Забава
Пријателот на Лијам Пејн кој се соочува со обвинение поради смртта на пејачот раскажа повеќе за нивниот однос
На 13-ти октомври минатата година, Лијам Пејн го замолил Роџер Норес да му биде кум на неговата венчавка со Кејт Кесиди, изјави ексклузивно неговиот пријател за „Дејли мејл“. Роџер прифатил, но за жал, Лијам починал три дена подоцна.
Во своето прво големо интервју по трагедијата, Роџер изјави: „Се разбира, бев уништен кога слушнав. Се’ уште мислам дека ќе го сретнам или ќе ми заѕвони телефонот и тој ќе биде на другиот крај на линијата“.
Поминаа пет месеци од фаталниот пад на Лиам Пејн од балконот на третиот кат на хотелот во Буенос Аирес. Норес рече дека последен пат го видел Лијам во лобито на хотелот на 16 октомври во 16:06 часот, кога, според неговите зборови, се појавил трезен и весел.
После тоа, Лијам наводно конзумирал дрога, поради што околу 16 часот и 50 минути паднал на подот од лобито на хотелот. Персоналот го однел во неговата соба, а во 17 часот и 7 минути бил пронајден мртов во внатрешниот двор на хотелот со повеќе трауматски повреди.
Според аргентинската правна постапка, судијката Лаура Бруниард на 30 декември подигна обвинение против пет лица, меѓу кои и Роџер Норес, кој се соочува со обвинение за убиство од небрежност за наводно необезбедување соодветна грижа за пејачот. Роџер силно ги оспорува овие наводи. Тој откри дека Лијам бил хоспитализиран во мај минатата година по речиси фатално предозирање. Нивното пријателство започнало во 2020 година на забава во Лондон, организирана од тогашниот уредник на британскиот Вог, Едвард Енинфул. И покрај нивниот различен начин на живот тие развиле блиски односи.
Лијам и Роџер, успешен бизнисмен кој го основал StoneWay Capital на 23 години и собрал 500 милиони долари за аргентинските енергетски постројки, се сметале себеси за „браќа“ и покрај нивната разлика во годините.
„Вистината е дека и двајцата сакавме да бидеме како оној другиот“, објаснува Роџер.
„Сакав повеќе да излегувам и да се забавувам, додека тој сакаше да биде малку подосаден. Често ми помагаше со совети за врска. Се разбира, Лијам беше одличен со девојките“.
Роџер моментално води тужба за клевета против таткото на Лијам, Џеф Пејн, поради лажни тврдења за улогата на Роџер во грижата за него. Документацијата потврдува дека меѓу нив немало формален договор за нега.
Кејт, девојката на Лиам Пејн, неодамна сподели емотивна исповед за нивната врска и нивните последни заеднички моменти. Во интервју за „Сан“, таа изрази длабока тага поради неговата ненадејна смрт. Го опиша Лијам како нејзината сродна душа и најискрената личност што некогаш ја познавала.
Таа откри и дека ја напуштила Аргентина неколку дена пред неговата смрт за да се грижи за нивното куче Нала.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Фото) „Едноставниот“ живот на сопругата на милијардер: Светки, чипка и луксуз додека тој ја држи за рака
Најмладата ќерка на американскиот претседател Доналд Трамп, Тифани Трамп, сподели серија фотографии на кои позира во тесен црн фустан, заедно со својот сопруг Мајкл Булос.
Тифани и нејзиниот сопруг милијардер неодамна станаа родители, па затоа најголемиот дел од вниманието е насочено кон нивниот син Александар, што го прави ова излегување за новопечените родители вистинска реткост.
Убавата русокоса за пригодата избра тесен црн фустан украсен со чипка, а сè надополни со сребрени платформи и накит. Нејзиниот сопруг не заостануваше многу зад неа, позирајќи во елегантен црн костум.
Тифани, исто така, покажа во серија од неколку фотографии од забавата како изгледа животот на милијардер, на што многумина сигурно ѝ завидуваат.
Од почетокот на нивната врска во 2018 година, тие станаа интересни за јавноста, најмногу поради фактот што се запознале на Миконос и што Булос решил да се пресели во Америка поради неа, откако пораснал во Нигерија.
Патем, Мајкл Булос е наследник на нигериската „Булос Ентерпрајзис“, чија вредност е неколку милијарди долари. Тој е четири години помлад од Тифани, а ѝ предложи брак со дијамантски прстен вреден 1,2 милиони долари.
