Контакт

Свет

Исповед на Севернокорејци за Би-би-си: Нè праќаат во Русија да работиме како робови

Објавено пред

Илјадници Севернокорејци се испраќаат да работат во Русија во услови слични на ропство за да го пополнат огромниот недостиг на работна сила, влошен од руската инвазија на Украина, дознава Би-Би-Си.

dobivaj vesti na viber

Москва повеќекратно се обратила до Пјонгјанг за помош во војната, од која набавува ракети, артилериски гранати и војници. Сега кога многу руски мажи загинале, на бојното поле или избегале од земјата, постои зголемена зависност од севернокорејските работници, според јужнокорејските разузнавачки служби.

Би-Би-Си разговараше со шест работници кои избегале од Русија од почетокот на војната, како и со владини претставници, истражувачи и активисти кои им помагаат. Тие сведочеа за ужасните услови за работа и сè построгиот надзор за да се спречат бегства.

Еден од работниците, Џин, опиша како, по пристигнувањето на рускиот Далечен Исток, веднаш бил однесен на градилиште под надзор на агент на севернокорејската безбедносна служба. „Надворешниот свет е наш непријател“, му рекол агентот. Џин работел 18 часа на ден на изградба на станбени облакодери.

Сите опишале подеднакво исцрпувачка рутина – будење во 6 часот наутро и работа до 2 часот наутро, со само два дена слободни во целата година. Спиеле во валкани, преполни контејнери или на подот од недовршени згради, често без греење и само со церади над отворите.

Работниците биле под постојан надзор на агенти од Пјонгјанг, а прекршоци како што е земање слободно време од работа се казнуваат со тепање. „Беше како да умираме“, рече Чан, еден од работниците.

Одењето на работа во Русија во Северна Кореја се смета за престижна можност бидејќи носи подобра заработка отколку дома. Сепак, поголемиот дел од платата веднаш се пренасочува кон државата како „надомест за лојалност“, а на работникот му остануваат само 100 до 200 долари месечно, и тоа дури откако ќе се врати дома, со цел да се спречат бегства.

Тае, кој успеал да избега, рекол дека се чувствувал „како во работен логор, затвор без решетки“ кога дознал дека работниците од Централна Азија заработуваат пет пати повеќе за три пати помалку работа.

Во 2019 година, ОН го забрани вработувањето на Севернокорејци во странство со цел да се намалат приходите за нуклеарната програма на Пјонгјанг, но забраната сега се заобиколува. Според јужнокорејски извори, повеќе од 13.000 Севернокорејци пристигнале во Русија во 2024 година – 12 пати повеќе отколку претходната година, а многумина дошле со „студентски“ визи.

Се очекува оваа година да пристигнат повеќе од 50.000 работници. Повеќето од нив работат на големи градилишта, а некои во текстилната и ИТ индустријата, што е исто така прекршување на забраната на ОН. Рускиот министер Сергеј Шојгу потврди дека 5.000 Севернокорејци ќе бидат испратени за обнова на Курск, а некои може да работат во окупираните делови на Украина.

За да се спречат бегствата, севернокорејските власти воведоа почести идеолошки обуки и „сесии за самокритика“ и речиси целосно ја укинаа можноста за напуштање на градилиштето. Порано, работниците можеа да излегуваат еднаш месечно, сега речиси никогаш, а дури и тогаш во групи од по петмина со постојан надзор. Бројот на оние што успеваат да избегаат од Русија и да стигнат до Јужна Кореја е преполовен од 2022 година, од околу 20 на 10 годишно.

Според професорот Андреј Ланков, работниците ќе останат „траен симбол на воениот сојуз“ меѓу Ким Џонг Ун и Владимир Путин, дури и кога ќе престане испраќањето војници и оружје.

Свет

Орбан сам против ЕУ: Не ја потпишувам изјавата за поддршка за Украина

Објавено пред

Унгарија е единствената членка на Европската Унија која не ја потпишала заедничката изјава за поддршка на Украина. Документот беше поддржан од преостанатите 26 членки на ЕУ, а во него се наведува дека Украина мора да учествува во одлучувањето за сопствената иднина.

dobivaj vesti na viber

Долго време, Унгарија има затегнати односи и со Украина и со мнозинството членки на ЕУ, и се смета за најблизок сојузник на Владимир Путин во Европа. Премиерот Виктор Орбан претходно предупреди дека приемот на Украина во ЕУ „веднаш ќе ја вовлече Унијата во директен конфликт“.

