Свет
(Видео) Трамп наметна царини од 20 отсто за ЕУ; Се обрати Фон дер Лајен: „Последиците ќе бидат страшни“

Претседателката на Европската комисија, Урсула фон дер Лајен, ги коментираше царините на Трамп во видео обраќање на неколку јазици: на англиски, германски и француски.
Американските царини се „тежок удар“ за глобалната економија и Европската унија подготвува контрамерки доколку преговорите не успеат, изјави претседателката на Европската комисија Урсула фон дер Лајен.
„Веќе го финализираме првиот пакет контрамерки како одговор на царините за челик“, рече таа во изјавата прочитана пред Самитот на партнерството меѓу ЕУ и Централна Азија.
The universal tariffs announced by the US are a major blow to businesses and consumers worldwide.
Europe is prepared to respond.
We'll always protect our interests and values.
We're also ready to engage.And to go from confrontation to negotiation ↓ https://t.co/WbXqsN4ZX7
— Ursula von der Leyen (@vonderleyen) April 3, 2025
„Дополнително подготвуваме нови контрамерки за заштита на нашите интереси и нашите компании, доколку преговорите не успеат“, заклучи таа.
Фон дер Лајен вели дека последиците од американските царини ќе бидат „огромни“.
„Глобалната економија ќе претрпи голема штета, неизвесноста ќе се зголеми и ќе се поттикне понатамошен протекционизам. Последиците ќе бидат страшни за милиони луѓе ширум светот, особено за најранливите земји кои сега се предмет на највисоките американски царини“, рече Фон дер Лајен.
На прес-конференција, таа додаде дека сите компании, „големи и мали“ ќе страдаат „од првиот ден“, погодени од прекини во синџирот на снабдување, поголема неизвесност и „тешка бирократија“.
„Трошоците за водење бизнис со САД драстично ќе се зголемат“, рече таа.
„Покрај тоа, се чини дека нема ред во овој хаос. Нема јасен пат низ сложеноста и хаосот што ги погодува сите трговски партнери на САД“, истакна фон дер Лајен.
Трамп претходно најави минимална царина од 10% за повеќето стоки увезени во Соединетите Американски Држави, со повисока стапка од 20% за Европската унија, што дополнително ја интензивира глобалната трговска војна која се заканува да ја зголеми инфлацијата и да го забави економскиот раст во САД и во светот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Лавров: Имаме докази дека во Суми имало состанок на воени претставници

Русија има докази дека во објектот во Суми, кој беше погоден од руски ракетен напад, се одржал „состанок“ на украинските воени лидери со нивните западни колеги, изјави денес рускиот министер за надворешни работи Сергеј Лавров.
Во интервју за „Комерсант“, Лавров рече дека Русија „има информации за тоа кој бил во објектот што бил погоден во Суми“, пренесе ТАСС.
„Имаше уште една средба\ на украинските воени лидери со нивните западни колеги, кои се преправија дека се платеници или не знам кои. Таму има војници на НАТО и тие беа во директна контрола“, рече Лавров.
Рускиот министер изјави дека „сите знаат“.
„Њујорк тајмс“ неодамна објасни како Американците одиграа одлучувачка улога во нападите врз Русија (од Украина) уште од самиот почеток. Без таа улога, повеќето ракети со долг дострел воопшто немаше да ги напуштат своите бази“, рече Лавров.
Како што претходно денес објави украинската регионална воена администрација во градот Суми, бројот на убиени Украинци во вчерашниот руски напад врз тој град се искачи на 34, а меѓу жртвите има две деца, додека 120 лица се ранети, меѓу кои 15 деца.
Во неделата, руските сили започнаа напад врз центарот на Суми користејќи две балистички ракети, а нападот беше осуден од западните претставници, вклучувајќи ја претседателката на Европската комисија, Урсула фон дер Лајен, и американскиот претставник Кит Келог.
Свет
(Видео) Зеленски: Русија отворено го отфрла прекинот на огнот

Украинскиот претседател Володимир Зеленски изјави дека Русија „отворено одбива прекин на огнот“ и „не покажува страв“.
Во вечерашното обраќање до нацијата објавено на платформата X, Зеленски рече дека рускиот претседател Владимир Путин „останува фокусиран на продолжување на војната“.
Thirty four days ago, Ukraine responded positively to the U.S. proposal for a full and unconditional ceasefire. And for thirty four days now, Russia has been openly refusing to cease fire. Putin remains focused on continuing the war. Russian state propagandists are preparing… pic.twitter.com/nqSlegFOMD
— Volodymyr Zelenskyy / Володимир Зеленський (@ZelenskyyUa) April 14, 2025
Тој, исто така, тврдеше дека руската државна пропаганда ја подготвува јавноста за идејата дека дипломатијата нема да донесе резултати.
„Постои само една причина за ова – тие не се плашат во Москва“, рече Зеленски.
„Ако притисокот врз Русија не е доволен, тие ќе продолжат да го прават она на што се навикнати – ќе продолжат да водат војна.“
„Сите сакаме ова да заврши. Потребен е мир – и тој мора да биде траен“, рече Зеленски.
Свет
Калас до европските лидери: Не одете на прославaта во Москва, Русија води војна во Европа

Високата претставничка на ЕУ за надворешни работи и безбедносна политика, Каја Калас, денес предупреди дека учеството на странски лидери на воената парада по повод Денот на победата на 9 мај во Москва „нема да биде гледано позитивно“ во Европската Унија.
„Секое учество на парадата на 9 мај во Москва нема да биде сфатено лесно во Европската Унија, со оглед на тоа што Русија води војна во Европа“, изјави Калас на прес-конференција по состанокот на министрите за надворешни работи на ЕУ во Луксембург.
Според неа, неколку министри изразиле таков став. Калас посебно нагласи дека ЕУ „не сака ниту една од земјите-кандидатки да учествува во настаните на 9 мај во Москва“.
Српскиот претседател Александар Вучиќ, претседателот на Република Српска Милорад Додик и словачкиот премиер Роберт Фицо веќе го најавија своето учество на парадата во Москва.
Во исто време, Калас ги покани светските лидери да го посетат Киев за да покажат солидарност со Украина.
Украинската влада ги покани највисоките претставници на ЕУ да дојдат во Киев на 9 мај, а претседателот Володимир Зеленски изрази желба да биде домаќин на лидерите на земјите кои се подготвени да обезбедат безбедносни гаранции за Украина на тој ден.
Високиот претставник на ЕУ, исто така, објави дека Унијата работи на 17-тиот пакет санкции против Русија, нагласувајќи дека санкциите за нафтата и гасот би имале значително влијание бидејќи Русија ги користи овие приходи за финансирање на војната.
„Дискусиите за ова се во тек и знаете дека ни е потребна согласност од сите 27 земји-членки“, додаде Калас, залагајќи се за најсилниот можен пакет санкции.