Забава
(Фото/Видео) Џеј Ло се колне во оваа вежба: тоа е причината зошто има совршено тело

Џенифер Лопез повеќе пати зборуваше за странските медиуми за нејзината врска со спортот, како и за вежбите што ги практикува за да ја одржи својата завидна фигура.
Таа ретко ги прескокнува своите тренинзи, а тоа во една прилика го потврди и нејзиниот личен тренер Трејси Андерсон.
„Мислам дека постои позитивна врска помеѓу менталното здравје и вежбањето. Знаете, ние природно се движиме кон тоа да бидеме најдобрата верзија од себе. Вежбањето е избор што го правам секој ден и чувствувам дека станувам најдобрата верзија од себе“, изјави таа еднаш за „Ју-ес Викли“.
Што се однесува до самиот тренинг, латино дивата ужива во различни спортови – кикбокс, но и тренинг за сила. Во таа прилика, таа ја откри и својата омилена вежба, а тоа е бурпи (burpee).
Оваа вежба е многу популарна бидејќи ги вклучува сите мускулни групи, ви овозможува да согорите максимален број калории и во исто време ја зголемува издржливоста.
Како да направите бурпи?
Чекор 1: Свиткајте ги колената, како да ќе правите клекнување, и ставете ги дланките на подот во ниво на рамената.
Повлечете ги нозете назад за да бидат исправени. Не ги удирајте рацете во подот кога „слетувате“, туку обидете се да го направите тоа што е можно понежно. Слетувањето со преголем удар со дланките на подот може да ги оптовари вашите зглобови, лактите и рамената.
Чекор 2: Стиснете го глутеусот и држете го вратот во неутрална положба додека го спуштате телото на подот. По неколку повторувања, кога ќе почнете да се заморувате, можеби ќе сакате да почнете да ги спуштате колковите на подот пред остатокот од телото.
Ова може да предизвика оптоварување на долниот дел од грбот, затоа обидете се целото тело да го држите во права линија додека се спуштате на подот.
Чекор 3: Држете го телото исправено. Избегнувајте прво да ги кревате градите и да ги оставате колковите да се потпираат на подот. Ова создава преголем лак во долниот дел од грбот, што може да доведе до повреда и болки во грбот.
Скокнете напред во клекнување, со стапалата малку пошироки од ширината на колковите. Од оваа положба, скокнете нагоре, со рацете кренати кон таванот и плескајте со рацете. Свиткајте ги колената малку додека слетувате за да ги заштитите колената и глуждовите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Адел во ретко појавување во јавност, обожавателите зборуваат за нејзината витка фигура

Британската музичка ѕвезда Адел беше фотографирана во Остин, Тексас, на Големата награда на Соединетите Американски Држави, што е едно од нејзините ретки јавни појавувања откако ја заврши серијата настапи во Лас Вегас.
Познатата 37-годишна пејачка беше видена во боксот на тимот на Мерцедес АМГ Формула 1 додека ја обиколуваше нивната гаража. Во таа прилика, таа беше фотографирана со возачите на Мерцедес, Џорџ Расел и Кими Антонели.
Со оглед на тоа што ретко се појавува во јавноста и нема многу неодамнешни фотографии од неа, пејачката ги изненади фановите со својот изглед – таа видливо ослабе, а црната комбинација што ја избра за овој настан дополнително ја нагласи нејзината нова фигура.
Пејачката се повлече од јавноста откако го изведе својот последен настап од нејзината двегодишна резиденција во Цезарс Палас во ноември 2024 година. Оттогаш успешно се држи подалеку од медиумското внимание.
Минатиот август, повеќекратната добитничка на Греми објави дека прави пауза од музичката индустрија.
„Нема да ве видам долго време“, и рече таа на публиката на концерт во Минхен. „Само ми треба пауза, ги поминав последните седум години градејќи нов живот за себе и сакам да го живеам сега.“
Пејачката, родена како Адел Адкинс, е верена со Рич Пол, спортски агент и извршен директор кој, меѓу другите, ја претставува и НБА легендата Леброн Џејмс.
Се чини дека посетата на познатата пејачка не донесе среќа за тимот на Мерцедес. Џорџ Расел ја заврши трката на шестото место, иако стартуваше од четвртото место. Во меѓувреме, неговиот соиграч Антонели падна од 7-мо на 13-то место и изгуби поени.
Забава
(Фото) Што и да облече, едно е сигурно – шпанската убавица секогаш ќе изгледа како вистинска дама

Актерката Пенелопе Круз неодамна присуствуваше на гала во Лос Анџелес. За вечерниот настан таа одлучи да облече навидум едноставна креација, која зрачи со чиста елеганција.
Шпанската убавица избра фустан во валкано бела боја, кој ги прегрна сите нејзини облини и беше украсен со интересни детали.
Покрај тоа, деколтето, кое ги истакнуваше нејзините гради, беше многу забележливо, а не треба да ја заборавиме и блескавата насмевка што ја покажуваше цело време за време на фотосесијата.
За да го комплетира својот изглед, таа се одлучи за малку свиткани прамни коса, како и шминка во природни тонови, кои совршено ги истакнуваа нејзините црти на лицето.
фото: принтскрин
Забава
(Фото) Омилената џебна Венера избра гламурозен фустан за големиот настан: за некои обожаватели беше целосно промашување

Актерката и режисерка Ева Лонгорија блесна на гала вечер во Лос Анџелес. За таа пригода, таа избра гламурозен фустан кој ја следи линијата на нејзиното тело и ги истакнува сите нејзини луксузни атрибути.
Креацијата е украсена со розов материјал со светки, но и длабоко деколте со облик во срце што ги нагласува градите. Зад овој „Барби“ фустан стои познатиот либански дизајнер Ели Сааб, а омилената џебна Венера со задоволство го носеше за посебната вечер.
И додека модните критичари пишуваат пофалби за оваа убавица, јавноста на социјалните мрежи не е премногу задоволна од нејзиниот стил, пишува порталот „The Blast“.
„Фустанот беше дизајниран за високи жени. Мораше да се измени за да им одговара на пониските. Секако, фустанот е прекрасен“, „Едвај ги собра градите во тој корсет“, се само некои коментари.
Сепак, имаше и такви кои напишаа само убави зборови.
„Фустанот е прекрасен, исто како Ева“, „Го обожавам нејзиниот стил“, пишуваат фановите.
За да го надополни својот аутфит, актерката носеше фризура стилизирана во ретро стил, но и впечатлива шминка во темни тонови.
Од накит, таа носеше дијамантски ѓердан кој совршено го заокружи овој гламурозен изглед.
фото: принтскрин