Владата соопшти дека рокот за пријавување на јавниот повик за ангажирање 400 пожарникари низ државата е продолжен до 23 јули (среда), поради силниот интерес и позитивниот одзив на граѓаните.

Одлуката е донесена со цел да се овозможи на што поголем број заинтересирани лица да аплицираат, како дел од мерките за засилување на системот за заштита и спасување во пресрет на сезоната на пожари.

Оваа мерка е дел од Планот за вработување 2025 и претставува прво масовно ангажирање пожарникари по повеќе од една деценија. Повикот е отворен за сите квалификувани лица, а сите информации се достапни на веб-страниците на општините.

Лицата кои ќе бидат ангажирани, ќе добијат месечен паричен надомест од 24.000 денари, по што постои можност за професионално ангажирање на најдобрите. Единствен документ што им треба да пријавување е потврда од матичен лекар дека се здрави, а треба да ја достават во локалните центри за вработување.