Утрово тој ги наведе причините за тоа зошто не ја потпиша изјавата: „Оваа изјава се обидува да постави услови за состанок на кој лидерите на ЕУ дури и не се поканети“.

„Доволно е лошо што ЕУ е тргната настрана. Единственото нешто што би било полошо е ако почнеме да даваме инструкции од клупата“, напиша Орбан.

Тој додаде дека, според него, „единствениот разумен потег на лидерите на ЕУ е да иницираат самит ЕУ-Русија, моделиран според состанокот САД-Русија“.

Ова не е прв пат Орбан да се спротивстави на заедничката позиција на ЕУ за Украина. Унгарија претходно го оспори воведувањето на европски санкции против Русија, пред на крајот да попушти, и одби да потпише некои претходни декларации за поддршка на Украина.

Прикажи повеќе...

Регион

(Видео) Пожари беснеат во Буљарица и Чањ, пожарникарите се борат со силниот ветер и густиот чад

Објавено пред

Црна Гора за кусо време беше погодена од катастрофални пожари, од кои најкритични беа во Чањ, Буљарица и недалеку од Подгорица, во населбата Пипери. Пожарот голта сè пред себе, а пожарникарите се борат дење и ноќе за да ги локализираат пожарите. Гаснењето пожари се врши и од воздух, јавуваат регионалните медиуми.

dobivaj vesti na viber

Снимките од гаснењето пожари со помош на хеликоптер над Црна Гора покажуваат колку се драматични сцените, додека чадот ја отежнува видливоста. Пожарникарите вложуваат максимални напори за да го стават пожарот под контрола.

Пожарите што избувнаа на неколку локации околу Подгорица синоќа сѐ уште се активни утрово, а според „Вјести“, најкритичниот е сè уште во Пипери, каде што синоќа избувна ново жариште во Дрезга и во Церовице.

Во текот на ноќта во близина на Чањ пожарот повторно се разгоре поради силни ветрови, густ чад се шири во сите правци, а ветрот дополнително придонесува за ова. Според сателитските податоци од „Гугл мапс“, се проценува дека изгореле 12 квадратни километри.

Пожарите во Црна Гора избувнаа кога автомобил се запали во Буљарица. Пожарот се прошири на непристапен терен и стигна до Чањ, а потоа и до други места.

 

Прикажи повеќе...

Свет

(Видео) Рекорден топлотен бран во Европа – во Италија почина четиригодишно дете

Објавено пред

Во топлoтниот бран, кој вчера ја зафати Европа, едно дете почина од топлотен удар во Италија, шумските пожари се му закануваа на локалитет на УНЕСКО во Шпанија, а француските градови забележаа рекордни температури.

dobivaj vesti na viber

Во многу градови во Франција, Италија и на југоистокот на Европа беше прогласено црвено предупредување поради топлина. Пожарите разгорени од силни ветрови принудија на евакуација илјадници луѓе од целиот континент и ги загрозуваа популарните туристички места во Турција и Шпанија.

Четиригодишно дете од Романија почина во Италија кога беше пронајдено без свест во автомобил на островот Сардинија. Веста стигна со предупредување од италијанското Министерство за здравство за опасноста од високите температури во седум поголеми града, вклучувајќи ги и Болоња и Фиренца.

Во 11 италијански града важи црвено предупредување за денес, а во 16 за утре. Црвени предупредувања се прогласени и во јужна Франција, како и на јадранскиот и на јонскиот брег.

„Топлотниот бран, кој во моментов ги погодува Франција, Шпанија и балканските земји, не е изненадување. Причинет е од упорна топлинска купола над Европа“, изјави Акшај Деорас, научник на метеоролошкиот оддел при Универзитетот во Редин, Велика Британија, за АФП. „Топлотните бранови не се како невремиња, тивко се приближуваат, но може да бидат еднакво смртоносни“.

Пожар што избувна во неделата го оштети рудникот од римско време во Лас Медулас на северозападот на Шпанија, познат по впечатливиот црвен пејзаж и кој е на списокот на светско наследство на УНЕСКО, предизвикувајќи евакуација на стотици жители.

