. Вознемирени граѓани кои се обратија до нашата редакција велат дека...
