Црна хроника

Во Германија уапсен бегалец од нашата земја, кој е осуден на 32 години затвор

Објавено пред

8 месеци

- 11 декември, 2019

Од

МВР информира дека во соработка со германската полиција уапсен е криминалец кому му се изречени казни од над 32 години затвор.

На 29 ноември во Хамбург, Германија, бил уапсен Р. Б. (37), по кој трага нашата држава со 11 национални потерници, од кои една меѓународна. Тој, според МВР, е сторител на повеќе кривични дела поврзани со измами, фалсификување и телесни повреди сторени на територијата на нашата држава и е едно од најбараните лица по кои трага нашата држава. За него се донесени повеќе пресуди од нашите судови, со вкупно изречена казна затвор од 32 години и 5 месеци.

„Со интензивна комуникација помеѓу Отсекот за меѓународни потраги по лица при Секторот за меѓународна полициска соработка со германскиот полициски офицер за врска, Интерпол Визбаден, Германија, како и директен контакт со ФАСТ-единицата во Хамбург (Fugitive Active Search Team – единица што активно трага по најбраните криминалци), Германија, за два месеца лицето е лоцирано и лишено од слобода во Германија“, информира МВР.

Ова е втор случај на директна комуникација во последните неколку месеци со полицијата од Хамбург, односно со ФАСТ-единицата, по оној во август 2019 кога во соработка со Единицата за недозволена трговија со дрога при Одделот за сузбивање организиран и сериозен криминал, со интензивна размена на информации преку германскиот полициски офицер за врска за германски државјанин, за кого имаше активна меѓународна потерница поради сомнение за недозволена трговија на 700 килограми кокаин во Германија, тој беше лишен од слобода во Северна Македонија. Покрај ова, како резултат на продлабочената соработка меѓу Министерството за внатрешни работи на РС Македонија и германската полиција, за неколку месеци лишени се од слобода 30-ина лица по кои трага нашата држава со меѓународни потерници, осомничени за разни кривични дела со цел екстрадиција во земјата.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:топ-тема

Следно

Уапсени две момчиња кои извршиле 17 кражби во Осломеј и Зајас

Претходно

Камион удрил во двајца пешаци во Прилеп

Црна хроника

Oбвинение за лицето што шверцуваше кокаин во пакети со банани

Објавено пред

9 часа

- 10 август, 2020

Од

Макфакс

Скопското Обвинителство поведе обвинение против едно лице во врска со случајот со кокаинот што беше откриен во пакети со банани.

Тој се товари дека на 19 февруари во селото Крушопек, општина Сарај, неовластено, заради продажба, држел кокаин со тежина од 1.001 грам.

Дрогата беше откриена при извршен претрес на товарно моторно возило во пакетите со банани што биле превезувани за правното лице – сопственост на обвинетиот. Кокаинот бил спакуван во едно пакување во правоаголна форма, со две полиетиленски безбојни обвивки, на кои имало ознаки и втиснато лого – глава на јарец.

Станува збор за претходно оформен кривичен предмет во Основното јавно обвинителство за гонење организиран криминал и корупција за нелегална меѓународна трговија со наркотична дрога кокаин, каде што постапката се водеше против две лица за кривично дело неовластено производство и пуштање во промет наркотични дроги, психотропни супстанции и прекурсори по член 215 став 3 во врска со став 1 од Кривичниот законик.

Кога кривичната постапка беше запрена против едниот осомничен, списите од овој предмет за вториот осомничен беа доставени на понатамошно надлежно постапување на Основното јавно обвинителство Скопје.

Прикажи повеќе...

Црна хроника

Притвор за скопјанец што криел пиштол во својот автомобил

Објавено пред

9 часа

- 10 август, 2020

Од

Макфакс

Обвинителството во Велес до Основниот суд поднесе обвинителен акт против лице од Скопје на возраст од 27 години за кривично дело неовластено изработување, држење, посредување и тргување со оружје или распрскувачки материи.

„Нa 19 мај, во сопствениот патнички автомобил ‘фолксваген голф 5’, обвинетиот држел огнено оружје – пиштол ‘берета’ во калибар 7,65 мм за кој немал дозвола за поседување. Пиштолот го сместил под воланот, во механизмот за местење на висината на воланот. Оружјето било откриено на наплатната станица Отовица, на автопатот Велес – Скопје, при преглед на возилото“, велат од Обвинителството.

Истовремено, надлежниот јавен обвинител до судот достави и предлог за продолжување на мерката притвор за обвинетото лице бидејќи постои опасност од бегство и околности што укажуваат на опасноста дека повторно ќе го изврши истото кривично дело.

Прикажи повеќе...

Црна хроника

Тешко повреден тракторист по пад во дол во Струмичко

Објавено пред

11 час

- 10 август, 2020

Од

Макфакс

Жител на селото Бориево, возејќи трактор, се излизгал од патот и паднал во дол. Несреќата се случила вчера по шумски пат наречен Безгаштовски Пат, помеѓу Струмица и Берово, на планината Огражден.

С. В. (31) добил тешки телесни повреди констатирани во Медицинскиот центар Струмица. На местото на незгодата излегле полициски службеници од СВР Струмица.

Прикажи повеќе...