„Високите температури и ветровите до 40 километри на час создадоа големи предизвици за пожарникарите што се борат со огнот“, изјави Хуан Карлос Суарез-Кинонес, регионален министер за заштита на животната средина на Кастилја и Леон. „Нема да им дозволиме на луѓето да се вратат додека безбедноста во нивните заедници не биде целосно загарантирана“, рече тој на прес-конференција проценувајќи дека речиси 700 луѓе ги напуштиле своите домови.

Шпанија минатата недела беше погодена од топлотен бран со температури што во многу области се приближуваа до 40°C, што предизвика шумски пожари. Во јужниот туристички град Тарифа беа евакуирани повеќе од 2.000 луѓе, некои од нив од хотели и од плажи. Откога пожарот што беше изгаснат, во петокот се разгоре повторно, а повеќе од 100 пожарникари се бореа со пламенот.

Во соседна Португалија пожарникарите се борат со три големи шумски пожари во централниот и во северниот дел на земјата, а Мароко испрати два авиона за помош во гаснењето откога два португалски авиона се расипаа. Во Италија речиси 190 пожарникари и војска се борат со пожар на Везув, кој доведе до затворање на националниот парк за туристи.

Луѓе беа евакуирани од десетици домови на југоистокот на Европа додека пожарникарите се борат со пожари во Албанија, Црна Гора и во Хрватска, каде што се прогласени црвени предупредувања. Во Албанија стотици пожарникари и војници го изгаснаа поголемиот дел од 40-ина пожари, кои избувнаа во последните 24 часа, според Министерството за одбрана, но повеќе од десет сѐ уште се активни.

Од почетокот на јули речиси 34.000 хектари изгореле во земјата, според Европскиот информациски систем за шумски пожари (EFFIS). Полицијата тврди дека многу пожари се подметнати, а во последните недели уапсени се повеќе од 20 лица.

Во близина на главниот град на соседна Црна Гора, каде што температурите се искачија до 40°C, тимовите на пожарникари успеаја да спасат десетици домови кога вчера избувна пожар на непристапен терен. Во Хрватска пожарникарите ги бранеа домовите од пожарите во близина на Сплит.

Во северозападната турска провинција Чанаккале евакуирани се повеќе од 2.000 луѓе, а 77 лица добија болничка помош поради вдишување чад кога избувнаа неколку пожари околу туристичкото место Гузелијали, соопштија властите.

Неколку куќи и автомобили се запалија, според снимки објавени во турските медиуми, а повеќе од 760 пожарникари, 10 авиони, девет хеликоптери и повеќе од 200 возила се распоредени во борбата против пожарите.

Температурни рекорди беа соборени на најмалку четири метеоролошки станици во јужна Франција, а владата повика на внимателност. Во градот Бордо на југозападот е забележана рекордна температура од 41,6°C, а рекорди се соборени и на метеоролошките станици во Берже, Конјак и во Сен-Жирон, според националната метеоролошка служба „Метео Франс“.

Овој топлотен бран, втор по ред ова лето во земјата, почна в петок и се предвидува да трае до 19 или 20 август. Вчера, 12 француски департмани беа под црвено предупредување, што е највисоко ниво на предупредување поради топлина во земјата, а денес се очекува тоа да важи за уште четири департмани.

Прикажи повеќе...

Најново

Македонија43 минути

Директорката на Гимназијата во Демир Хисар на информативен разговор во полиција

Директорката на Гимназијата во Демир Хисар, Маја Лозановска, денеска се јави на информативен разговор во полициската станица во Демир Хисар....

Регион2 часа

(Видео) Пожари беснеат во Буљарица и Чањ, пожарникарите се борат со силниот ветер и густиот чад

Црна Гора за кусо време беше погодена од катастрофални пожари, од кои најкритични беа во Чањ, Буљарица и недалеку од...

Македонија2 часа

Патот Брезница – Македонски Брод целосно затворен поради пожар

Поради пожар, утрово целосно е затворен за сообраќај патниот правец од Брезница, преку Националниот парк Јасен, до Македонски Брод. Според...

Македонија3 часа

23,7 отсто од младите во земјава ниту учат, ниту работат – „Хера“ со порака до кандидатите за градоначалници

Додека светот денес го слави 12 август -Меѓународниот ден на младите, младите луѓе во државата сè уште живеат во реалност...

