Забава
Продукти што природно ги избелуваат забите
Блескава насмевка, која ќе ги воодушеви оние околу вас со снежно бели заби, е нешто по кое сите копнееме.
Според некои податоци, речиси секој втор човек не е задоволен од бојата на своите заби, без разлика дали се природно малку потемни или со жолтеникави нијанси или, пак, станале такви со возраста.
А оние заби што некогаш биле навистина убави природно бели, со возраста стануваат жолти, потемнуваат или развиваат дамки. Делумно ова се должи на абењето на емајлот, а дел од чадот од цигарите и од некои прдукти кои може да ги обојат забите.
Мени за избелување
Веројатно, секој барем еднаш во животот пробал паста за заби, гел, вода за уста, маска за заби или некој друг производ за избелување на заби од типот направи сам. Многумина, кои може да си го дозволат тоа, се подложуваат на третмани за избелување кај стоматолог. Но, малкумина знаат дека првиот чекор кон блескава насмевка се прави на маса, со избирање храна што влијае како природно средство за избелување.
Брокула и карфиол
Кога се јадат свежи како салата, нивната груба површина помага во чистењето на забите и непцата. Колку подолго ги џвакате, толку повеќе плунка се лачи, што го подобрува ефектот на избелување.
Јагоди
Нивната киселина помага во разградувањето на дамките на површината на глеѓта. За да го подобрите ефектот на избелување, можете да измешате пире од јагоди со малку сода бикарбона и да ја истриете добиената смеса со четка за заби околу една минута. Потоа исплакнете со млака вода.
Сирење и јогурт
Со стимулирање на лачењето плунка млечните производи имаат ефект на избелување сличен на оној на брокулата. Покрај тоа, млечната киселина помага во разградувањето на површинските дамки на глеѓта.
Семки и суво овошје
Благодарение на нивната абразивна конзистенција, тие дејствуваат како природен ексфолијант за заби отстранувајќи плак и дамки.
Ананас
Покрај намалувањето на воспалението, ензимот бромелаин присутен во ова овошје помага во уништувањето на протеините, кои, кога се таложат на глеѓта, ги прават забите жолтеникави.
Кромид
Сулфурните соединенија спречуваат формирање плак на забите, но и меѓу нив. Трикот е да го јадете свеж.
Целер и моркови
Високата содржина на вода ги зајакнува непцата и помага во отстранувањето на остатоците од храна, а крцкавата текстура дејтсвува како природен ексфолијант.
Јаболка
Со неутрализирање на бактериите што предизвикуваат плак и лош здив јаболката ги зајакнуваат непцата и ги отстрануваат сите дамки.
Продукти што треба да се избегнуваат
Секако, постојат продукти што го прават токму спротивното од она што го сакате, како што се чајот и кафето, црвеното вино, газираните пијалаци, соковите од темно овошје, капините и малините, оцетот балсамико и темните сосови, како соја-сос или доматен сос. Затоа не користете ги секој ден, а кога ќе го направите тоа, веднаш потоа измијте ги забите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Видео) Сè е широко на неа, а таа е толку „проклето секси“
Џенифер Лопез повторно нè почасти со совршен стајлинг и покажа дека може да биде многу секси, особено по жешката најава за тоа што следи. На гала вечерта на „The Hollywood Reporter’s Women 2025“ во Беверли Хилс, таа носеше облека во најпопуларната боја на сезоната – чоколадна.
За оваа посебна пригода, познатата Џеј Ло носеше монохроматска облека со лабав крој и не го истакнуваше струкот, ниту ги откриваше совршените стомачни мускули, а сепак беше „толку проклето секси“, како што многумина коментираа за ова нејзино појавување – со и без очила за сонце.
Немаше апсолутно ништо на себе под преголемото сако, па со добра причина сите се загледаа во нејзиното деколте, кое малку ѝ остави простор на имагинацијата.
Have u ever seen anything or anybody more beautiful than this woman ?!
Course not u haven't.
