Забава
Со нив нема паника во сообраќајот: кои хороскопски знаци се најсигурните возачи
Велат дека стилот на возење ја открива личноста.
Оваа четворка не влегува во ризични ситуации, секогаш знае каде е рачната сопирачка и никогаш не „притиска гас“ повеќе од потребното. Кои се хороскопските возачи кои никогаш не забораваат да ги врзат појасите и напамет ги знаат сите сообраќајни правила?
Девица
Ако сакате некој безбедно да ве превезе од точка А до точка Б, Девицата е вашиот идеален возач. Овој знак никогаш ништо не остава на случајноста – тие редовно го проверуваат притисокот во гумите, навреме го менуваат маслото и никогаш не возат со „гориво во резерва“. Тие не прават непредвидливи нагли движења или непотребни претекнувања – возат мирно, прецизно и секогаш држат растојание помеѓу автомобилите. Можеби ќе ве излудат со тоа што секогаш ќе ја најдат најдобрата (и најбезбедна) рута, но едно е сигурно – вие сте безбедни со нив.
Јарец
Јарците при возење го применуваат истиот метод како и во животот – не брзаат, не ризикуваат и се држат до правилата како самите да ги напишале. Тоа се луѓе кои не поднесуваат сообраќаен хаос и не разбираат зошто некој мисли дека вклучувањето на трепкачите е опција, а не услов. Нивното возење можеби не е највозбудливо, но е сигурно. Ако ги сретнете во автомобилот, можете да се опуштите – нема да ве возат 200 километри на час само затоа што виделе празен автопат. И да, тие секогаш тргнуваат рано бидејќи „никогаш не се знае дали ќе има гужви“.
Бик
Биковите се мирни и трпеливи возачи. Тие не му свират на некој што предолго стои на семафор, не дивеат по патот и никогаш, ама баш никогаш не возат кога се уморни. Безбедноста е приоритет за нив, а ако патувате со Бик, сметајте на удобно возење со однапред подготвена плејлиста и паузи на најдобрите постојки за одмор. Нивниот автомобил е секогаш чист и уреден, а нивната филозофија на возење е едноставна – „Подобро безбедно отколку брзо“.
Рак
Раковите ги ценат своите патници повеќе од било што друго, па не е ни чудо што возат внимателно. Тие секогаш ќе се погрижат сите да се сместени удобно пред да тргне автомобилот. Ако се возите со Рак, можете да бидете сигурни дека нема да ризикуваат – повеќе би сакале да чекаат дополнителни пет минути отколку да направат „брз трик“ во сообраќајот. Нивното возење е безбедно, мирно и им одговара на нивните сопатници.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Меланија Трамп ја украси Белата куќа за Ноќта на вештерките
Меѓу контроверзиите околу градежните работи во Белата куќа, Меланија Трамп ги покажа своите декорации за Ноќта на вештерките, подготвувајќи се за традиционалната прослава што ќе се одржи недалеку од срушеното Источно крило.
Нејзината канцеларија објави фотографии од подготовките со порака: „Белата куќа се подготвува за Ноќта на вештерките 🎃“.
The @whitehouse is getting ready for Halloween 🎃 pic.twitter.com/J7LAs6hqfl
— Office of the First Lady (@FirstLadyOffice) October 28, 2025
Есенска атмосфера и многу тикви
За разлика од претходните години, Меланија се чини дека се одлучила за поедноставна декорација за претстојната Ноќ на вештерките. Задниот влез и скалите се покриени со тикви, додека шарени лисја ги красат столбовите на тремот. Целокупниот впечаток повеќе потсетува на есенска тема отколку на Ноќта на вештерките, што можеби била намерна одлука за да не се исплашат најмладите гости кои доаѓаат на традиционалното собирање слатки.
Забава
Меган Фокс за мајчинството: Не сум спиела седум месеци
Американската актерка Меган Фокс (39) искрено проговори за предизвиците на мајчинството по раѓањето на ќерката Сага, која ја доби со свршеникот Колсон Бејкер.
На проекција на филмот Jennifer’s Body во Лос Анџелес, Фокс откри дека по породувањето, се соочува со силна исцрпеност.
„Само што родив бебе и страдам. Не сум спиела седум месеци“, изјавила таа објаснувајќи дека има тешкотии со концентрацијата и со меморијата.
Актерката додала дека по породувањето, се споредила со трансформацијата на својот лик во чудовиште од филмот, алудирајќи на психолошките промени што ги чувствува.
Иако постојат шпекулации за развод, таа и сопругот останале заедно и по тешкиот период, вклучувајќи го губењето на бременоста во 2023 година, што Меган го опиша како длабоко емотивно и болно искуство.
Забава
(Видео) Дакота Џонсон во спектакуларен фустан: актерката во креација на „Валентино“ по шест години
Популарната актерка Дакота Џонсон блесна на настанот Vogue World 2025: Hollywood кога се појави во спектакуларен фустан од модната куќа „Валентино“ и покажа зошто е една од најзаводливите холивудски ѕвезди.
Интересно е што таа не ги носела креациите на оваа престижна италијанска модна куќа на црвениот тепих веќе шест години, но соработката е обновена и сигурно ќе уживаме во нејзините спектакуларни изданија и во наредниот период.
@dakotajohnsonarg this cutieeeee!!! 💗🤏🏻🥹 #dakotajohnson #VogueWorld #vogue #voguemagazine #hollywood ♬ what is love haddaway – whitelinesprettybabyy
Дакота, во соработка со стилистката Кејт Јанг, избра многу впечатлива креација од колекцијата пролет 2026, фустан украсен со мониста во нежни, пастелни бои по целата должина.
Инспириран е од 20-тите, а е посебен поради везот на деколтето и делумно проѕирниот дел од тил во нежно розова боја. Друг интересен детаљ е високата јака, која исто така е изработена од тил, но во друга боја. Со овој фантастичен фустан Дакота избра нежно розови чевли од „Валентино“, како и дискретен накит.
@gbr.mag me encontro obcecada pelo look da dakota johnson no vogue world 🥹🤍 #tiktokfashion #dakotajohnson #vogueworld #fashion #moda ♬ original sound – lana del rey ୨୧
Провокативната и ефектна комбинација ја комплетира со црна чанта, а додека фотографите ја фотографираа, таа не можеше да ја тргне насмевката од лицето.
фото: принтскрин