Забава
(Фото) Можете да ја сакате или да ја мразите, но никој не е имун на нејзината совршена фигура
Актерката Ева Лонгорија, најпозната на домашната публика по улогата на Габи Солис во серијата „Очајни домаќинки“, не престанува да воодушевува со својот изглед и челична волја, дури и за време на празниците.
Неодамна зборуваше за мајчинството, како и за тоа како се соочила со сите предизвици откако добила син во 40-тите години, а нејзините изјави привлекоа големо внимание.
Познато е дека во текот на зимата сите се опуштаме, јадеме повеќе и тренираме помалку, но не и Ева. Популарната џебна Венера објави неколку селфиња од својот тренинг и во таа прилика ги покажа своите извајани стомачни мускули, но и лицето без шминка.
„Се надевам дека сите имавте одлична новогодишна ноќ. Одиме силно од првиот понеделник“, напиша таа во описот.
Покрај тренингот, Ева покажа и како го поминува времето со својот син, но ужива и во вино и добра храна. Поради таков тренинг, таа заслужи малку да се опушти.
Познатата актерка е секогаш во вестите поради својот добар изглед, без разлика дали се појавува на црвениот тепих или објавува нешто слично од теретана или некое друго лежерно излегување со семејството и пријателите.
Забава
Трансродната ќерка на Илон Маск (21) е новото лице на брендот на Ријана
Ријана повторно ги поместува границите, а за најновата кампања за нејзиниот бренд за долна облека Savage x Fenty, таа ја ангажираше Вивијан Вилсон, 21-годишната трансродова ќерка на Илон Маск, за нејзината најнова кампања за Денот на вљубените. Вивијан, која нема блиска врска со својот татко, е ѕвездата на новата колекција наречена Love So Savage: A Modern Ode to Aphrodite.
На една од фотографиите од кампањата, Вилсон позира со Лови Симон и Ема Арлета пред мермерни статуи. Таа носи градник со розов дезен и мини здолниште од чипка во иста боја, а додатоците се светло црвени хулахопки, златни обетки и темноцрвен кармин. Други познати личности во кампањата се ѕвездите на „Love Island“, Серена Пејџ и Кордел Бекам, како и инфлуенсерите Хејли и Жулс Лебланк.
Ријана, која го лансираше Savage x Fenty во 2018 година, ја објасни визијата зад колекцијата. „Денот на вљубените е време да се слави љубовта во сите нејзини форми“, изјави пејачката за WWD. „Во Savage x Fenty, сè е во прифаќањето на љубовта на секој начин и создавање производи што ги прават луѓето да се чувствуваат самоуверено додека го прават тоа.“
Ова е само најновиот во низата успеси за младата Вивијан, чија кариера како модел вртоглаво расте. Минатиот март, таа се појави на насловната страница на Teen Vogue, а само два месеци подоцна, го имаше своето професионално деби со Wildfang. Истиот месец, таа позираше и за брендот за долна облека Tomboyx.
„Бев преплашена“, призна Вилсон во интервју за Vanity Fair, зборувајќи за снимањето. „Пред тоа, бев некој што, никогаш не покажуваше кожа. Дури и во секојдневниот живот, како, кога одев на плажа со моите пријатели, не носев костим за капење.“
Таа додаде дека и покрај нејзиниот страв, сакала да го направи снимањето за да ја зголеми својата самодоверба.
„Се чувствувам самоуверена во своето тело, но сакав да си ја докажам таа самодоверба, ако тоа има смисла.“
Таа го имаше своето деби на писта минатиот септември на модната недела во Њујорк, каде што прошета на пролетната ревија CHRISHABANA 2026.
Вивијан е најстарата ќерка на Илон Маск и неговата поранешна сопруга Џастин. На 16-годишна возраст, таа се изјасни како трансродова, а две години подоцна поднесе официјално барање Маск да биде отстранет од нејзиното презиме, потврдувајќи ја нејзината затегната врска со нејзиниот татко.
Таа кратко зборуваше за технолошкиот могул за Teen Vogue. „Не ми е гајле за него. Навистина не ми е. Досадно е што луѓето ме поврзуваат со него. Едноставно немам простор повеќе да ми е гајле“.
Фото: SAVAGE X FENTY