Топ3 часа

Обид за убиство во Виница: маж избоден четирипати пред угостителски објект

Вечерта на 7 август, пред угостителски објект во Виница, мирното место се претвори во сцена на насилство кога Н.В. (32)...

Свет4 часа

(Видео) Рекорден топлотен бран во Европа – во Италија почина четиригодишно дете

Во топлoтниот бран, кој вчера ја зафати Европа, едно дете почина од топлотен удар во Италија, шумските пожари се му...

Македонија5 часа

Штедачите на „Еуростандард банка“: Пет години нема ниту едно обвинение, ниту еден обвинет, ниту едно рочиште

Пет години по затворањето на „Еуростандард банка“, оштетените штедачи повторно јавно реагираат дека истрагата на Основното јавно обвинителство за гонење...

Свет5 часа

Трамп: Ќе се обидам да вратам дел од територијата на Украина, за танго се потребни двајца

Претседателот на САД, Доналд Трамп, изјави во Белата куќа дека неговата средба со Владимир Путин ќе биде „разговор за да...

Забава6 часа

(Видео) „Јадранскиот Титаник“ потонал пред 111 години: денес е атракција за нуркачите во близина на омиленото место на Тито

Некогаш најубавиот брод на австриската компанија Österreichischer Lloyd – елегантен, брз и луксузен – лежи веќе 111 години на дното...

Македонија6 часа

Сончево и многу топло, максималната температура до 40 степени

Времето денеска ќе биде сончево и многу топло. Ќе дува слаб до умерен ветер од југоисточен правец. Минималната температура ќе...

Македонија16 часа

Се’ уште гори кај Јасен, активни пожари на четири локации низ Македонија

Денес до 18 часот се регистрирани вкупно 10 пожари на отворен простор. Од нив, четири се активни и моментално се...

Македонија16 часа

Најмногу туристи ни дојдоа од Турција во јуни

Според податоците од Државниот завод за статистика, во јуни годинава во земјата биле регистрирани вкупно 126.415 туристи, од кои 20,1...

Македонија21 час

Стоматолошката комора тврди – нема неправилности, Министерството за здравство ја брани одлуката за преземање на лиценцирањето

Претседателот на Стоматолошката комора, Маријан Денковски, на прес-конференција изјави дека повеќекратните контролни надзори не откриле неправилности во работењето на Комората....

Македонија22 часа

Почувствуван земјотрес во Битола и околината

Телеметриската сеизмолошка мрежа на Република Северна Македонија, на сеизмолошките станици инсталирани на нашата територија, одржувани од Сеизмолошката опсерваторија при Природно-математичкиот...

Економија23 часа

Се намалуваат цените на дизелот и на бензините

Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе Одлука...

Македонија23 часа

Мицкоски за изјавите дека УЧК имала праведна борба: Не може убиства од заседа да се праведна борба, нека не се игра на картите на ДУИ за поделби

Претседателот на Владата, Христијан Мицкоски во текот на денешната посета на општина Петровец, на новинарско прашање беше запрашан за коментар...

Македонија24 часа

(Видео) „Началникот од Демир Хисар, кој недолично се однесувал кон друго лице, веќе е разрешен, нема штитење поединци“, вели Манасиевски

„Моралот и принципите се спроведуваат на дело. Нема веќе штитење на поединци затоа што биле блиски до една, друга или...

Македонија1 ден

(Фото) Пожарот во атарот на селото Долно Дупени ставен под целосна контрола

Пожарот во атарот на село Долно Дупени, во близина на Преспанско езеро, со дејство на екипи на ТППЕ Ресен и...

Македонија1 ден

(Видео) Обвинителство да поведе кривична постапка за началникот на Тошковски и да ја прошири истрагата, бара СДСМ

„Пред Основното јавно обвинителство, СДСМ бара отворање на кривична постапка против началникот на ОВР Демир Хисар, Роберт Мартиноски и проширување...

Македонија1 ден

Невидена партизација во тек, единствениот пат до вработување е или преку партија или преку граница, велат од СДСМ

„Во државата на ДПМНЕ, нема институција која не е подложена на груба партизација пред изборите. МНАВ, Министерството за одбрана и...