Највисокиот дански дипломат повика на смиреност откако новоизбраниот американски претседател Доналд Трамп не ја исклучи можноста за употреба на воена сила за освојување на Гренланд.

„Не добивам впечаток дека сме во каква било надворешнополитичка криза“, изјави данскиот министер за надворешни работи Ларс Локе Расмусен за данските медиуми.

„Имам впечаток дека претседателот кој е на пат кон Белата куќа, има зголемен фокус на Арктикот. Мислам дека сите би можеле да си помогнеме со малку смирување на пулсот“, додаде тој.

„Имам свои искуства со Доналд Трамп и исто така знам дека не треба да се каже гласно сè што се мисли“, додаде.

Трамп вчера изјави дека не исклучува употреба на економска или воена сила за стекнување контрола над Гренланд, самоуправна данска територија и Панамскиот канал.

„Гренланд ни треба за национална безбедност“, додаде тој. „

Луѓето навистина не знаат дали Данска има некакво законско право на тоа, но ако има, треба да се откаже бидејќи ни е потребно за безбедноста“, рече Трамп.

Најстариот син на Трамп, Доналд Трамп Јуниор, вчера слета на Гренланд во приватна посета. Тој беше придружуван од шефот на кабинетот на Трамп Серџо Гор и конзервативниот активист Чарли Кирк. Трамп ги нарече „свои претставници“.

Данската премиерка Мете Фредериксен, која го отфрли првиот предлог на Трамп за купување на Гренланд во 2019 година, нарекувајќи го „апсурден“, веќе повтори вчера – пред Трамп да одбие да ја отфрли можноста за насилно преземање на Гренланд – дека „Гренланд им припаѓа на Гренландците.

Додека глобалните сили се обидуваат да го прошират своето влијание на Арктикот, овој остров богат со минерали, дом на американската воена база, привлекува внимание поради својата стратешка безбедносна и трговска важност.

„Во комбинација со топењето на мразот на Арктикот и отворањето на нови бродски патеки, ние, за жал, сме сведоци и на зголемено ривалство меѓу големите сили“, рече Расмусен, нарекувајќи го американскиот интерес за данската територија „легитимен“ во овој глобален контекст и додаде дека Данска е отворена за дијалог со САД.

„Гледаме дека Русија исто така се вооружува. Гледаме дека Кина исто така почнува да покажува интерес. Сосема е легитимно дека на американска страна, а со тоа и на страната на НАТО – а со тоа и на Данска – постои интерес во оваа област“, ​​заклучи тој.

Гeрманија го нагласува меѓународниот принцип дека границите не треба да се менуваат со сила, изјави денеска владиниот портпарол по изјавите на новоизбраниот американски претседател Доналд Трамп за Гренланд и Канада, додека шефот на данската дипломатија рече дека Гренланд може да стане независен, но не и американска сојузна држава.

„Како и секогаш, важи чесниот принцип на Повелбата на Обединетите нации и на Хелсиншкиот договор, а тоа е дека границите не смеат да се менуваат насилно“, рече портпаролот на редовната прес-конференција.

Портпаролот одби да одговори на прашањето колку Германија сериозно ги сфаќа изјавите на Трамп.

Вчера Трамп не ја отфрли можноста за користење воена или економска акција за преземање на Панамскиот канал и Гренланд и ја изнесе идејата Канада да стане американска држава.

Канадскиот премиер Џастин Трудо вчера го отфрли предлогот на Трамп.

„Шансите Канада да стане дел од Соединетите Држави се како снежна топка во пеколот. Работниците во двете наши земји имаат корист од тоа што меѓусебно се најголеми трговски и безбедносни партнери“, напиша Трудо на платформата „Икс“.

Премиерот на Гренланд денеска во Копенхаген разговараше со данскиот крал, еден ден откако изјавите на Трамп ја ставија судбината на островот под контрола на Данска на врвот на светските наслови.

Трамп, кој ја презема функцијата на 20 јануари, вчера изјави дека нема да ја исклучи можноста за користење воена или економска акција за припојување на Гренланд кон САД. Истиот ден, најстариот син на Трамп, Доналд Трамп Џуниор, беше во приватна посета на Гренланд.

Гренланд, најголемиот остров на светот, е дел од Данска веќе 600 години, иако неговите 57.000 жители сега самостојно управуваат со внатрешните работи. Владата на Гренландскиот премиер Муте Егеде се залага за евентуална независност на островот.

„Целосно разбираме дека Гренланд има свои амбиции. Ако тие се остварат, Гренланд ќе стане независен, но тешко дека има амбиција да стане сојузна држава во рамките на Соединетите држави“, рече данскиот министер за надворешни работи Ларс Локе Расмусен.

Претседателот на Сојузот на професионалните пожарникари во Калифорнија, Брајан Рајс, рече дека се справуваат со налетите на ветерот од 130 километри на час.

„Не можеме да го контролираме тоа“, нагласи тој.

This is Malibu on the PCH. A hellscape. So many homes are on fire it’s unusual to see a home that is not. pic.twitter.com/zWwlnvq0lX

— Jonathan Vigliotti 🐋 (@JonVigliotti) January 8, 2025

Пожарникарите би можеле да работат во смени до 48 часа, најави претседателот на синдикатот.

„Овие мажи и жени ќе работат 24, 36, 40, 48-часовни смени. Нема да ги напуштиме опожарените места набргу. Во моментот сите се на милост и немилост на ветрот. И додека не видиме промена или слабеење од ветрот, нема да можеме да се опуштиме“, рече тој.

Two men and their dog were seen trapped as Palisades fire surrounded their home in Los Angeles.

They safely evacuated with the dog.pic.twitter.com/cfF2jpkKDN

— Oliya Scootercaster 🛴 (@ScooterCasterNY) January 8, 2025

Портпаролот на противпожарната служба во Лос Анџелес, Ерик Скот, потврди дека 25-годишната жена пожарникар добила сериозна повреда на главата и била пренесена во локална болница.

Тој изјави дека неколку граѓани добиле изгореници.