Забава
Бијонсе, принцот Хари и Натали Портман ѝ ја должат совршената фигура на оваа диета: сè повеќе луѓе се префрлаат на овој начин на исхрана

Флекситарната диета станува сè попопуларен начин на исхрана, а нејзиниот зголемен број поддржувачи во светот најдобро ги одразува промените во начинот на живеење, кои стануваат сè поздрави и еколошки. За разлика од традиционалните диети, кои наметнуваат строги упатства, флекситаризмот е пристап кон јадењето што овозможува поголем избор, а сето тоа ја намалува потрошувачката на месо и ја зголемува храната од растителна основа.
Оваа диета нуди рамнотежа – флексибилност и здравје во комбинација со одговорност за животната средина. Иако не подразбира целосно напуштање на месото, флекситаризмот се фокусира на неговата намалена потрошувачка и интеграцијата на храна од растителна основа, која го подобрува целокупното здравје и го намалува негативното влијание врз животната средина.
Што е флекситарната диета?
Флекситарната диета е флексибилен режим на исхрана, кој поттикнува зголемно внесување храна од растителна основа, а дозволува и повремено месо. Иако не постои строго правило во однос на количините, флекситарците најчесто избираат да јадат месо неколкупати неделно, а преостанатиот дел од времето јадат растителна храна, како зеленчук, овошје, цели зрна, мешунки, јаткасти плодови и семки.
Оваа диета не фаворизира ригидни барања, што го олеснува усвојувањето на долг рок. Луѓето што се одлучуваат за флекситаризам може постепено да го намалат внесувањето производи од животинско потекло и да ја приспособат исхраната на сопствените потреби и желби, што го прави еден од најлесните режими за спроведување во секојдневниот живот.
Здравствени придобивки од флекситарната диета
Една од главните причини зошто луѓето ја избираат флекситарната диета е нејзиното позитивно влијание врз здравјето. Се верува дека намалувањето на внесувањето црвено месо, а особено преработеното, може да го намали ризикот од голем број хронични болести, вклучувајќи срцеви заболувања, дијабетес тип 2 и одредени видови рак.
Со воведување повеќе храна од растителна основа флекситарците го зголемуваат внесувањето влакна, антиоксиданти и есенцијални витамини, што придонесува за подобро варење, здравје на кожата и намалување на воспалението во телото. Исто така, флекситаризмот е богат извор на протеин од растително потекло, кој може да помогне во градењето на мускулите и одржувањето на енергијата, а истовремено да го намали нивото на лошиот холестерол.
Познати личности што го поддржуваат флекситаризмот
Флекситарната диета не е популарна само меѓу обичните луѓе, туку и меѓу познатите личности, кои ја прифаќаат поради нејзините здравствени и еколошки придобивки. Меѓу познатите поддржувачи на флекситаризмот се:
Бијонсе – популарната пејачка е позната по тоа што повремено прифаќа флекситарна диета. Таа има направено неколку програми за детоксикација засновани на растителна исхрана и често ја нагласува важноста од воведување повеќе растителни продукти во исхраната.
Натали Портман – актерката е веганка, но неколкупати изјавила дека понекогаш се враќа на флекситарната диета, особено кога се во прашање нејзините деца. Покрај тоа, ги поддржува иницијативите за намалување на внесувањето месо и промовира одржливи диети.
Крис Хемсворт – славниот актер практикува флекситарна диета за да се подготви за улогата во филмот „Тор“. Иако најмногу јаде месо, тој се фокусира на поголема количина растителна храна и протеини за време на неговиот тренинг-режим.
Принцот Хари и Меган Маркл – иако не се строги вегетаријанци, тие практикуваат флекситаризам и често избираат оброци од растително потекло, особено поради еколошки причини.
Овие и други јавни личности користат флекситаризам за да го подобрат своето здравје, да го намалат нивниот еколошки отпечаток и да промовираат поодржлив начин на живеење.
Како да почнете?
Префрлувањето на флекситарната диета може да биде едноставен процес ако внимателно се планира. Еве неколку совети за да почнете:
Постепено намалувајте го месото: наместо веднаш да престанете да јадете јадења што содржат месо, постепено намалувајте го внесувањето. Првин можете да го замените месото со зеленчук во еден оброк неделно, а подоцна во неколку.
Вклучете повеќе растителни протеини: мешунките, тофуто, сеитанот и протеините од растително потекло се одлични замени за месото и исто така се одлични извори на есенцијални хранливи материи.
Експериментирајте со нови рецепти: флекситаризмот ви дава можност да истражувате разни видови храна од растително потекло. Пробајте нови видови зеленчук, цели зрна и мешунки, кои можеби не сте ги користеле често порано.
Изберете квалитетно месо: ако одлучите да јадете месо, изберете месо од одржливи извори. Органското месо или месото од етички произведените фарми обезбедува помало влијание врз животната средина.
Флекситарната диета не е само тренд – таа претставува долгорочен начин на живеење, кој ја балансира одговорноста за здравјето и животната средина. Со зголемениот интерес за овој начин на исхрана јасно е дека флекситаризмот не е само минлива мода, туку и одговор на предизвиците на современото општество. Со своите здравствени и еколошки придобивки флекситаризмот изгледа како идеален избор за сите оние што сакаат да направат чекор кон поздрав и поодржлив живот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Направете маска за побрз раст на косата од 3 состојки: нема да зажалите

