Свет
(Видео) Американците упаднаа на танкер кај Венецуела, објавена снимка: „Транспортира нафта“
САД запленија танкер за нафта крај брегот на Венецуела, изјави американскиот претседател Доналд Трамп, со што се ескалираа тензиите со Каракас, потег што исто така ги зголеми цените на нафтата.
„Тукушто запленувавме танкер крај брегот на Венецуела, голем танкер, многу голем, всушност најголемиот досега, а се случуваат и други работи“, рече Трамп.
На прашањето што ќе се случи со нафтата, Трамп рече: „Ќе ја задржиме, претпоставувам“.
Кратко по неговите првични коментари, беше објавена првата снимка од американските сили како го напаѓаат танкерот.
Today, the Federal Bureau of Investigation, Homeland Security Investigations, and the United States Coast Guard, with support from the Department of War, executed a seizure warrant for a crude oil tanker used to transport sanctioned oil from Venezuela and Iran. For multiple… pic.twitter.com/dNr0oAGl5x
— Attorney General Pamela Bondi (@AGPamBondi) December 10, 2025
Главниот обвинител на Трамп: Танкерот носел нафта од Венецуела и Иран
Главниот обвинител на САД, Пам Бонди, објави дека ФБИ, Службата за истраги за национална безбедност и крајбрежната стража на САД, со поддршка од Министерството за одбрана, заплениле танкер што носел санкционирана нафта од Венецуела и Иран.
Бонди рече дека танкерот со години бил под санкции на САД поради неговата улога во мрежа за нелегален транспорт на нафта што поддржува странски терористички организации. Заплената е извршена во водите покрај Венецуела.
„Ова заплена е спроведена безбедно и без инциденти, а нашата истрага со Министерството за внатрешна безбедност за пресретнување на пратката санкционирана нафта продолжува“, рече Бонди.
👀🇺🇸🇻🇪 The vessel seized by the U.S. is reportedly an oil tanker by the name of "SKIPPER" flying the Guyanese flag.
❗It was previously sanctioned for transporting both Iranian and Venezuelan oil. https://t.co/hBfHSchACY pic.twitter.com/HjZSIpekkQ
— Molo44 🇮🇹🇺🇦 (@MoloWarMonitor) December 10, 2025
Британската група го идентификуваше танкерот „Скипер“
Британската група за управување со поморски ризици „Вангард“ соопшти дека се верува дека танкерот „Скипер“ е запленет кај Венецуела.
САД воведоа санкции врз танкерот поради, како што рече Вашингтон, неговата вмешаност во трговијата со нафта на Иран кога се викал Адисa.
Венецуелскиот претседател Николас Мадуро зборуваше на комеморацијата на воената битка во среда, но не се осврна на извештаите за запленувањето на танкерот.
Мадуро тврдеше дека целта на американското воено засилување е да го собори од власт и да ја преземе контролата врз огромните резерви на нафта на земјата членка на ОПЕК.
Цените на нафтата се зголемија по веста за запленувањето
Цените на суровата нафта „Брент“ пораснаа за 27 центи, или 0,4 проценти, и достигнаа 62,21 долари за барел, додека цените за сурова нафта од типот „Вест Тексас интермедијар“ во САД пораснаа за 21 цент, исто така 0,4 проценти, и достигнаа 58,46 долари за барел.
Од почетокот на септември, администрацијата на Трамп изврши повеќе од 20 напади во Карибите и Пацификот врз бродови за кои се сомнева дека превезуваат дрога, при што загинаа повеќе од 80 лица.
фото: Depositphotos
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Зеленски: Резултатите на фронтот се клучни за дипломатијата
Претседателот на Украина, Володимир Зеленски, денес ги посети војниците распоредени на Купјан и рече дека резултатите на фронтот се од клучно значење за Украина да постигне резултати на дипломатско ниво.
„Така функционира: силните позиции на терен значат силни позиции во разговорите за завршување на војната. Благодарност до секој војник“, рече Зеленски на Телеграм.
По тој повод, тој им го честиташе Денот на копнените сили на Украина на припадниците на вооружените сили.
Зеленски истакна дека украинските војници постигнуваат значајни резултати на Купјан и им се заблагодари на сите единици што учествуваат во борбите.
