Лицето кое претставувајќи се како Бред Пит измами Французинка за речиси 700.000 фунти, е пронајдено во Нигерија, јавуваат локалните медиуми.

Марван Уараб, основач на страницата Find My Scammer, и помогнал на жртвата Ана да го најде лицето одговорно за измамата од 697.000 фунти.

Ова се случува откако 53-годишната жена сподели со француските медиуми дека изгубила цело богатство мислејќи дека му помага на Бред Пит да заздрави од рак, притоа не знаејќи зад пораките не стои филмската ѕвезда туку измамник од Нигерија. Целата измама изгледала уверливо бидејќи биле користени фотографии од популарниот актер од болница, со пораки до жената кои делувале напишани во реално време, а биле генерирани со помош на вештачка интелигенција.

Уараб контактирал со лажниот Бред Пит користејќи информации што му ги дала Ана и успеал да влезе во телефонот на измамникот.

Откриена била адресата од каде што лажниот Бред Пит ги пишувал пораките, а сега мамел нови жртви претставувајќи се како Кијану Ривс.

„Тоа е мала група од три или четворица прилично млади луѓе кои предизвикуваат штета. Само на лажниот профил на Бред Пит изброивме 34 жртви“, рече тој, пренесе „Дејли Мејл“.

Контактирно е со нигериските власти.

Жената од Франција претходно изјави дека во времето на измамата минувала низ тежок период со својот сопруг милионер. Најпрвин ја контактирал некој кој тврдел дека е мајка на актерот пред да стапи во контакт со профилот за која верувала дека е самиот Бред Пит.

Ана мислела дека се зближила со актерот по неколку месеци разговор, пред работите да добијат романтичен тек, а потоа и биле побарани пари поради наводни здравствени компликации.

За измамата биле користени лажни социјални медиуми и профили на  „Ватс ап“ , како и технологија за генерирање слики со вештачка интелигенција за да ѝ го испратат на жртвата она што изгледало како селфи и пораки од Пит.

Жртвата на крајот ја сфатила грешката кога видела дека актерот, всушност, не е во болница и дека бил фотографиран со нова девојка. Подоцна била хоспитализирана поради тешка депресија, но решила да проговори и да ја подигне свеста.

Откако зборуваше за своето искуство, жената е на удар на потсмев на Интернет, што доведе до повлекување на интервјуто.

„Приказната емитувана оваа недела резултираше со бран на малтретирање на сведокот“, напиша презентерот на TF1, Хари Розелмак, на својот „Икс“ профил во вторникот. „За заштита на жртвата, решивме да го повлечеме од нашите платформи“, додаде..

Интервјуто, во кое таа зборуваше отворено, па дури и споделуваше семејни фотографии со новинарите, стана вирално во понеделникот.

Тоа предизвика исмејувачки коментари и шеги, но некои онлајн критичари ја обвинија мрежата дека не успеала да заштити ранлива личност која можеби не била свесна за лошите страни.

Новоизбраниот американски претседател Доналд Трамп изјави дека денеска имал добар телефонски разговор со кинескиот лидер Си Џинпинг за голем број прашања, вклучувајќи ги трговијата и ТикТок.

„Повикот беше многу добар и за Кина и за САД. Очекувам заедно да решиме многу проблеми и да почнеме веднаш. Разговаравме за балансирање на трговијата, фентанил, ТикТок и многу други теми“, напиша Трамп во објавата на својата социјална мрежа.

„Претседателот Си и јас ќе направиме се што е можно за да го направиме светот помирен и побезбеден!“.

Кинеската државна новинска агенција Ксинхуа претходно објави дека Кси и Трамп разговарале телефонски денеска, но не наведе дополнителни детали.

Германскиот канцелар Олаф Шолц денеска изјави дека поддршката на американскиот милијардер Илон Маск за екстремната десница во Европа е целосно неприфатлива. Toj истакна дек патот по кој ќе се движи Германија нема да биде одреден од сопствениците на социјалните мрежи, туку од германските гласачи.

Маск во јануари изјави дека само екстремно десничарската партија Алтернатива за Германија (АФД) може да ја спаси таа држва.

Минатата недела, Маск во живо емитуваше разговор на својата социјална мрежа „Икс“ со Алис Вајдел, кандидатката на АФД за канцелар на изборите во Германија на 23 февруари.

За изјавите на Маск, Шолц рече дека е важно што се критикува.

„Она што треба да го критикуваме не е дека некој милијардер кој доаѓа од друга земјаго изразува своето мислење, туку она што го кажува“, рече Шолц на прес-конференција.

„Тој (Маск) ја поддржува екстремната десница низ Европа, во Британија, во Германија, во многу, многу други земји и тоа е нешто што е целосно неприфатливо. Ова го загрозува демократскиот развој на Европа, ја загрозува нашата заедница и мора да биде критикувано“, рече Шолц.

Интересот на Маск за Германија и политиката во другите делови на Европа, откако вложи пари и енергија за да му помогне на Доналд Трамп да победи на изборите во САД, предизвика тревога кај политичарите ширум континентот.

Маск повика на ослободување на затворениот британски антиисламски екстремист Томи Робинсон и ја нарече владата на британскиот премиер Кир Стармер тиранска, тврдејќи дека Стармер треба да биде во затвор.