Забава
Дали водата пред јадење навистина помага во слабеењето?

Ако некогаш сте се обиделе да ослабите, веројатно сте го слушнале познатиот совет: „Испијте чаша вода пред оброк, на тој начин ќе јадете помалку“.
На прв поглед звучи логично – водата може делумно да го наполни желудникот, да создаде чувство на ситост и на тој начин да ни помогне да јадеме помалку храна. Но, дали е навистина ефикасна или е уште еден популарен мит?
Според д-р Роберт Х. Шмерлинг, професор на Медицинскиот факултет „Харвард“, иако тврдењето има смисла, научните докази се мешани – и најчесто се ограничени на мали краткорочни студии.
1. „Ако се чувствуваме сити, ќе јадеме помалку“
Да, водата може привремено да го прошири нашиот желудник и да испрати сигнал до нашиот мозок да го забави јадењето. Но, тоа не се претвора автоматски во губење на тежината. Според д-р Шмерлинг, „Водата пред оброк нема да ве натера да ослабите, но може да ви помогне да јадете повнимателно и да не се прејадувате. Можеби ќе седнете на масата веќе делумно сити“.
Дополнително, експертите за долговечност советуваат дека е подобро да се пие вода пред или по оброците, а не за време – за да не се разредат дигестивните ензими.
Забавен факт: Една студија покажа дека постарите испитаници, кои пиеле вода пред оброците, примале помалку калории. Други истражувања покажуваат дека луѓето на нискокалорична диета изгубиле повеќе тежина со вода пред оброците отколку без неа, но овие студии биле краткотрајни.
2. „Пиењето вода согорува калории“
Идејата е следна: кога пиеме ладна вода, телото мора да ја загрее до телесната температура – и за тоа користи енергија. Овој процес се нарекува термогенеза.
За жал, иако некои истражувања претходно го потврдија ова, поновите студии не пронајдоа силни докази дека водата (дури и ладната вода) значително го зголемува согорувањето калории. Значи, не, нема да ослабите само со пиење вода и лежење на каучот.
3. „Не сте гладни – жедни сте“
Оваа популарна теорија, особено на „Тик-ток“, тврди дека често ја мешаме жедта со глад. Наместо да посегнеме по ужина, можеби првин треба да испиеме чаша вода.
Сепак, како што вели д-р Шмерлинг: „Регулирањето на гладот и жедта е многу сложено и се менува со возраста. Кај постарите луѓе чувството за жед слабее, но нема убедливи докази дека луѓето често ги мешаат гладот и жедта“.
Значи, оваа теорија е повеќе симпатична идеја отколку научно докажан факт.
Заклучок
Да – водата може да помогне во губењето на тежината, но не како чудотворно решение. Ефектите се скромни и неодржливи ако не се комбинираат со здрава исхрана и физичка активност.
Како што заклучува д-р Шмерлинг: „Ако мислите дека пиењето вода пред оброците ви помага – слободно. Нема многу ризик, освен ако не се обидувате да се натерате да пиете кога не сте жедни“.
Нутриционистот д-р Монтсе Прадос додава уште една важна поента: Водата бргу се исфрла од желудникот и не го активира варењето на ист начин како храната, па затоа ефектот на ситост трае помалку отколку што мислат многу луѓе.
Во три реченици:
Водата пред оброците може малку да го намали апетитот, но не е гаранција за губење на тежината.
Не согорува значително калории, ниту ги менува вашите желби за храна.
Сепак, умереното внесување вода е здраво и корисено, само не очекувајте чуда.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Три хороскопски знаци излегуваат од сите долгови до 5 ноември