Овој рецепт е за маска со вода од рузмарин која првенствено има за цел да ја обнови оштетената коса и да ја зајакне од самиот корен. На долг рок, ова значи дека вашата фризура ќе изгледа понегувана, вашата коса ќе биде помека и посвиленкаста, а ќе забележите и побрз раст на косата.
Секако, многу е важно правилно да се грижите за вашата коса, да користите што е можно помалку топли „пегли“ и фен и да пронајдете линија за нега што најмногу ви одговара, но и редовно да се шишате за да ја одржите вашата коса здрава и да ѝ дозволите побрзо да расте.
Состојки:
- една лажица сушен рузмарин или 2 гранчиња свеж
- една лажица густин
- една лажица масло по ваш избор (бадемово, оревово, рицинусово – ова би било најдобро, арганово или слично)
Подготовка:
1. Истурете 2 чаши вода во тенџере и додадете 1 лажица сушен рузмарин или 2 гранчиња свеж. Оставете да се вари на тивок оган 5 минути.
2. Процедете и вратете во тенџерето, додадете 1 лажица густин и мешајте додека не се згусне.
3. Збогатете ја маската со 1 лажица масло по ваш избор. Нанесете на врвовите и по целата должина и оставете да се впие еден час, а потоа измијте ја косата нормално.
Важни забелешки:
Веднаш ќе видите дека вашата коса е помека и посвиленкаста, а вистинските резултати ќе ги видите по еден месец употреба. Ваквите маски, како и сите други, не треба да се користат повеќе од двапати неделно.
Иако рицинусовото масло е еден од најдобрите избори за оваа регенеративна маска, русокосите треба да бидат особено внимателни бидејќи може да реагира со бојата, па затоа се препорачува прво да го пробате на дел од косата (по можност на долниот дел) и дури потоа да го нанесете на целата глава.
Ако рицинусовото масло потемни или ја промени бојата на вашата коса, користете арганово или бадемово масло. Не користете есенцијални масла, бидејќи тие не се наменети за употреба на овој начин и можат да предизвикаат сериозна иритација на скалпот.
фото: принтскрин
Забава
Викторија Бекам откри без што никогаш не оди во кревет

Викторија Бекам откри голем број претходно непознати работи за својот приватен живот во својот нов документарец, вклучувајќи го и фактот дека секоја вечер си легнува со – чепови за уши!
Бидејќи води живот на кој многумина би му завидувале, бидејќи е позната поп-ѕвезда, моден дизајнер и сопруга на еден од најпознатите фудбалери и најпосакувани мажи, Дејвид Бекам, детаљот што го откри од спалната соба изненади многумина.
За да обезбеди мирен сон, чеповите за уши се неопходен дел од нејзината ноќна рутина, а сè поради Дејвид.
„Носам чепови за уши. Дозволете ми да ви кажам, не е забавно. Зошто мислите дека го правам тоа? Не за да изгледам добро во кревет… Можеби Дејвид не изгледа така, но најновата вест е дека дури и мојот сопруг ‘рчи! Морам да имам чепови за уши“, се пошегува Викторија за својата исповед за The Sun.
Иако би било полесно да се реши сè со спиење во одделни соби, бидејќи, се разбира, имаат неколку од нив во луксузната вила, Викторија е против идејата да спие во различни кревети.
„Не е здраво, не сакате да го правите тоа. Затоа мора да користите чепови за уши. Или да го прифатите рчењето, а јас не можам да го направам тоа, па едноставно го блокирам бучавата!“, објасни таа.
фото: принтскрин
Забава
(Фото) Таа ја носи најубавата комбинација оваа сезона: совршена инспирација за постудените денови

Моделот Роузи Хантингтон-Вајтли е голем обожавател на модната сцена, а за еден дождлив, есенски ден во Париз, таа го одбра совршениот аутфит кој одговара на актуелните модни трендови и сигурно е еден од најубавите што ќе ги видиме оваа есен.
Штом температурата ќе падне, слоевитото облекување е пожелно, па затоа изборот на чевли и јакни, или палта, станува најважно нешто. Модната лекција ни ја одржа прекрасната Роузи, која остави силен впечаток во впечатлив аутфит кој можете сами да го копирате.
Ефективните, длабоки кожни чизми се „must have“ парче оваа сезона, како што ни докажа, а со нив носеше и палто со висока јака (детаљ кој е и еден од водечките трендови). Чизмите се во бордо боја, што ги прави да остават уште посилен впечаток, а оваа комбинација е истовремено модерна и безвременски елегантна.
Не е потребен многу труд за ваков стил, само внимателно одбрани парчиња и, овој пат, минималистичка палета на бои.
Со две вакви парчиња – палто и чизми – не е важно што носите под нив, бидејќи ова е добитна комбинација во секоја смисла, а воедно и една од најелегантните комбинации во сезоната.
Нека формулата на Роузи Хантингтон-Вајтли биде совршена инспирација за есенско-зимска елеганција и поттик да инвестирате во овие две парчиња кои апсолутно ќе го освежат вашиот гардеробер во постудените месеци.
И таа сигурно знае како да носи што и да облече…