Македонија
Делови од Центар и Карпош денеска без вода

Од ЈП Водовод и Канализација известуваат дека денеска без вода ќе останат делови од Центар и Карпош.
· Поради дефект на затварач од ф 80мм на ул. Владимир Полежановски бр.1, во периодот од 08.30 часот па се до отстранување на дефектот без вода ќе останатдел корисниците од ул. Владимир Полежановски (општина Центар);
· Поради водоводен дефект од ф 80мм на ул. Дане Крапчев бр.21 во периодот од 08.30 часот па се до отстранување на дефектот без вода ќе останатдел корисниците од ул. Дебарца, Дане Крапчев,Славка Недиќ. (општина Центар);
· Поради водоводен приклучок на ф 100 мм на ул Женевска. бр, 35 прекинато водоснабдување ќе имаат корисниците на дел од ул. Женевска и ул. Бањалучка, од 09:30ч до завршување со работните обврски. (општина Карпош)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Ѓорѓиевски и Тошковски на пешачење во Градски парк: секој чекор е здравје

Градскиот парк денеска беше изборот на градоначалникот на Кисела Вода и кандидат за градоначалник на Скопје, Орце Ѓорѓиевски, и министерот за внатрешни работи, Панче Тошковски. Двајцата утрото го започнаа со пешачење низ алеите на паркот, во спортска опрема и ведро расположение.
„Најубаво е денот да започне со утринско пешачење низ Градскиот парк, свеж воздух, мир и позитивна енергија. Секој чекор е здравје, секој здив е нова сила. Започни го денот со природа, а денот ќе ти врати со радост“, напиша Ѓорѓиевски во својата објава на социјалните мрежи.
Македонија
За влез и излез од државава на граничните премини се чека до 15 минути

Сообраќајот на државните патишта се одвива непречено, по суви коловози.
Интензитетот на сообраќајот на патиштата надвор од градските средини е зголемен. Поради летните одмори, се бележи зголемена фреквенција на возила, на ГП Табановце времето на чекање за влез и излез е околу 10-15 минути.
На останатите гранични премини од македонска страна нема подолги задржувања при влез или излез од државата.
Македонија
Свежо утро, а преку ден до 33 степени

Времето денеска ќе биде сончево со мала до умерена локална облачност. Ќе дува слаб до умерен, а вдолж Повардарието повремено засилен северен ветер.
Минималната температура ќе биде во интервал од 9 до 19, а максималната ќе достигне од 25 до 33 степени.
Во Скопје, сончево со умерена облачност. Ќе дува слаб до умерен северен ветер. Минималната температура ќе се спушти до 16, а максималната ќе достигне до 30 степени.
До средината на следната седмица ќе преовладува претежно стабилно време со дневни температури малку под просекот за овој период од годината. Потоа времето ќе биде сончево и потопло со пораст на дневната температура.