Свет
80 отсто од Американците стравуваат дека ќе бидат отпуштени ова лето. „Веќе ништо не е безбедно“
Огромно мнозинство Американци се загрижени дека би можеле да ги загубат своите работни места оваа година, покажува новото истражување на пазарот на трудот.
Извештајот насловен „Состојба на пазарот на трудот 2025“ ја открива растечката несигурност меѓу работниците во САД. Според истражувањето спроведено на примерок од 1.115 вработени, дури 81 отсто од испитаниците стравуваат дека ќе останат без работа оваа година, а 20 отсто од нив велат дека се многу позагрижени од минатата година, пренесува „Њузвик“.
Луѓето се помалку ги менуваат работните места бидејќи се загрижени за отпуштања и можна рецесија. Дури 76 отсто од испитаниците очекуваат повеќе отпуштања во 2025 година, а дури 92 отсто од нив веруваат дека доаѓа рецесија. Речиси две третини (63 отсто) сметаат дека годинава ќе затворат повеќе компании отколку лани.
Во март, американските работодавци објавија 275.240 отпуштања – повеќе отколку во истиот месец пред пет години, кога избувна пандемијата, според извештајoт.
Од нив, дури 216.215 отпуштања доаѓаат од федералната администрација. Во изминативе два месеци вкупно 280.253 лица се отпуштени во 27 владини агенции. Главниот двигател на тој бран отпуштања е новоформираниот Оддел за владина ефикасност, кој го води Илон Маск и чија цел е да ја намали владината бирократија и трошоците.
Во однос на бројот на отпуштања, март беше најлошиот месец од историските намалувања во април и мај 2020 година, кога повеќе од милион луѓе ги загубија своите работни места поради пандемијата, според податоците што ги следи Челинџер од 1989 година.
„Не е само стравот од отпуштања. Луѓето се плашат дека системот ќе ги заборави“.
Патрис Вилијамс Линдо, извршен директор на „Карир номд“, вели дека луѓето не драматизираат, туку само следат што се случува.
„Отпуштањата сè уште се случуваат редовно, иако се непредвидливи. Економијата изгледа нестабилна. Тарифите постојано се менуваат. Вестите не запираат. Работниците се уморни да бидат изненадени од нештата и таа вознемиреност се чувствува“, изјави Линдо за Њузвик“.
Иако стапката на невработеност во САД останува ниска, големите медиумски и технолошки компании кои неодамна отпуштија голем број работници создаваат психолошки притисок, вели Сем Рајт од Хантр, компанија за пишување резимеа и следење апликации.
„Секогаш кога некоја голема компанија најавува отпуштања, гледаме зголемување на активноста на нашата платформа, дури и од сектори кои немаат никаква врска со индустријата од која доаѓаат вестите“, изјави Рајт за „Њузвик“.
Несигурноста при работа предизвикува и поголем стрес. Повеќе од половина од испитаниците (52%) очекуваат исцрпеноста да биде уште почеста. Како главна причина се наведува несигурноста при работа (43%).
За да останат конкурентни, 61 процент од работниците планираат да инвестираат во образование и обука во 2025 година. Линдо вели дека тоа повеќе зборува за недоверба во системот отколку за лошата состојба на пазарот. „Пазарот на трудот не се распаѓа, но довербата на луѓето во него пропаѓа. Тоа навистина го покажуваат овие податоци“, рече таа.
Каудин додава дека сегашната паника можеби нема да трае, но дека работниците ја прават вистинската работа со тоа што се подготвуваат и работат на себе.
„Работете на вашиот личен бренд, ажурирајте го вашиот LinkedIn, разговарајте со тренер или терапевт, останете присутни на работа – дури и ако работите од дома – и внимавајте на вашиот начин на размислување. Не дозволувајте стравот да ја диктира вашата судбина“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Со нож избодени најмалку 11 лица во Мичиген
Најмалку 11 лица беа избодени синоќа со нож во Волмарт во Траверс Сити, Мичиген. Полицијата соопшти дека напаѓачот е приведен. Повредените се хоспитализирани. Шестмина од нив се во критична состојба, додека петмина други се во сериозна состојба.
Траверс Сити е околу 410 км северозападно од Детроит. Шерифот на Траверс Сити, Мајкл Шеј, изјави дека оружјето употребено во нападот е нож. Се води истрага за мотивите за нападот.
Свет
И по 54-ти пат Косово сè уште без собраниски спикер
Ниту доцна синоќа не успеа да се конституира Собранието на Косово, и покрај тоа што ова беше веќе 54-ти обид за избор на претседател. Причината повторно беше истата, недостиг на доволно гласови за формирање на комисија за тајно гласање, што е предуслов за спроведување на изборот.
