Забава
Психолог: Живејте според овие правила и нема да ви требаат пари за да бидете среќни
Кога фантазирате за посреќна иднина, веројатно се замислувате себеси задоволни со она што го имате, можеби во нова куќа или уживате во луксузен животен стил.
Сепак, она што навистина го посакувате не е само богатство, туку чувството на задоволство што го носи. Токму ова чувство сите го бараме, но проблемот се јавува кога реалноста не ги исполнува очекувањата бидејќи штом добиеме нешто ново, веднаш почнуваме да го посакуваме следното нешто.
За време на истражувањето за неговата книга „Уметноста на трошење пари: Едноставни избори за посреќен живот“, авторот Морган Хаузел дошол до фасцинантни сознанија за тоа зошто бркањето „повеќе“ често нè прави помалку среќни, пишува CNBC.
Францускиот писател Марсел Пруст еднаш раскажа приказна за еден млад човек опседнат со животите на богатите и моќните. Пруст го советувал да го посвети своето време на проучување на сликарот Жан Симеон Шарден, кој сликал сцени од секојдневниот живот – храна, животни и природа.
Лекцијата била да се научи да се цени она што веќе го имал, наместо да копнее по живот од соништата што му бил надвор од дофат. „Кога ќе шетате низ кујната, ќе си кажете, ова е интересно, ова е величествено, ова е убаво како Шарден“, напишал Пруст.
Тоа е лекција за тоа да бидеме благодарни за она што го имаме, наместо да се фокусираме на она што го немаме – прекрасна аналогија и за парите.
Најсреќните луѓе не се нужно најбогатите, најздравите или најуспешните. Тие се оние кои достигнуваат точка каде што можат да кажат: „Задоволен сум со она што го имам и со тоа кој сум“.
Некои од нив трошат многу пари и живеат материјално, но авторот често мисли на својата свекрва. Таа поминала три децении во пензија со многу малку пари, живеејќи со скромна пензија. Технички, таа беше на работ на сиромаштија, но беше совршено среќна во својата мала градина, читајќи книги од библиотеката. Имаше малку, а сакаше уште помалку, и беше еден од најсреќните луѓе што некогаш би можеле да ги сретнете.
Копнежот кон она што го немате ја нагласува моменталната несреќа
За повеќето луѓе, постои хиерархија на потрошувачка што влијае на среќата. Ако не сакате нешто и го немате, дури и не размислувате за тоа. Ако сакате нешто и го имате, се чувствувате добро. Ако сакате нешто, а го немате, тоа може да ве мотивира. Но, ако сакате нешто што не можете да го имате, тоа може да ве излуди. Колку побрзо ќе погледнете околу себе и ќе кажете „ова е доволно“, без оглед на вашите приходи, толку побрзо ќе сфатите дека цело време сте биле богати.
Ниските очекувања создаваат психолошко богатство
Авторот вели дека запознал неколку милијардери, но никој не бил толку среќен како неговата свекрва. Причината е едноставна: нејзините ниски очекувања ѝ дадоа чувство на задоволство, кое стана огромен извор на психолошко богатство што им недостасува на некои од најбогатите луѓе во светот. Психолошкото богатство е клучен концепт, а кога станува збор за пари, тоа доаѓа од тоа да се имаат правилни очекувања.
Среќата е јазот помеѓу очекувањата и реалноста
Лице кое има сè, но сака повеќе, се чувствува посиромашно од лице кое има малку, но не сака ништо друго. Ова не е повик за живот на лишување.
Можете да имате голема куќа, скап автомобил и да патувате низ светот и да бидете задоволни со тоа, ценејќи го без да сакате ништо повеќе. Клучот е да се разбере дека среќата е состојба на тоа да не ви недостасува ништо, без разлика каков е вашиот животен стил.
Ова е адаптиран извадок од „Уметноста на трошење пари: Едноставни избори за побогат живот“ од Морган Хаузел, со дозвола од „Пенгуин Паблишинг Груп“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Нека почнат со одбројување: За пет хороскопски знаци 2026 година ќе биде исклучително плодна со пари
Пет хороскопски знаци имаа тешка финансиска 2025 година, а на некои им претстои отежната зима, но според астрологијата, на долг рок, 2026 може да биде нивната најпрофитабилна година.
1. Девица
2025 била годината на силен притисок и постојани проблеми. Во 2026, трудот станува видлив и исплатлив – следи унапредување, добивка од проект или реализација на идеја која носи приход.
2. Стрелец
По импулсивните одлуки и грешка со доверба во 2025, во 2026 доаѓа стабилност. Меѓународни, креативни или претприемачки проекти можат да станат значаен извор на приход. Влегува и нова поддршка што отвора можности.
3. Риби
Во 2025 носеле туѓи товари, што влијаело и на финансиите. Во 2026 заработуваат преку работа. Следуваат стабилни, нежни, но сигурни финансиски подобрувања.