Фото: депозитфотос
Свет
(Видео) Кралот Чарлс: Имам добри вести за мојата борба со ракот
Кралот Чарлс сподели „добри вести“ за својата борба со ракот со јавноста, откривајќи во лична порака дека неговиот третман ќе биде намален во наредната година благодарение на раната дијагноза и „ефикасната интервенција“. Веста беше објавена како дел од кампањата „Stand Up To Cancer“, објавува Би-Би-Си.
Во снимена видео порака емитувана на Канал 4, кралот рече: „Оваа пресвртница е и личен благослов и доказ за извонредниот напредок постигнат во грижата за ракот“.
Ова е најзначајната вест за здравјето на кралот откако ја објави својата дијагноза во февруари 2024 година. Иако видот на рак не е откриен, а следењето и третманот продолжуваат, Бакингемската палата соопшти дека кралот „одговорил исклучително добро на третманот“.
Според извештаите, неговото закрепнување достигнало толку позитивна фаза што лекарите сега ќе го префрлат неговиот третман „во фаза на претпазливост“. Ова значи дека фреквенцијата на третманите ќе биде значително намалена, иако 77-годишниот монарх сè уште не се смета за во ремисија или „излечен“.
„Денес можам да ја споделам со вас добрата вест дека, благодарение на раната дијагноза, ефикасната интервенција и следењето на „советот од лекар“, мојот распоред за лекување на рак може да се намали во новата година“, потврди монархот.
Видео пораката, снимена пред две недели во Кларенс Хаус, беше емитувана за време на добротворната емисија „Stand Up To Cancer“, проект за собирање средства што се спроведува со Cancer Research UK.
Кампањата ги охрабрува граѓаните да одат на редовни прегледи, а пораката на монархот ја нагласи клучната улога на раното откривање. „Раната дијагноза едноставно спасува животи“, рече тој.
„Знам од лично искуство дека дијагнозата на рак може да биде огромна. Сепак, исто така знам дека раното откривање е клучот што може да го трансформира патот на лекување, давајќи им непроценливо време на медицинските тимови“, рече кралот, додавајќи: „Вашиот живот или животот на некој што го сакате, може да зависи од тоа“.
Емисијата „Stand Up To Cancer“ упати посебен апел до околу девет милиони луѓе во Велика Британија за кои, според Cancer Research UK, заостануваат во националните програми за скрининг.
Кралот рече дека е „длабоко загрижен“ што ова претставува девет милиони пропуштени можности за рано откривање на рак и ги повика луѓето да проверат дали се подобни за тестирање.
„Статистиката зборува со целосна јасност. Да земеме само еден пример: Кога ракот на дебелото црево се открива во најраните фази, околу девет од 10 луѓе преживуваат најмалку пет години. Кога се дијагностицира доцна, тој број паѓа на само еден од 10“, објасни тој.
Кралски извори забележаа дека споменувањето на ракот на дебелото црево не треба да се смета за поврзано со неговата состојба, а ракот на простата претходно бил исклучен.
За време на неговата битка со болеста, кралот не сакал таа да го дефинира, туку продолжил да работи, одржувајќи зафатен распоред што вклучувал патувања и државни посети. Во своето обраќање, тој исто така им се заблагодари на „заедницата за грижа“ – специјалисти, медицински сестри, истражувачи и волонтери „кои работат неуморно за да спасат и подобрат животи“.
Фото: депозитфотос
Свет
Мерц за мировниот план со Киев: Американците ќе мора да придонесат
Земјите од Европската Унија се обидуваат да ги вклучат Соединетите Американски Држави во нивните преговори за мировниот план со Киев, изјави германскиот канцелар, како што објави агенцијата ДПА.
„Се обидуваме да ја вклучиме американската влада во преговорите што ги водиме едни со други, како и со украинската влада и украинскиот претседател“, рече Мерц по средбата со Манфред Вебер, претседател на парламентарната група на Европската народна партија (ЕНП) во ЕУ.
Според Мерц, сè уште се потребни значајни појаснувања во меѓународните напори за обезбедување безбедносни гаранции за Украина, пренесува Спутник.
Тој, исто така, нагласи дека најважниот елемент од овие гаранции е „долгорочното зајакнување на украинската армија“.
„Подготвени сме да придонесеме за ова. Американците исто така ќе мора да придонесат за ова“, додаде функционерот.
Порано беше објавено дека Владимир Зеленски ќе отпатува во Берлин на 15 декември на покана на германскиот канцелар, каде, меѓу другото, ќе учествува во преговори во формат на европската тројка. Засега не е познато дали ќе присуствува претставник на САД.
Фото: депозитфотос

