Денес на седницата на Собранието посветена на пратенички прашања, премиерот, Христијан Мицкоски, се осврна на изградбата на објектите на Факултетот за физичка култура и ФИНКИ, но и за состојбите во образованието од аспект на намалените демографски параметри.

„Образованието за нас е приоритет затоа што не може да имате силна држава без силно образование, рече премиерот и продолжи: Во високото образование од каде што доаѓам и јас, изградбата на инфраструктура е многу значајна. Генерално дали се работи за новиот кампус кој планираме да го градиме за универзитетот „Мајка Тереза“, дали тоа значи изградба на новите згради на факултетите ФИНКИ и ФФК, дали ќе правиме некој нов технолошки парк кој што ќе биде значаен, за мене како претседател на Владата преставува само додадена вредност. Кога вложувате во високо образование, секогаш можете само да добиете, не можете да изгубите“, рече Мицкоски.

Тој посочи дека овие згради на факултетите ќе бидат изградени, а со студентите ќе се договори стилот на архитектурата.

„Дали тоа ќе биде во постар барок стил, дали во модерен стил, студентите нека кажат. Тие како сакаат така ќе биде. Ние нема да наметнуваме“, посочи премиерот Мицкоски.

„Она што мене ме загрижува е она што оваа учебна година 2024/2025 за жал матурирале само околу 14.000 матуранти. Ако се вратиме 18 години наназад, тогаш ќе видиме дека околу 10.000 луѓе ни се изгубени. Тоа е нешто кое за мене претставува предизвик“, истакна Мицкоски.

Истакна дека ниту овие 14.000 матурирани ученици не се запишуваат на факултетите, со оглед на тоа што на Универзитетот „Кирил и Методиј“ се запишале само 5000 студенти, а тој запишува повеќе од половината студенти.

Тоа според него е загрижувачки параметар, особено ако се земе бројот на новородени сега кои за 18 години ќе бидат потенцијални студенти.

„Овие згради ќе ги изградиме, и кампусот на универзитетот „Мајка Тереза“ ќе го изградиме, и други ќе изградиме, но се плашам да не бидат празни за 10-15 години од сега. Затоа ни е потребно да седнеме сите заедно и да креираме нова парадигма и цел каде сакаме да бидеме. На безумието мора да му дојде крај. Не е се политика и не е се желба за власт и моќ.“, заклучи Мицкоски.

Обвинителството го потврди минатото со дрога на младиот возач од Скопје (В.Ј.) кој синоќа ја усмрти 22-годишната Фросина Кулакова на улицата Партизански одреди.

Од тука велат дека дека барале продолжување на мерката притвор за неовластено производство и пуштање во промет наркотични дроги, психотропни супстанции и прекурсори, но судот донел пресуда со кој на обвинетиот му била изречена заводска мерка – упатување во воспитно -поправен дом Тетово, третирајќи го сторителот како помлад полнолетник.

„Во текот на целата постапка, токму по предлог на јавниот обвинител лицето беше во притвор, а при изрекување на пресудата Судот ја укина притворската мерка за обезбедување. Незадоволен од пресудата, имајќи го притоа предвид и претходното поведение на сторителот, јавниот обвинител вложи жалба и предметот е во жалбена постапка“, велат од Обвинителството.

Од тука претходно информираа дека возачот кој ја прегази Фросинаа возел пијан, без возачка дозвола и поминал на црвено светло, додека девојката ја поминувала улицата на обележан пешачки премин.

Граѓанската опција за Македонија ГРОМ вели дека е изненадена од леснотијата со која премиерот Мицкоски се нафрлал врз маркетите притоа не бирајќи зборови ниту пак закани кои не приличат на претседател на Влада на една држава.

„Малку се овие работи па уште иницира и поддржува бојкотирање на трговците на мало, не водејќи сметка каква штета им прави. Ваква неодговорна политика кон свои претпријатија е невидена од 1945 година па наваму во Република Македонија. Ваков пример Христијан Мицкоски имаше на север, во Социјалистичка Република Србија кога Слободан Милошевиќ нареди бојкот на словенските производи. До каде стаса Србија со таквата арогантна политика и Слободан Милошевиќ не треба да коментираме.

Со ова владата на Република Македонија, особено економските ресори и нејзиниот претседател демонстрираат непознавање на економски политики не знаење како функционира пазарна економија. Секоја влада за стопанството треба да создава услови да му ја зголемува профитабилноста, да го зголемува стандардот на граѓаните и да се труди со своите политики да ги намалува трошоците за производство, за трговија, дистрибуција, но и трошоците за живот. Овде гледаме отсуство на било каква конзистентна економска политика.

Го прашуваме премиерот Мицкоски зошто не повика да се бојкотираат казината и обложувалниците?

Зошто не преземе нешто за неговите другари, за дистрибутерите на електрична енергија, нафтените компании, телекомуникациските фирми, а пред се банките?

Банките, извршителите, нотарите, овие се вистинските сектори каде било какво ограничување ќе значи намалени трошоци на живот, повисок стандард, пониски цени и поголем остаток за сите.

На крајот имаме едно прашање, до господинот Мицкоски што ќе правите ако комората на малопродажните маркети одлучат во знак на револт една недела да ги бојкотираат граѓаните?

Што тогаш ќе преземете?

Дали насилно ќе им ги обивате маркетите?

ГРОМ предупредува дека еден бојкот раѓа друг бојкот, нов. Во исто време владата треба да одговори зошто ги зголемува буџетските расходи и зошто не намали од својот профит, односно од даночните зафаќања: ДДВ-то , персоналниот данок , данокот на добивка, туку напротив, малку му се, парите од македонските граѓани па позајмува и од Унгарија за да има што повеќе да троши?“, велат од ГРОМ преку соопштение.