4. Близнаци
По непостојаниот ритам во 2025, стекнале голема флексибилност. Во 2026 таа станува финансиска предност. Пари пристигнуваат од повеќе извори, можно е смена на кариера или почеток на креативен проект со силен потенцијал.
5. Јарец
Иако ретко паѓаат, 2025 била тежок период за овие знаци. Во 2026 – дисциплината носи раст. Следува голема шанса преку работа, лидерство, инвестиција или храбра промена на правецот.
Забава
Џастин Трудо ја потврди врската со Кејти Пери, објави заедничка фотографија
Поранешниот канадски премиер Џастин Трудо и пејачката Кејти Пери се чини дека и официјално ја потврдија својата врска во она што обожавателите го нарекоа „најлудото јавно признание во историјата на слободниот свет“.
Трудо и Пери позираа со јапонскиот политичар Фумио Кишида и неговата сопруга Јуко. Фотографијата ја објави на социјалните мрежи член на јапонскиот Претставнички дом, веројатно несвесен дека потврдува една од најнеочекуваните врски во годината.
Трудо бргу ги зеде работите во свои раце споделувајќи ја објавата со пораката: „Убаво е што се запознавме @kishida230. Кејти и јас сме толку среќни што имавме можност да се дружиме со тебе и Јуко. Ти благодарам, Фумио, за твоето пријателство и за твојата континуирана посветеност на меѓународен поредок базиран на правила и подобра иднина за сите“.
Great to see you @kishida230. Katy and I were so glad to have the chance to sit down with you and Yuko. Thank you, Fumio, for your friendship and your continued commitment to both the international rules-based order and to a better future for everyone. https://t.co/zLEuppHNST
— Justin Trudeau (@JustinTrudeau) December 4, 2025
Обожавателите беа изненадени од овој пресврт на настаните. „’Кејти и јас’ е нешто што никогаш не можев да го замислам“, напиша еден корисник. Друг направи паралела со друга позната врска: „Фактот дека откритието на Тејлор за врската со Тревис го вклучуваше принцот Вилијам, а Џастин и Кејти ја направија својата со јапонски политичар… поп-ѕвездите објавуваат врски заедно со политичари и тоа ми се допаѓа“.
За потсетување, Кејти Пери и нејзиниот поранешен свршеник Орландо Блум потврдија дека не се повеќе заедно во јуни оваа година, а шпекулациите за причините беа поттикнати и од нејзината најнова песна. Малкумина можеа да предвидат дека до крајот на годината пејачката ќе биде во врска со поранешниот премиер на Канада.
53-годишниот Трудо поднесе оставка од функцијата премиер претходно оваа година откако ја водеше земјата од 2015 година. Шпекулациите за нивната врска кружат веќе некое време, а двојката е видена неколкупати заедно на вечери и на патувања. Во јули тие дури беа фотографирани како се бакнуваат на јахта покрај брегот на Санта Барбара, Калифорнија.
фото/епа
Забава
(Видео) Сè е широко на неа, а таа е толку проклето секси
Џенифер Лопез повторно нè почести со совршен изглед и покажа дека може да биде многу секси, особено по жешката најава за она што следува. На гала-вечерта на „Холивуд рипортер воман 2025“ на Беверли Хилс таа носеше облека во најпопуларната боја на сезоната – чоколадна.
За оваа посебна пригода познатата Џеј Ло носеше монохроматска облека со лабав крој и не ја истакнуваше половината, ниту ги откриваше совршените стомачни мускули, а сепак беше толку проклето секси, како што многумина коментираа за ова нејзино појавување – со и без очила за сонце.
View this post on Instagram
Немаше апсолутно ништо на себе под преголемото сако, па со добра причина сите се загледаа во нејзиното деколте, кое малку ѝ остави простор на имагинацијата.
Have u ever seen anything or anybody more beautiful than this woman ?!
Course not u haven’t.
Because there simply isn’t. #JenniferLopez #JLo #Oscars2026 #KOTSW #KissOfTheSpiderWoman https://t.co/b7cLHjjAmj— 🎼🎶KOTSW…🎵 ✨️ (@alister_369) December 4, 2025
Ја комбинира со миди здолниште, кое паѓаше лежерно, без да ја нагласи фигурата на една од најубавите и најстилски жени, а целата комбинација ја зачини со женствени детали – лабава коса, ефектни ѓердани околу вратот, слични на некогаш мегапопуларниот чокер, и соодветна шминка.
Пејачката, актерка и танчарка се одлучи и за кафеава кожена чанта и лак за нокти во истата боја, а монохроматската комбинација ја разби со беж чевли.
Притвор за неготинчанец кој со закани со нож принудил жена на полови дејствија, ја снимал и барал пари да не го објави видеото
Основното јавно обвинителство Скопје поведе постапка против едно лице од Неготино, со живеалиште во Германија, кој е осомничен за кривични...
Најмалку 25 лица загинаа во голем пожар во ноќен клуб во Гоа, Индија
Најмалку 25 лица загинаа, а повеќемина се повредени во тежок пожар што околу полноќ го зафати популарен ноќен клуб во...
