Македонија
Арсовска достави 20 нови предмети до Обвинителството за дивоградби во Чаир

Градоначалничката на Град Скопје, Данела Арсовска, до обвинителството поднесе нови предмети во врска со градби во Чаир.
„Новите 20 предмети подготвени и испорачани до обвинителство. За појаснување како одел процесот:
1. Си почнуваат газда Вики и газда Ики да си градат нова НЕБЕЗБЕДНА зграда.
2. За да заштедат на проекти, документации, безбедност и комуналии си вадат од бројчињата за легализации до 2011 што си ги имаат во општина Чаир .
3. Иако законот за легализација не важи за цели згради, си наоѓаат неколку лица на чие име ќе ги запишат зградите.
4. Со парите и моќта која ја имаат со години, не внимавале многу на како и на кого ќе запишуваат дека градел
5. Лицата на кои им легализирале денес се полнолетни, но на барањата и изјавите кои ги терале да ги потпишат во општина под фалц бројчиња, стои дека ги “доставиле” во 2011 година, кога имале 5,6 или 10 години (очигледен фалсификат)
6. Во нив стои и дека децава граделе до 2010 година, за што ИТНО треба да се провери од каде демес, а богами и во 2010 година овие деца имале милиони
7. Резимето е дека сите овие лица како Бујар, Беким, Јасин, Севда, Адис и сите останати се употребени или злоупотребени во постапки за легализација, бидејќи е јасно дека немале ни деловна способност на 5 години, ни пари да градат згради
Сите овие лица се сведоци на кои им овозможил некој од општина Чаир со фалсификат да го запишат на нивно име.
Посебен предмет има отворено во Основното јавно обвинителство за фалсификување на архивската книга за легализации, од каде ќе се утврди дека овие деца не поднеле барања во 2011 година!“, напиша Арсовска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Меџити го претстави новото кошаркарско игралиште во Гази Баба: Инвестиција за младите и енергијата на спортот

Кандидатот на коалицијата „Влен“ за градоначалник на Општина Чаир, Изет Меџити, го претстави новоизграденото кошаркарско игралиште во населбата Гази Баба, оценувајќи го овој проект како конкретен чекор за развој на младите и поттикнување на спортските активности во заедницата.
„Новото кошаркарско игралиште што штотуку го изградивме ќе биде место каде што нашите деца ќе растат во духот на натпревар, тимска работа и успех. Секој постигнат кош е чекор кон самодоверба, кон соништата што започнуваат од нашите улички и водат кон големите арени,“ истакна Меџити.
Тој потенцираше дека преку овие инвестиции во спортска инфраструктура се создаваат простории кои им даваат живот на населбите и го зајакнуваат чувството на заедништво.
„Ние веруваме во младите на Гази Баба. Затоа инвестираме во спортска инфраструктура, во простории кои внесуваат живот во нашите маала, во проекти кои ја прават населбата посилна и поубава. Ова е Гази Баба – активна, жива, со позитивна енергија и со визија за иднината. Ова е нашата политика: да градиме, да развиваме и да им овозможиме на сите деца да растат со достоинство и страст. Кошаркарското игралиште е само почеток. Големата победа е онаа на Чаир,“ потенцираше кандидатот на ВЛЕН, Изет Меџити.
Македонија
Костовски: Нов модерен затворен базен во Бутел

Актуелниот градоначалник на Бутел и кандидат на локалните избори од ВМРО-ДПМНЕ, Дарко Костовски им најави на граѓаните на Општината дека ќе добијат уште еден затворен базен во Бутел 1.
„Покрај затворениот базен кој се гради во дворот на ООУ „Ацо Шопов”, уште еден ќе се изради во дворот на ООУ „Св. Климент Охридски”.
Овој објект ќе биде симбол на она што претставува здрав живот за нашите деца.
Од моментот кога станав градоначалник на општина Бутел ветив дека грижата за нашите деца ќе биде мојот фокус.
На мое задоволство, покажавме дека со ефикасна работа и јасна визија можеме да го забрзаме развојот на спортската инфраструктура во нашата општина.
Пливањето како спорт има огромно значење за здравјето и развојот на младите генерации.
Со ова овозможуваме не само услови за развој на спортски таленти, туку и простор за рекреација и здрав живот за сите жители на општината.
Со силна динамика и посветеност ќе продолжиме да ги создаваме потребните услови за подобар живот и развој на граѓаните на општина Бутел“, вели Костовски.
Македонија
Филипче: Најновите економски податоци се алармантни, денеска ќе ги објавам за граѓаните да ја знаат вистината

Претседателот на СДСМ, д-р Венко Филипче, во објава на социјалните мрежи најави дека на прес-конференција во 12 часот ќе ги објави најновите економски индикатори кои, како што вели, не се само загрижувачки, туку навистина алармантни.
„Денес ги добив најновите економски индикатори – и тие не се само загрижувачки, туку навистина алармантни. На денешната прес-конференција во 12:00 часот ќе ги објавам, граѓаните да ја знаат вистинската состојба со економијата. Бројките се фрапантни и јасно укажуваат на сериозни ризици за буџетот и економската стабилност на државата“, стои во објавата на претседателот Филипче.