Свет
(Видео) Министерката на Трамп од затворот во Ел Салвадор: „Ги затворивте терористите, ви благодарам“

Американската министерка за домашна безбедност, Кристи Ноем, објави видео на социјалните мрежи снимено во контроверзниот голем затвор во Ел Салвадор. Таа им се заблагодари и на земјата и на нејзиниот претседател што ги примиле терористите и ги затвориле.
Министерката Ноем го посети затворот во кој американските власти неодамна депортираа 238 Венецуелци.
Додека таа зборуваше, во ќелијата зад неа можеа да се видат десетици полуголи и тетовирани салвадорски членови на бандите MS-13 и 18th Street.
Посетата покажува дека претседателот Трамп не планира да отстапи од својата имиграциска политика и покрај судската забрана потврдена од апелацискиот суд спречувајќи ја депортацијата на Венецуелците од американска почва според Законот за непријателските странци од 1798 година.
I toured the CECOT, El Salvador’s Terrorism Confinement Center.
President Trump and I have a clear message to criminal illegal aliens: LEAVE NOW.
If you do not leave, we will hunt you down, arrest you, and you could end up in this El Salvadorian prison. pic.twitter.com/OItDqNsFxM
— Secretary Kristi Noem (@Sec_Noem) March 26, 2025
„Ова е една од алатките со кои располагаме“, го опиша Ноем затворот како една од достапните алатки.
„Ова е една од последиците што можете да ги очекувате доколку нелегално влезете во нашата земја“, додаде.
За време на престојот таа ќе се сретне со претседателот на Салвадор, Најиб Букеле, сојузник на американскиот претседател Доналд Трамп, кој го основа Центарот за притвор на терористите (Cecot) како дел од сопствената кампања против криминалните банди во Ел Салвадор.
Претседателот Букеле им понуди на САД да држат депортирани и затвореници во Цекота за време на неодамнешната посета на американскиот државен секретар Марко Рубио на оваа централноамериканска земја.
Овој потег предизвика жестоки критики во САД и Венецуела, при што многубројни семејства на депортираните инсистираа дека членовите на нивните семејства немаат врски со ниедна банда.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Експлозија на товарен брод во близина на Индија, објавени фотографии

Товарен брод што пловел под знамето на Сингапур покрај јужниот брег на Индија се запалил и експлодирал синоќа, соопшти индиската крајбрежна стража, објави АП.
Од 22 члена на екипажот на бродот MV Wan Hai 503, 18 биле евакуирани со помош на индиската морнарица и крајбрежна стража, додека по четворица други сè уште се трага, изјави офицерот Амит Унијал.
Еден од спасените членови на екипажот е сериозно повреден. Меѓу исчезнатите се двајца Тајванци, еден Индонезиец и еден државјанин на Мјанмар.
„Бродот моментално е во неконтролирано движење и започнати се операции за гаснење пожар“, рече Унијал. Тој додаде дека приоритетите се спасување на екипажот, гаснење на пожарот и спречување на можна еколошка штета.
Во потрагата се вклучени авион од типот „Дорниер“ и неколку бродови на индиската морнарица. Леталото се користи за поморски надзор и пребарување и спасување. Пожарот избувнал на околу 163 километри од брегот во близина на градот Бејпор во јужната индиска држава Керала.
Според соопштението за медиумите, експлозијата се случила во еден од контејнерите на бродот, а потоа пожарот се проширил на другите контејнери. Причината за експлозијата сè уште е непозната.
Бродот долг 271 метар исплови од пристаништето Коломбо во Шри Ланка на 7 јуни и требаше да пристигне во Мумбаи вчера. Бродот го управува сингапурската компанија „Ван Хаи Лајнс“, потврдија сингапурските власти.
Европа
(Видео) 15 полицајци повредени во антимигрантските протести во Северна Ирска

Петнаесет полицајци беа повредени, а неколку домови беа нападнати за време на она што беше опишано како „бес на толпата“ во расно мотивираните немири во северноирскиот град Балимена, објави „Гардијан“.
Членовите на толпата синоќа фрлаа молотови коктели, петарди, тешки камења и тули кон полицијата и се обидоа да ги запалат домовите на неколку странски семејства во градот во округот Антрим.
🚨BREAKING: Massive disorder in Ballymena Northern Ireland last night, migrant houses have been set on fire and damaged following the rape of young girls at the weekend.
The fake news want you to believe it was two teenage boys that raped a young girl, no mention of Romanian… pic.twitter.com/Ek9jlXCsyY
— The Yorkshire Lass (@real_shirelass) June 10, 2025
Насилството избувна по бдеењето за тинејџерка која наводно била сексуално нападната од две 14-годишни момчиља. Претходно истиот ден, момчињата се појавија на суд обвинети за обид за силување, а обвиненијата им ги прочита романски преведувач.
„Потоа голем број маскирани лица се одвоија од бдеењето и почнаа да градат барикади, натрупувајќи проектили и напаѓајќи имот во областа Клонавон Терас“, соопшти полицијата. „Дел од толпата потоа ја нападна полицијата фрлајќи молотови коктели и камења.“
🚨 BREAKING: Tensions flare in Ballymena, Northern Ireland. Migrant houses set on fire by locals after the sexual assault of a young girl
Last night, serious unrest broke out in the town of Ballymena, with reports of property damage and at least one house set on fire. The… pic.twitter.com/Bi5evO0OIx
— NEXTA (@nexta_tv) June 10, 2025
Во нападите беа оштетени две полициски возила и повредени 15 полицајци, од кои некои мораа да побараат болничко лекување. Четири куќи беа оштетени во пожарот, а три лица беа евакуирани од своите домови во она што се истражува како расно мотивиран напад од омраза.
Лиам Кели, претседател на Полициската федерација за Северна Ирска, која ги претставува полицајците, рече дека повредите раскажуваат „ужасна приказна за толпа решена да предизвика сериозна штета“. Тој додаде дека полицајците работеле неуморно за да ја смират потенцијално експлозивната ситуација и да го одржат јавниот ред и мир.
🚨BREAKING: Last night in Ballymena, Ireland, angry citizens gathered over a young girl who was raped by two Romanians.
Today a senior police officer referred to everyone as a "racist thug," asserting that the situation was “racist thuggery”.
Ireland is about to explode. pic.twitter.com/IiHHgLsvDg
— The British Patriot (@TheBritLad) June 10, 2025
„Нема сомнение дека полицијата – која е недоволно екипирана бидејќи службата е недоволно опремена со ресурси и персонал – спречи масакр со последици што се надвор од секоја замисла. Она што го видовме беше сосема бесмислено, неприфатливо и варварско“, рече Кели.
Европа
Украина и Русија разменија втора група воени заробеници

Украина и Русија денес ја разменија втората група воени заробеници според договорот од Истанбул претходно овој месец.
Украинската група затвореници беа сериозно болни или сериозно ранети, напиша украинскиот претседател Володимир Зеленски. Тие ќе добијат итна медицинска помош, рече тој.
Според Зеленски, меѓу нив има припадници на армијата, Националната гарда, транспортните служби и граничната полиција.
Министерството за одбрана во Москва потврди дека размената се случила на белоруско-украинската граница. Руските војници ќе бидат однесени во Русија на медицински прегледи, соопшти министерството.
Ниедна страна не објави колку затвореници се разменети.
За време на разговорите во Истанбул минатата недела, Москва и Киев се согласија да разменат најмалку 1.000 затвореници од секоја страна, како и неколку илјади тела на загинати војници, но планот беше комплициран со спроведувањето.
Зеленски денес потврди дека размените ќе продолжат.