Црна хроника
Во јули и август казнети 1.529 мотоциклисти, 326 од нив немале возачки дозволи
![](https://makfax.com.mk/wp-content/uploads/2020/08/kazneti-motociklisti.jpg)
Во текот на јули и август годинава полицијата спровела зајакнати контроли за откривање и санкционирање на сообраќајни прекршоци направени од мотоциклисти.
Како што информираат од МВР, во овој временски период биле констатирани 1.529 прекршоци кај оваа категорија учесници во сообраќајот, при што 326 лица возеле мотоцикл без возачка дозвола, 154 учесници управувале нерегистрирани мотоцикли, 855 не користеле кацига, а утврдени се и 121 други прекршоци направени од страна на мотоциклисти.
При контролите задржани се 23 мотоцикли за утврдување на техничката исправност, при што кај 12 мотоцикли се откриени технички недостатоци, а еден мотоцикл е привремено задржан бидејќи е предмет на сомнение за сторено кривично дело.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Црна хроника
Со возило на авто-школа удрен, па натепан малолетник
![](https://makfax.com.mk/wp-content/uploads/2024/09/policija-park-logo.jpg)
Вчера во 15.15 часот во СВР Скопје било пријавено дека на паркинг простор пред авто-школа на подрачјето на Бит Пазар, откако со возило бил удрен малолетник од Скопје, возачот од возилото физички го нападнал.
Потоа, според пријавеното, откако малолетникот се пожалил на неговата мајка Ѓ.Ј.(39) од Скопје, таа дошла и од службена просторија на авто школата била истуркана надвор и физички била нападната од истото лице.
Се преземаат мерки за расчистување на случајот, велат од МВР.
Црна хроника
Мотоциклист излета од патот и тешко се повреди
![](https://makfax.com.mk/wp-content/uploads/2022/06/motociklist.jpg)
Вчера во 13:30 часот во полициската станица Пробиштип било пријавено дека околу 13 часот во близина на фабрика во Пробиштип, Г.Ѓ.(57) од село Другово, кичевско, управувајќи мотоцикл изгубил контрола и излетал надвор од коловозот.
Во несреќата со тешки телесни повреди се здобил мотоциклистот, констатирани во Медицинскиот центар Штип.
Извршен бил увид од увидна екипа од ОВР Пробиштип.
Црна хроника
Рачна бомба најдена во туристичката населба Отешево
![](https://makfax.com.mk/wp-content/uploads/2022/12/rachna-bomba.jpg)
Вчера во 9 часот во полициската станица Ресен, Б.Ѓ. од Ресен пријавил дека на крабрежјето во туристичката населба Отешево, ресенско, пронашол една рачна бомба-кашикара, три артилерски чаури 60 мм и две исправни запалки мм, кои потекнувале од Првата светска војна.
Од страна на пиротехничар од Дирекцијата за заштита и спасување истите се подигнати за понатамошна постапка.