Политичките партии и коалиции – Демократската партија на Косово (ДПК), Демократскиот сојуз на Косово (ДСК), Српската листа, како и коалицијата меѓу Алијансата за иднината на Косово и НИСМА, повторно одбија да предложат свои членови во комисијата. Наместо тоа, тие го обвинија претседателот на конститутивната седница, Авни Дехари, дека ја узурпира седницата и ги погазува и Уставот и одлуките на Уставниот суд на Косово.
Ситуацијата ескалираше кога Дехари, како и во претходните обиди, ги прекинуваше говорите на пратениците со исклучување на микрофоните, што дополнително ја вжешти атмосферата. Од вкупно 103 присутни пратеници, само 56 гласаа „за“ формирање на комисијата, што не беше доволно.
Поради недостигот на мнозинство, Дехари ја прекина седницата, повикувајќи се на одлуката на Уставниот суд донесена на 26 јуни, според која од денес до 8 август парламентот нема право да заседава или да донесува какви било одлуки. До тогаш, се очекува Судот да ја објави својата пресуда по барањето за оценка на уставноста на инсистирањето за тајно гласање, поднесено од пратениците на ДПК и ДСК.
Свет
Туристите одлучија: Оваа земја е прогласена за најубава во светот
Според најновото глобално истражување на „DiscoverCars.com“, туристите ги избраа десетте визуелно најимпресивни земји во светот за 2025 година, или најубавите.
На листата се вклучени големи туристички сили, но и некои земји кои неочекувано зазедоа висока позиција.
Она што ги изненади многумина беше падот на Соединетите Американски Држави на деветтото место, што предизвика бројни реакции кај туристичките експерти и ентузијастите за патувања.
Ирска го зазема првото место
Врз основа на оценките на повеќе од 6.400 патници од различни делови на светот, Ирска го зазеде првото место со просечен резултат од 9,52. Нејзините зелени пејзажи, драматичните карпи со поглед на океанот и пејзажите како што се познатите Мохерови карпи и прстенот на Кери придонесоа за оваа титула.
Втор на листата е Нов Зеланд со резултат од 9,43 – единствената земја надвор од Европа во првите пет. Познат е по своите спектакуларни фјордови, планински предели, вулкани и тиркизни езера.
Португалија и Обединетото Кралство го делат третото место (9,29). Португалија воодушевува со златни плажи и лозја, додека Обединетото Кралство нуди разновидни предели од шкотските висорамнини до зелени долини и морски брегови.
Грција и Хрватска на четвртото место
На четвртото место се Грција и Хрватска, обете со резултат од 9,23. Хрватска го заработи својот висок резултат благодарение на кристално чистиот Јадран, скриените заливи и историските градови, додека Грција импресионира со својата единствена архитектура и античко наследство.
Полска и Италија ги затворија првите пет со резултат од 9,19, нудејќи изобилство од природни убавини, културни атракции и автентична атмосфера.
Зошто САД паднаа на листата?
Америка се најде само на деветтото место оваа година со резултат од 9,01. Дури и помали туристички пазари како Кипар (9,17), Франција (9,03) и Шпанија (9,02) се пред неа. Последното, десетто место му припадна на Маврициус (8,90).
Иако има импресивни природни чуда како што се Големиот Кањон, националните паркови и брегот на Пацификот, САД сè повеќе губи поени поради сложената организација на патувањата, високите цени, лошите меѓуградски врски и генерално потешката пристапност за странските туристи.
Естетиката и социјалните мрежи го менуваат туризмот
Туристите повеќе не патуваат само за музеи и ресторани – фокусот е на места што изгледаат спектакуларно на фотографиите. Инстаграм и ТикТок сè повеќе влијаат на тоа како и каде луѓето патуваат, а земји како Маврициус, Португалија и Грција знаат како да го искористат ова. Тие организираат панорамски патишта, кафулиња со поглед и спектакуларни видиковци.
Визуелниот впечаток стана еден од клучните фактори при изборот на дестинација.
Топ 10 најубави земји според туристите (2025):
1. Ирска
2. Нов Зеланд
3. Португалија и Велика Британија
4. Грција и Хрватска
5. Полска и Италија
6. Кипар
7. Франција
8. Шпанија
9. САД
10. Маврициус
Чекање до 45 минути на Табановце и Пелинце, а на Богородица околу 30 минути
Со зголемувањето на летните одмори и интензивните туристички патувања, на македонските гранични премини повторно се бележат големи гужви. Најголемиот притисок...
Поради гладување 90.000 жени и деца итно имаат потреба од медицинска интервенција во Газа
Секој трет жител на Појасот Газа со денови не добива храна, предупреди Светската програма за храна (WFP) на Обединетите нации....
