Македонија
ВМРО-ДПМНЕ: Бугарија има јасна агенда за бришење на јазикот и идентитетот
Бугарија е разобличена пред Европа и светот, се потврди уште една неправда кон Македонија дека не станува збор за Бугарите во Уставот туку за идентитетот и македонскиот јазик, велат од ВМРО-ДПМНЕ преку соопштение.
„Лагите на Заев дека ”само уште името да го смениме и ќе влеземе во ЕУ” како и уверувањата на Османи и Ковачевски дека ”само уште Бугарите да ги внесеме во Устав и ќе влеземе во ЕУ” потонаа во вода, се потврди тоа што ВМРО-ДПМНЕ го зборуваше постојано дека проблемот е поголем и се работи за идентитетот и јазикот.
Политиките на Заев и Филипче на ,, еден народ, две држави” и ,,Делчев е Бугарин” сега го земаа својот данок.
Бугарија е разобличена пред Европа и светот, на виделина излезе вистината за она што ВМРО-ДПМНЕ го тврдеше изминатите години, дека не се работи само за вметнување на бугарското малцинство во Уставот туку се работи за македонскиот јазик и идентитетот на македонскиот народ.
Европскиот парламент го усвои Извештајот за Македонија, но го избриша од него македонскиот идентитет и јазик. Целиот свет виде за македонските неправди и во тоа 21 век. Македонија од 90тите до денес на патот кон ЕУ, направи многу отстапки, многу промени и претрпи многу понижувања.
Дополнително, огромен придонес во понижувањата кон Македонија и македонскиот народ низ нашата историја имаат и домашните квислинзи, корумпирани политичари и неодговорни лидери кои поради лукративни цели воопшто не водеа сметка за долгорочните цели и националните интереси на Македонија.
Бугарите конечно се разголени и изнесени на чистина дека не се работи за техникалии и бугарското малцинство во Уставот туку за суштината. За тоа знаеја и Бујар и Ковачевски и Заев, Филипче ,Маричиќ и сите останати кои сега се соочени со тоа.
Заев, Ковачевски, Османи и останатите и покрај тоа што знаеја за позадината на овие барања, прифатија се што им се стави на маса, само за ден подолго на власт а со тоа и дадоа инструмент во рацете на Бугарија за блокада и вето кон ЕУ интеграциите.
Заев, Османи, Ковачевски знаеја дека активностите и дејствијата на Бугарија се со јасна агенда и план да ја уништат Македонија.
Она што е важно е што ќе остане запишано во историјата за прв пат во независна Македонија, дека европскиот извештај со македонски идентитет и македонски јазик помина на АФЕТ, на комитетот за надворешна политика при европскиот парламент и пред да се донесе оној срамен амандман, се најде на масата на сите европратеници коишто гласаа во рамките на Европскиот парламент.
ВМРО-ДПМНЕ нема да дозволи нови предавства и отстапки од македонските национални интереси. Неопходно е национално единство по клучните прашања за државата вклучувајќи ги сите политички актери и општествени чинители“, се вели во партиското соопштение.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ДИК: Излезноста до 15 часот изнесува 18,18 отсто
Државната изборна комисија соопшти дека до 15:00 часот, на повторените избори за градоначалник во општините Врапчиште, Гостивар, Центар Жупа и Маврово и Ростуше, гласале вкупно 23.298 гласачи, што претставува 18,18 отсто од вкупно запишаните 128.286 гласачи.
По општини:
– Врапчиште – 21,01%
– Гостивар – 17,85%
– Центар Жупа – 10,99%
– Маврово и Ростуше – 18,60%
Гласањето се спроведува на 215 избирачки места.
Македонија
(Видео) МВР: Гласањето се одвива мирно, без нарушувања на јавниот ред и мир
Локалните избори кои се одржуваат во дел од општините на подрачје на СВР Тетово, односно ОВР Гостивар и СВР Охрид се одвиваат во мирна, фер и демократска атмосфера, информира Министерството за внатрешни работи.
„МВР презема мерки и активности во рамки на своите надлежности со цел непречено и безбедно спроведување на изборниот процес. До сега не се регистрирани инциденти или било какви нарушувања на јавниот ред и мир. МВР апелира до сите граѓани и до политичките партии, да придонесат за мирна и демократска атмосфера. Доколку има било какво нарушување на изборниот процес граѓаните да пријават во најблиската полициска станица или на телефонските броеви 192 или 112“, се наведува во објавата на ФБ.
Македонија
(Видео) ДИК: До 13 часот излезноста е 8,90 отсто, едно избирачко место воопшто не е отворено
До 13:00 часот на повторените локални избори гласале 11.217 лица или 8,90 отсто, соопшти Државната изборна комисија.
По општини:
– Врапчиште – 9,58 %
– Гостивар – 8,74 %
– Маврово – Ростуше – 10,03 %
– Центар Жупа – 6,61 %
Портпаролката на ДИК, Радица Тодоровска Алексовска, кажа дека гласањето на сите избирачки места се одвива непречено, освен на избирачкото место 0782 во Ќафа кое се уште не е отворено.