Според професионалниот астролог Керол Стар, три хороскопски знаци наскоро би можеле да излезат од своите финансиски проблеми, бидејќи Венера, планетата на парите, останува во својот омилен знак до 5 ноември.
Сепак, како што нагласува Стар, промените нема да дојдат сами по себе. Финансиското подобрување е можно само ако овие знаци вложат труд и ги разбијат шемите што ги држат заглавени.
Бик
Биковите се познати по својата стабилност и не сакаат ненадејни промени, особено кога станува збор за пари. Иако често се сметаат за финансиски сигурни, 2025 година не беше лесна година за нив. Без разлика дали станува збор за пад во кариерата, зголемување на трошоците или општа стагнација, многу Бикови го чувствуваат притисокот.
Стар советува да престанете да бидете самозадоволни и да барате нови решенија. Ова може да значи прекинување на врската што ве исцрпува или подобро организирање на вашите лични финансии. Клучот е да преземете мали, но решителни чекори што можат да направат голема разлика.
Јарец
Јарците се меѓу најдисциплинираните знаци на Зодијакот кога станува збор за пари. Тие ретко трошат импулсивно и често размислуваат неколку чекори однапред. Сепак, токму оваа претпазливост може да биде пречка за нив сега. Според Керол Стар, Јарците во моментов трошат премалку и не инвестираат мудро.
Понекогаш е потребно да трошите пари за да профитирате на долг рок. Ако инвестирањето во акции не ви звучи привлечно, размислете за инвестирање во вашето знаење, здравје или личен развој. Ова може да ви донесе задоволство, но и поголема заработка во иднина.
Лав
Лавовите сакаат да уживаат и честопати сакаат да си се препуштат, но токму во тоа лежи проблемот. Во последно време сте биле премногу опуштени кога станува збор за трошење. Пакетите се натрупуваат, а картичката се користи без многу размислување. Иако повременото препуштање не е лошо, рамнотежата е клучот за долгорочно финансиско здравје.
Керол Стар ве советува да почнете да ги следите вашите трошоци и подобро да ги распределувате вашите приходи. Ако сакате да ја завршите оваа година финансиски посилни, започнете сега. Ограничете ги импулсивните купувања и бидете искрени со себе за тоа што навистина ви треба.
фото: принтскрин
Забава
Без триење или хемикалии: неколку едноставни трикови за чистење изгорена тава

Отстранувањето на тврдокорни дамки и остатоци од храна може да биде вистински предизвик. Сепак, не мора веднаш да се откажете од вашата омилена тава, бидејќи со неколку докажани состојки, можете да ја зачувате.
Една од најчесто користените состојки за оваа работа е сода бикарбона. Сè што треба да направите е да го посипете дното на тавата со сода бикарбона, да додадете малку вода и да ја оставите да отстои, а потоа да ја исчистите како и обично.
Содата бикарбона помага во отстранувањето на изгорените наслаги, а е добра и во борбата против непријатните мириси.
Оставете кесичка црн чај да отстои во тава со топла вода околу 15 минути. Танините во чајот помагаат да се омекнат изгорените наслаги. Потоа нежно истријте ја тавата со сунѓер или мека четка.
Овој природен трик е едноставен и ефикасен.
Посипете го дното на тавата со крупна сол и додадете малку билно масло. Истријте ја површината со крпа или сунѓер. Солта делува како природен абразив за отстранување на бигор, додека маслото помага во разградувањето на маснотиите. По чистењето, измијте ја тавата со топла вода и сапун.
Овие едноставни трикови ќе ви обезбедат тавата повторно да сјае без употреба на груби хемикалии или триење што одзема многу време.
фото: принтскрин
Забава
(Фото) Од секси долна облека во елегантен фустан: Ирина Шајк ги засени сите во своето најубаво издание

Познатата Ирина Шајк е една од супермоделите што неодамна блеснаа на годишната ревија на „Викторија сикрет“, а ниту овој пат не разочара. Освен што е една од најбараните модели, таа ја носи и титулата една од најголемите модни икони на денешницата.
Покрај тоа што ги импресионира сите на пистата, таа шармира со својот моден избор на забавата по „Викторија сикрет фешн шоу 2025“, организирана во познат клуб во Њујорк.
View this post on Instagram
Ирина се пресоблече од својата секси долна облека во елегантен фустан, кој совршено ѝ прилегаше на фигурата. Фустанот, изработен од сатен во шампањ боја, нежно паѓаше сè до подот, а е уште позаводлив поради фактот што Ирина не носеше градник.
Минималистичкиот фустан е вистинско освежување за Ирина Шајк и совршено одговара за оваа или слична пригода. Го комбинира со сребрени сандали со ремчиња и ефектни метални белезици и прстени.
Интересно е што немаше лак за нокти докажувајќи уште еднаш дека го сака природниот изглед.
Покрај тоа, таа избра потемна шминка и соодветна фризура – нејзината „мокра“ коса даваше впечаток на опуштеност и го врамуваше нејзиното лице, а целата комбинација дополнително ја збогати со бела чанта преку рамото.
Со овој моден избор Ирина Шајк уште еднаш докажа дека едноставноста е, всушност, најубавиот украс.
фото: принтскрин