Македонија
Оперативниот план за вработување за 2025 година зголемен за 7,5 милиони евра, велат од Владата
„2,5 милијарди денари или 40 милиони евра изнесува Оперативниот план за вработување за 2025 година кој опфаќа над 16.000 граѓани. Споредбено со минатата 2024 година, оваа Владата го зголеми истиот за рекордни 7,5 милиони евра“, велат од Владата.
„Со Оперативниот план фокус се става на младите и невработените лица со што како Влада покажуваме дека наш врвен приоритет е намалување на невработеноста преку креирање и отворање на нови работни места за граѓаните.
Оперативниот план опфаќа три категории и тоа, млади лица коишто сакаме преку овие мерки да ги задржиме во државата, невработени лица и лица корисници на гарантирана минимална помош со што сакаме да го подобриме нивниот животен стандард.
Исто така Оперативниот план за вработување оваа година за првпат има таргетирани мерки за поддршка на младите, односно поддршка за самовработување оваа година е проширена со две нови поддмерки и тоа:
Мерка-Поддршка за самовработување се однесува на невработени лица со минимум основно образование, односно невработените лица да започнат сопствен бизнис. Висината на финансиската поддршка за оваа мерка изнесува 7.000 евра неповратни средства за започнување на бизнис.
Висината на подмерката поддршка за самовработување на млади невработени лица до 29 години изнесува 10.000 евра, односно тоа се неповратни средства за основање на сопствен бизнис.
Новина во овој оперативен план е исто така и подмерката е поддршка за самовработување со здружување на корисници до две лица да основаат бизнис. Висината на финансиска поддршка изнесува од 14.000 до 20.000 евра односно средствата од 20.000 евра се однесуваат за содружници кои се до 29 години.
Единствен предуслов кај сите мерките е невработените лица да бидат евидентирани како активни баратели на работа во центрите за вработување низ државата.
Нашиот приоритет е да ги стимулираме младите да го развиваат својот претприемачки дух, како и да продолжат да ја градат иднина во сопствената држава.
Остануваме посветени кон носење на мерки и проекти кои значат поквалитетен и подобар животен стандард за сите граѓани“, се наведува во соопштението на Владата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Дел од Сопиште денеска без струја
Од ЕВН Македонија АД известуваат дека поради зафати во електродистрибутивната мрежа, денеска без електрична енергија ќе останат:
· од 09:00 до 14:00 часот, корисниците од дел од село Долно Соње, од продавнивницата кон село Чифлик, општина Сопиште.
Македонија
Поради снег забранет сообраќај за камиони на патниот правец Струга – Граничен премин Ќафасан
Од 05.15 часот поради врнежи од снег се воведува забрана за сообраќај за тешки товарни возила на патниот правец Струга – Граничен премин Ќафасан, извести АМСМ.
Поради протест на грчките земјоделци, од денес (08.01.2026) со почеток во 10:00 часот на ГП Ники (ГП Меџитлија) ќе има забрана за движење на товарни возила во наредните 48 часа заклучно со 10.01.2026 во 10:00 часот. Сообраќајот за патнички моторни возила ќе се одвива со нормален тек.
Сообраќајот на државните патишта се одвива во зимски услови,по влажни коловози.
Врнежи од снег со променлив интензитет се бележат во Куманово, Страцин, Крушево, Железнец, како и на планинските превои Стража, Буково, Ѓавато и Пресека, но во моментов не преставуваат пречка за одвивање на сообраќајот.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Продор на постуден воздух, температурите ќе бидат во опаѓање
Поради продор на постуден воздух и засилен северен ветер денеска врнежите ќе преминуваат во снег на повисоките и во некои од пониските места. На планините во западните делови ќе се формира нова снежна покривка, а помала покривка се очекува и во пониските места. Минималната температура ќе биде во интервал од -2 до 5, а максималната ќе достигне од 0 до 10 степени.
Во Скопје, променливо облачно со повремен дожд, особено кон крајот на денот и во текот на ноќта. Ќе дува умерен ветер од северен правец. Минималната температура ќе се спушти до 1, а максималната ќе достигне до 5 степени.
Времето во наредните денови
Под влијание на циклонска активност во следните денови времето ќе биде променливо облачно со повремени врнежи од дожд, а на планините од снег. Поради продор на постуден воздух и засилен северен ветер денеска врнежите ќе преминуваат во снег на повисоките и во некои од пониските места.
На планините во западните делови ќе се формира нова снежна покривка, а помала покривка се очекува и во пониските места. Во петок ќе има преодно стабилизирање на времето, а во деновите од викендот, особено во сабота повторно ќе има локални врнежи од дожд и снег, кои наместа ќе бидат пообилни. Температурата ќе биде во опаѓање.