Because there simply isn't. #JenniferLopez #JLo #Oscars2026 #KOTSW #KissOfTheSpiderWoman https://t.co/b7cLHjjAmj— 🎼🎶KOTSW…🎵 ✨️ (@alister_369) December 4, 2025
Ја искомбинираше со миди здолниште кое паѓаше лежерно без да ја нагласи фигурата на една од најубавите и најстилските жени, а целата комбинација ја зачини со женствени детали – лабава коса, ефектни ѓердани околу вратот, слични на некогаш мегапопуларниот чокер, и соодветна шминка.
Пејачката, актерката и танчерката се одлучија и за кафеава кожна чанта и лак за нокти во иста боја, а монохроматската комбинација ја разби со беж чевли.
Забава
(Фото) Раскошните облини на свршеницата на Роналдо се вистински рај за очите: „Тој е среќен човек“
Георгина Родригез, свршеницата на Кристијано Роналдо, е активен член на социјалните мрежи, каде што редовно објавува фотографии од својот приватен живот.
На нејзиниот Инстаграм профил често можеме да видиме фотографии од атрактивни и донекаде провокативни облеки, но таа секогаш наоѓа време да објави компилација од семејни фотографии.
Таков беше случајот и овој пат кога ги извести своите бројни обожаватели дека е на одмор со своите деца и сопругот.
Георгина уживаше во сончевите денови и семејните моменти, но насловната фотографија од оваа објава привлече најголемо внимание.
Токму нејзините раскошни облини беа во преден план, бидејќи одлучи да облече танга бикини.
Таа напиша и трогателна порака со објавата: „Јас живеам живот, сонувам соништа и сум вечно благодарна на Бога, чија љубов ме води, одржува и инспирира“, напиша таа, а потоа започна лавина од коментари.
„Кристијано е среќен човек“, „Ти си вистинска божица“, „Ги обожавам твоите семејни фотографии“, се само неколку од коментарите.
Забава
(Фото) Гвинет Палтроу го покажа сопругот
Многу познати личности блеснаа на годишната гала вечер на списанието „The Hollywood Reporter“. Покрај зачудувачката Дакота Џонсон, актерката Гвинет Палтроу не ја пропушти можноста да биде видена.
Интересно е што и Дакота и Гвинет донесоа минималистички комбинации за оваа празнична пригода и, следејќи ги нивните примери, можеме да заклучиме дека редуцираните креации повторно се пожелни.
Гвинет блесна на црвениот тепих во фустан со рамен крој украсен со длабоко деколте. Лежерниот фустан во боја на слонова коска ја истакна нејзината витка фигура и го нагласи опуштениот стил што го негува со години.
Сепак, не беше сè толку едноставно при изборот на модни парчиња. Еден дел од облеката, сепак, беше ѕвездата на изданието на актерката.
Тоа беа црвени штикли со стилот кои го „разбиваа“ монохроматското издание. Овој детаљ беше доволен за актерката да го привлече вниманието на модните критичари.
Таа го комплетираше својот стил со минимална шминка во голи тонови и едноставна фризура. Треба да се спомене дека нејзиниот сопруг Бред Фалчук, кој ретко се појавува во јавноста, беше нејзин придружник на црвениот тепих.
Се чини дека актерката сака да го чува за себе и да му го покажува на светот во посебни пригоди.
Што се однесува до неговиот стајлинг, тој верно ја следел својата сакана и избрал лесен костум што го комбинирал со сина вратоврска.
Судејќи според фотографиите, може да се каже дека тие биле најубавиот пар на настанот.
Путин: Подготвен сум за војна со Европа; Америка: Ќе бидете добро со помалку наши војници
Намалувањето на бројот на американски војници во Европа нема да ја загрози одбраната на континентот, изјави во вторник врховниот командант...
Медиумите: Дронови забележани во близина на рутата на летот на Зеленски на пат кон Даблин
Ирската морнарица забележала околу пет дронови кои дејствувале во близина на рутата на летот на украинскиот претседател Володимир Зеленски за...
Трамп сакаше да отпушти 250 вработени во Стејт департментот, судот ја блокира неговата одлука
Одлуката на американското Министерство за надворешни работи за отпуштање на околу 250 вработени беше блокирана на суд во четврток, што...
(Видео) Американската војска разнесе брод во Пацификот, објавена снимка од нападот
Американската војска вчера изврши нов напад врз брод за кој тврди дека превезувал дрога во крајбрежните води на Латинска Америка,...
