Македонија
„Влен“: ДУИ нон грата остана сама и на работ на уништување

Партијата нон грата ДУИ, остана сама, и на работ на уништување. Бидејќи оваа партија е позната како десна рака на казината, тие ги потрошија сите џокери што им беа на располагање, велат од коалицијата „Влен“ преку соопштение.
„Принципите ги оставија на страна, интересот на граѓаните во фиоки, а состојбата на Албанците воопшто не им беше на дневен ред, коалицираа со сите политички партии само за да ја задржат власта. Но, денес сме во време на целосно демаскирање на оваа преполовена и уништена партија. ДУИ како единствена врата на која тропнаа албанците, се претвори во врата од пеколот, врата која не се отвора. Или кога се отвори вратата на ДУИ, на Албанец му се затвори врата и се отвори затворска врата. Така, наместо решение, оваа нон грата партија за време на своето делување затвори и малтретираа многу Албанци.
Тргнуваме од таму каде што почна промената, Албанците први ја разбираат дволичноста и лицемерието на оваа партија. Затоа на последните избори му го дадоа заслужениот одговор. Албанскиот граѓанин гласаше за осуда на оваа штетна партија за државата. А оваа казна ќе биде уште поостра на претстојните избори бидејќи веќе нема закани и уцени. Државата се ослободи, граѓаните дишат слободно. Ова не е се, бидејќи ДУИ, како што споменавме погоре како партија без принципи и политички морал, се обиде да коалицира и со СДСМ и со ВМРО. Но, на македонските партии не им требаа коалициони партнери кои им служеа на Никола Груевски и Сашо Мијалков, затоа денес ниту една од овие партии не сака ни да слушне за слугите на семејството Груевски – Мијалков.
За да продолжи понатаму, откако албанскиот народ со глас го осуди, македонските партии со целосен бојкот и со јасни причини, и меѓународниот фактор му го зададе последниот удар, со кој оваа партија е во “нокаут“, изведувајќи ги последните удари. ДУИ денес стана синоним за криминал и корупција, таа е најнепосакуваната партија во цела држава. Сега можат да ги обвинат граѓаните, па и македонските партии, но и меѓународниот фактор. Но, се фактитет што ја докажуваат реалната вистина. Не можете да си играте со судбината на граѓаните и да останете со бел образ, како што поцрнија многу животи на граѓани, полека полека овие безобразници си заминуваат и исчезнуваат од политичката сцена. Најголемата албанска коалиција, ВЛЕН, е вратата на која граѓаните можат да чукаат. ВЛEН е најдобрата и единствена политичка опција во албанскиот табор“, се вели во соопштението на Влен.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Алијанса за Албанците: ВМРО-ДПМНЕ се обидува да ја оцрни фигурата на Таравари преку клевети и игри со зборови

Алијансата за Албанците оценува дека ВМРО-ДПМНЕ, заедно со „експериментот ВЛЕН“, се обидува да ја оцрни фигурата на претседателот, д-р Арбен Таравари, преку клевети и игри со зборови, се наведува во реакцијата на Алијанса за Албанците на обвинувањата од ВМРО-ДПМНЕ.
„ВМРО-ДПМНЕ и нивните сателити, доколку имаат некакво сомневање или тврдење, нека го докажат. Во спротивно, тоа останува само ниска пропаганда за одвлекување на вниманието од вистината: д-р Арбен Таравари им ги урна мрачните планови против Албанците. Ова можат многу лесно да го направат, бидејќи сите државни институции ги имаат под контрола и имаат целосен пристап до секој официјален документ. Ги повикуваме да се разбудат – тие не се опозиција, тие се власт и држава. Алијансата за Албанците ги повикува, користејќи ги сите надлежности и институции што ги раководат, да презентираат барем една единствена врска помеѓу инвеститорот од Албанија и д-р Арбен Таравари. Или можеби, за нив секој инвеститор од Република Албанија е сомнителен?“, се наведува во реакцијара.
Македонија
Вилијам Михајловски, осуден на 14 години затвор, ќе ја води Комисијата за безбедност и правда на Единствена Македонија

Централниот комитет на Единствена Македонија на дводневната седница во Охрид меѓудругото донесе и неколку кадровски одлуки од своја надлежност.
„Беше избран нов Извршен комитет, а воедно за генерален секретар беше избран Милан Јовчески, а за член на Извршниот комитет беше избран уставобранителот Вилијам Михајловски – Гајда во моментот неоправдано осуден на 14 години затвор за Македонија. Вилијам Михајловски како член на Извршниот комитет ќе ја води и Комисијата на Единствена Македонија за внатрешна безбедност, одбрана, правда и политички затвореници“, соопштија од партијата.
Централниот комитет утврди 29 кандидатски листи за локалните избори, а уште шест се во постапка за утврдување на следната седница на Централниот комитет.
Од партијата соопштија дека е донесена и одлука за кандидат за градоначалник на Град Скопје.
Македонија
Османи формира тим во Чаир со задача да донесе милион евра од европските фондови

Кандидатот за градоначалник на Чаир, Бујар Османи, денес го најави формирањето на специјална Task Force единица посветена на IPA фондовите, со јасна цел – европските средства да дојдат директно во оваа општина.
„Три години бев државен координатор за IPA фондовите. Знам како функционираат овие програми, каде се можностите и кои се луѓето во Брисел што одлучуваат за нив,“ истакна Османи.
Тој додаде дека од денес Чаир има тим со еден единствен мандат: да донесе милиони евра од европските програми директно во општината.
„Ова значи подобри улици, посилни училишта и побогата заедница. Чаир заслужува да биде директно поврзан со Европската Унија и ние тоа ќе го направиме реалност,“ истакна Османи.
Со оваа иницијатива, додаде тој, Чаир стапува на патот на европска интеграција на локално ниво, користејќи ги можностите што ги носат фондовите на ЕУ.