Големиот пожар кој избувна попладнево во близина на Струмица е под контрола
Големиот пожар кој избувна попладнево во близина на Струмица меѓу Градските гробишта и селото Баница и зафати огромна површина и...
Анегелов: Пожарот на Готен не може да загрози ниту едно село
На територијата на целата земја денеска има шест активни пожари, а најтешкиот и најспецифичен е пожарот на планината Готен, на...
Најмалку 25 лица загинаа во текот на ноќта во нови напади на израелската армија врз Појасот Газа
Најмалку 25 лица загинаа во текот на ноќта во нови напади на израелската армија врз Појасот Газа, во време кога...
За да помине граница преку ред, на полицајците од ФРОНТЕКС им кажал дека е дипломат, а на нашите полицајци им рекол дека им е колега, уапсени двајца скопјани на Табановце
Вчера на Граничниот премин „Табановце“, на влез во државата, полицијата ги упаси С.С. (59) и Б.А. (55), двајцата од Скопје...
Овој ден буди тага, но ќе се памети и по човечноста и хуманоста, Град Скопје оддаде почит на жертвите од земјотресот
Делегација на Град Скопје предводена од градоначалничката Данела Арсовска, оддаде почит на жртвите од катастрофалниот земјотрес кој пред 62 години...
Го онесвестиле удирајќи го со клешти оти се сомневале дека им краде лубеници
Јавен обвинител од Основното јавно обвинителство Скопје донесе Наредба за спроведување истражна постапка против две лица за кои постои основано...
62 години од катастрофалниот земјотрес во Скопје во кој животот го загубија 1.070 лица
Скопје денеска ја одбележува 62. годишнина од катастрофалниот земјотрес што се случи на 26 јули 1963 година, кога животот го...
Надлежните се борат со 11 активни пожари: Гори кај Прилеп, Македонски Брод, Штип
Според најновите информации, на територијата на државата се евидентирани вкупно 25 пожари на отворен простор. Од нив, 11 се сѐ...
(Видео) Грета Тунберг по Тетово стигна во Скопје, ќе дискутира за империјализмот и ќе протестира за спас на Дошница
Еко-активистката Грета Тунберг преку видео-обраќање на Инстаграм соопшти дека се наоѓа во Скопје и дека ќе учествува на неколку настани...
Се’ уште се трага по девојчето кое го одвлече Вардар – 29-годишната соселанка се обидувaла да го извлече од водата
Прпиадници на полицијата, армијата, нуркачи, кајакари се во интензивна потрага по 16-годишното девојче од селото Уланици, Градско, кое вчера беше...
Влегол на Онкологија и крадел од пациентите – притвор за 60-годишник
Скопското Обвинителство поведе постапка против 60-годишник осомничен за тешка кражба. Кражбата ја извршил на Клиниката за радиотерапија и онкологија, каде...
Мицкоски: Ќе ме прогласат за конзервативен, но за мене создавањето семејство е патриотизам, следната година ќе има поробусна акција од сегашната
Уште поробусна акција за подобрување на демографската слика на земјава најави премиерот Христијан Мицкоски за следната година во споредба се...
Со 130 илјади евра ќе се спасува инвестицијата на Калето од 4,6 милиони евра: од 2026 музеите ќе бидат пуштени во употреба
Стотина сезонски работници од општините Кисела Вода, Бутел, Ѓорче Петров, Аеродром и Гази Баба утрово ја искосија тревата и ги...
55-годишен скопјанец пронајден починат во водите на Охридското Езеро
Вчера во 12.15 часот во ОВР Струга било пријавено дека во водите на Охридското езеро на струшкото крајбрежје било забележано...
Коцевски ги отфрла наводите во интерпелацијата: Функцијата ја вршам чесно и одговорно
Функцијата ја вршам чесно и одговорно, со максимално почитување на начелата на транспарентност и отчетност, одговори јавниот обвинител Љупчо Коцевски...
Претседателката на антикорупциската, Татјана Димитровска, поднесе оставка
Кабинетот на претседателот на Собранието информира дека претседателката на Државната комисија за спречување на корупцијата (ДКСК), Татјана Димитровска, денес до...
Продолжува пoтрагата по 16-годишното девојче, кое потона во реката Вардар
Центарот за управување со кризи извести дека од рано изутрината на самото место се ангажирани припадници на МВР, специјалната единица...
(Фото) Канабис, луксузна облека и цигари запленети на граничните премини – спречен влез на мигранти
Царинските службеници на граничните премини и мобилните царински тимови при Секторот за контрола и истраги во текот на изминатите денови...