Експерти предупредуваат на радиоактивна прашина по оштетувањето на обвивката на Чернобил
Заштитната обвивка изградена за да спречи ширење на радијација од нуклеарната централа Чернобил мора итно да се поправи откако беше...
Мицкоски: Европската интеграција не смее да се сведе на пасивно прифаќање, Македонија мора да знае да каже ДА кога тоа е во нејзина корист
Во 21 век, историското наследство не може да биде изговор за застој. Напротив, тоа е најсилен мотив државата да биде...
Орбан: ВМРО стана една од најуспешните политички сили во Европа, ја поставивте вашата татковина на патот на стабилен, предвидлив и безбеден развој
Претставници на сестринските партии на ВМРО-ДПМНЕ упатија честитки за како што велат, достигнувањата на партијата кои ги имаше во последните...
Тошковски доби опомена од „Сејф сити“ – возел со 1 километар на час над дозволената брзина
Министерот за внатрешни работи, Панче Тошковски, на Фејсбук објави дека добил порака за сторен сообраќаен прекршок од „Сејф сити“. „Утрово,...
Томовски: СДС да се извинат за клеветите и измислицитe, посочената компанија не е моја, во моментов немам никаква приватна компанија
„Посочената компанија не е моја, ниту пак имам било каков удел во нејзе. Јас во моментов немам никаква приватна компанија...
(Видео) Димитријевиќ: Семејната фирма на директорот на СОЗР добила 161 тендери за 5,3 милиони евра
Опозициската СДСМ денеска обвини дека семејната фирма на директорот на СОЗР, Ивица Томовски, која го менувала името, добила 161 тендери...
Македонија нема, не планира и не преговара за отворање мигрантски кампови, порача ВМРО-ДПМНЕ
Владејачката ВМРО-ДПМНЕ реагира по објавите на британските медиуми и СДСМ дека Владата подготвува договор со Обединетото Кралство за отворање центар...
Британски медиуми објавија дека се преговара со Македонија за отворање центар за мигранти, СДСМ ја повика Владата да ја објави содржината на разговорите
Социјалдемократскиот сојуз на Македонија ја повика Владата веднаш да ја објави целата содржина на разговорите со Британија и да одговори...
Никаде го немало македонското знаме на прославата на Денот на албанското знаме, прекршочна постапка за Општина Струга
Полицијата поднесе барање за поведување прекршочна постапка против Општина Струга и уште едно физичко лице затоа што на денот на...
Поранешните премиери се скараа на „Фејсбук“: Груевски вели дека Заев е дволичен, тој му одговори дека треба да си најде хоби, а не да пишува епопеи од бегство
Поранешните премиери Никола Груевски и Зоран Заев со обвинувања преку социјалната мрежа „Фејсбук“. Груевски го нарече Заев дволичен, а тој...
Од 1 јануари се намалува надоместокот за дистрибуција на струјата, останува ЕВН да ги објави финалните цени
Од 1 јануари 2026 година надоместокот за користење на електродистрибутивниот систем „Електродистрибуција“ ДООЕЛ се намалува 3,64 %, надоместокот за користење...
Алиу: Со синдикатите сме на иста страна, заеднички работиме на унапредување на статусот на здравствените работници
Министерот за здравство Азир Алиу денеска одржа работен состанок со претставниците на Самостојниот синдикат за здравство, фармација и социјална заштита...
Кривична против директорка на средно училиште во Делчево: набавила фалсификуван тест за познавање аглиски јазик од Бугарија
СВР Штип – ОВР Делчево, до Основното јавно обвинителство Делчево, поднесе кривична пријава против Д.Ц.(53) од Делчево поради постоење основи...
(Видео) „Корупцијата на власта оди до Брисел“, Филипче ја повика Ковеши да дојде во Македонија
Претседателот на Социјалдемократскиот сојуз на Македонија, д-р Венко Филипче, на денешната прес-конференција упати повик до главната европска обвинителка, Лаура Ковеши,...
Во Грција поплавени патиштата поради бурата, а училиштата во делови од земјата затворени
Бурата „Бајрон“, која ја погоди Грција, предизвика затворање на многу училишта, поплавени патишта и затворање на автопатот Атина-Коринт. Рано утрово,...
(Видео) Украина погоди руско пристаниште и рафинерија за нафта во напади со дронови
Украинските беспилотни летала извршија напади врз клучни руски енергетски објекти синоќа, погодувајќи го морското пристаниште Темрјук во Краснодарскиот крај и...
Маж во Австрија ја оставил девојката на планина, таа замрзнала до смрт: обвинет за убиство
Маж (36) се соочува со обвиненија за убиство од небрежност откако ја оставил својата девојка (33) да замрзне до смрт...
Путин: Подготвен сум за војна со Европа; Америка: Ќе бидете добро со помалку наши војници
Намалувањето на бројот на американски војници во Европа нема да ја загрози одбраната на континентот, изјави во вторник врховниот командант...
