Обвинителството побара притвор за 57-годишниот маж кој предизвика пожар во Ѓорче Петров.

Основното јавно обвинителство Скопје поведе постапка против едно лице за кривично дело – Предизвикување општа опасност, бидејќи намерно иницирал пожар со кој предизвикал значителна опасност за животот и телото на луѓето и за имотот од големи размери.

Синоќа, на улицата „Ѓорче Петров”, осомничениот 57-годишник со запалена хартија од табла за јајца потпалил сува трева. Со настанатиот пожар биле зафатени и изгорени околу 200 м2 тревна површина, а постоела реална опасност огнот да излезе од контрола и да зафати неограничен круг објекти во населено подрачје.

Имајќи ја предвид заканата и тежината на кривичното дело за кое е предвидена затворска казна до пет години, јавниот обвинител оцени дека постои ризик осомничениот да се даде во бегство за да го избегне кривичниот прогон, па до Судот достави предлог за определување мерка притвор.

Автомобил удри во велосипедист на булеварот „Крсте Мисирков“ кај Бит Пазар.

Според очевидци, велосипедистот е повреден, а на асфалтот имало траги од крв.

Повеќе информации се очекуваат во текот на денот.

Маж од Гостивар пријавил во полиција дека 72-годишен старец ја допирал неговата 12-годишна ќерка.

Според информациите на МВР,  вчера во 15 часот полициски службеници од ОВР Гостивар го  лишиле од слобода А.Д.(72) од с.Чегране, гостиварско, постапувајќи по пријава од 34-годишен маж од Гостивар дека А.Д. во подрумска просторија на зграда во Гостивар извршил обљуба врз 12-годишната ќерка на пријавителот, односно ја допирал по телото и и ветил дека ќе и даде пари за да не му каже на родителот.

А.Д. е задржан во полициска станица, известен се јавен обвинител и Центарот за  социјални работи Гостивар и по документирање на случајот ќе му биде изготвен соодветен поднесок.