Забава
Лејди Гага размислува да има семејство со свршеникот: „Подготвена сум за деца“
Американската мегаѕвезда Лејди Гага откри неколку интересни детали во ново интервју.
Таа за магазинот „Ел“ изјави дека сериозно размислува да основа семејство со нејзиниот свршеник, бизнисменот Мајкл Полански.
„Семејство – тоа е како корените на дрвото. Расте многу, понекогаш е деформирано, понекогаш е полно со вода, а понекогаш е жедно. Семејството ве прави тоа што сте и ја дефинира вашата потреба за промена“, истакна Гага.
На прашањето дали планира да има деца, пејачката одговори кратко и јасно: „Подготвена сум“.
Таа се осврна и на својот живот во центарот на вниманието и вели дека ќе им дозволи на децата да формираат свое мислење за тоа.
„Би сакала моите деца да разберат дека зависи од нив што значи мојата уметност за нив. Никогаш не би сакала да ги обликувам нивните мислења или да им кажам како да размислуваат за мене. Тоа е нешто за што Мајкл и јас разговаравме многу – да дозволиме нашите деца да бидат свои“, заклучи Гага.
Лејди Гага и Полански ја почнаа својата врска непосредно пред почетокот на пандемијата на коронавирусот. Својата врска, па дури и свршувачката, ја чуваа во целосна тајна до Венецискиот филмски фестивал. Таму прошетаа на црвениот тепих држејќи се за раце, а Лејди Гага го покажа дијамантскиот свршенички прстен.
Пејачката еднаш откри дека Полански ја побарал за жена во април. За нивната свршувачка имаше шпекулации подолго време. Лејди Гага го нарече свој свршеник кога го запозна францускиот премиер Габриел Атал, а подоцна беше фотографирана како го носи свршеничкиот прстен во неколку наврати.
Кон крајот на минатата година таа во ток-шоуто на Џими Кимел рече дека таа и Мајкл имале неколку идеи за нивната венчавка: „Всушност, зборуваме да одиме во матичар само ние двајца и да нарачаме кинеска храна. Но, знаејќи ме, тоа може да стане како циркус со еднорози“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Француска казна за „мачор-престапник“ – сопственичка плати 1.250 евра бидејќи мачката одела кај соседот
Суд во францускиот град Безје ја казнил Доминик Валдије со 1.250 евра затоа што нејзиниот портокалов мачор Реми редовно одел кај соседот и правел штета — оставајќи траги од шепи, мокрејќи по ќебиња и вршејќи нужда во дворот. Пресудата предвидува и дополнителна глоба од 30 евра секој пат кога мачорот повторно ќе ја премине оградата.
Организацијата за заштита на животни (SPA) предупреди дека случајот може да создаде правен преседан што би ја ограничил слободата на мачките да се движат во својата околина и би ги одвратил луѓето од нивно вдомување.
Валдије вели дека сега го држи Реми затворен во куќата: „Се здебели и стана агресивен. Како да му е изречена домашна казна.“ Дел од соседите ја поддржуваат, оценувајќи дека пресудата е апсурдна и штетна за сите сопственици на животни.
Забава
(Видео) Џулија Фокс предизвика лавина критики со морбиден костим инспириран од убиството на Кенеди
Aктерикаа Џулија Фокс успеа повторно да ја шокира јавноста, овој пат со својот избор на костим за Ноќта на вештерките. На забавата на нејзиниот пријател Хулио Торес во Њујорк, 35-годишната Фокс се појави облечена како поранешната прва дама Џеки Кенеди, во реплика на познатиот розов костим извалкан со крв од денот кога Џон Ф. Кенеди беше убиен во 1963 година.
Оригиналниот костим на Џеки Кенеди, кој го носеше во времето на убиството на нејзиниот сопруг, никогаш не е исчистен и се чува во Националниот архив на Соединетите Американски Држави од 1964 година, што му дава на овој чин на актерката дополнителен морбиден шмек.
@people #JuliaFox dressed as blood-soaked #JackieKennedy on the day of her husband President #JFK ♬ [News] Neutral news(1413858) – poco poco music
Откако списанието „Пипл“ објави видео од Џулија Фокс од црвениот тепих на социјалните мрежи, следеше лавина од негативни коментари од шокираната јавност. „Без здив сум. Толку несоодветно“, напиша еден корисник, додека друг додаде: „Тоа е најодвратното нешто што некогаш сум го видел“.
Зборуваше и актерката Ивет Никол Браун. „Одвратно на ниво што мојот ум не може ни да го сфати. Ми паѓа на ум цитатот „некои луѓе толку многу сакаат да остават трага што не им е гајле дали е дамка“. Толку очајната желба за слава само продолжува да гарантира дека ќе бидете мразени засекогаш“, рече таа.
Џулија Фокс, патем, е позната по своите провокативни и честопати бизарни модни избори кои редовно привлекуваат медиумско внимание.
Забава
Хајди Клум воодушеви во неверојатниот костим на Медуза на забавата за Ноќта на вештерките
Хајди Клум повторно ја оправда титулата „кралица на Ноќта на вештерките“, појавувајќи се во спектакуларен костим на митската Медуза на нејзината традиционална забава во Њујорк.
На 24. издание на нејзината забава во хотелот „Хард Рок“, славната манекенка и водителка се трансформираше во Горгона, додека нејзиниот сопруг Том Каулиц го толкуваше грчкиот херој Персеј.
Подготовките започнале пет месеци однапред, а трансформацијата на денот на забавата траела повеќе од десет часа. „Сè е рачно отсликано“, откри Клум, додавајќи дека на изгледот работеле околу 15 луѓе. Деталите, како механичките змии што се движеле на нејзината глава и лушпестите делови, биле дел од целосната визија.
Клум признала дека идејата за Медуза ја имала одамна.
„Сакав да изгледам страшно, со вистински змии што се движат и остри заби – како вистинска ѕвечарка,“ рече таа. Публиката и медиумите беа воодушевени, нарекувајќи ја трансформацијата импресивна и морничава во исто време.
Позната по својата посветеност и креативност, Клум секоја година ја поместува границата со нови костими. Во минатото се појавувала како Џесика Рабит, вукодлак од „Трилер“, Фиона од „Шрек“, Клеопатра, паун, огромен црв и Е.Т., кој беше хит костимот од минатата година.