Медведев за контроверзниот европски план: Ова може да биде повод за војна
Шефот на рускиот Совет за безбедност и поранешен руски претседател Дмитриј Медведев вчера предупреди дека користењето на замрзнатите руски средства...
Висок функционер: Нема знаци на напредок кон прекин на огнот во Украина
Висок претставник на Обединетите нации за Украина предупреди дека војната во Украина се влече без знаци на напредок кон прекин...
„Америка може да нè предаде“: протече разговор меѓу Макрон, Мерц и Зеленски
Европските шефови на држави и влади длабоко не им веруваат на Соединетите Американски Држави кога станува збор за мировни преговори...
(Видео) Татко на една од жртвите: Загрижува што обвинетите се однесуваат како оштетени и како првпат да слушаат за дискотеката „Пулс“
Загрижува фактот што обвинетите продолжуваат да добиваат јавен простор за изјави и медиумски настапи иако се соочуваат со сериозни обвиненија...
Јас единствен барав да не му се издава лиценца на „Пулс“, би требало да седам како јавност, а не како обвинет, рече поранешниот градоначалник Ратко Димитровски
Изненаден од тоа што седи на обвинителна клупа, поранешниот градоначалник на Кочани, Ратко Димитровски, на денешното судење за трагедијата во...
„Името го сменивме двапати, Уставот седумпати“ – Николоски во Брисел побара чесен пристап и одговор дали со уставните измени завршуваат барањата
Заменик-претседателот на Владата, Александар Николоски, се обрати на форумот „Прашања на проширување: Новата геополитичка, безбедносна и економска граница на Европа“,...
Фирмата за подготовка на храната во „Димо Хаџи Димов” казнета со 900 евра, во уште едно училиште откриена ешерихија коли во намаз
Операторот за подготовка на храната во основото училиште во Влае, „Димо Хаџи Димов“, е казнета со 900 евра откога беа...
Ресторан на нива, одморалиште издавано без согласност, градинка без деца оти нема пат – ревизијата утврди серија нерегуларности во Свети Николе
Државниот завод за ревизија утврди серија нерегуларности во работењето на Општина Свети Николе за 2024 година поради што изрази неповолно...
Обвинетите за „Пулс“ утрово во „Идризoво“ ги пречекаа фотографии од сите загинати
Металните барикади пред влезот во судницата во „Идризово“, кои ги одвојуваат влезовите преку кои влегуваат обвинетите и родителите на загинатите,...
Затвореник признал дека се негови 13-те мобилни и лаптопот најдени во ќелијата на Џеваир Камбери, обвинет за „Пулс“
Тринаесетте мобилни телефони и еден лаптоп пронајдени во ќелијата на обвинетиот за трагедијата во кочанската дискотека „Пулс“, Џеваир Камбери, не...
Посетата на Путин на Индија: Нафта, оружје и геополитичка порака до светот
Рускиот претседател Владимир Путин оди во Индија во дводневна посета, каде што се очекува да се сретне со премиерот Нарендра...
(Видео) Украинците: Го нападнавме рускиот нафтовод „Дружба“
Во понеделникот, уште една експлозија го потресе рускиот нафтовод „Дружба“, потврдија извори од украинското воено разузнавање (ХУР) за „Киев пост“....
Британците и Норвежаните потпишуваат договор: заедно ќе ги следат руските подморници
Велика Британија и Норвешка денес ќе потпишат нов договор за одбранбена соработка, планирајќи заедничко управување со флота од фрегати за...
(Видео) Се урна американски „Ф-16“
Американски борбен авион F-16C Fighting Falcon на воздухопловни сили „Thunderbirds“ се урна во оддалечена пустинска област јужно од аеродромот Трона,...
Нови израелски напади врз Газа: погодени шатори за бегалци, повеќе мртви
Петмина Палестинци вчера беа убиени, а неколку други беа повредени кога израелските авиони гаѓаа шатори и импровизирани засолништа за раселени...
Мадуро потврди дека разговарал со Трамп
Венецуелскиот претседател Николас Мадуро во средата потврди дека пред околу 10 дена имал „срдечен и полн со почитување“ телефонски разговор...
