Полицијата поднесе кривична пријава за старица од Тетово за кражба на струја. Екипи на ЕВН ѝ ја исклучиле струјата поради долг од половина милион денари, по што таа нелегално се приклучила кај друг потрошувач.

СВР Тетово поднесе кривична пријава против С.М.(72) од Тетово, поради постоење основи на сомнение за сторено кривично дело кражба на електрична енергија.

Поради неплатен долг за потрошена енергија во висина од 580.000 денари кај пријавената С.М.(72) од Тетово, на 16 јануари 2019 година од ЕВН било исклучено и дислоцирано електричното броило, а потоа за повторно да ја користи електричната енергија, приклучен бил кабел за напојување со електрична енергија кај потрошувачот Н.Ф. и заеднички користеле енергија без да се мери потрошувачката, со што е причинета материјална штета во износ од 12.724 денари на штета на ЕВН Македонија.

Кумановското Основно јавно обвинителство поднесе предлози за казни против три лица од овој град кои со намера да предизвикаат тепачка го прекршиле полицискиот час, односно ограничувањето на движењето воведно како мерка против коронавирусот.

Обвинетите на 24 март, околу 22.15 часот, заедно отишле во дом на друго лице од Куманово со кого имале претходни несогласувања.

Најпрвин почнала расправија, а потоа и физичка пресметка. Поради нарушување на јавниот ред и мир, биле повикани полициски службеници, кои констатирале дека напаѓачите сториле кривично дело непостапување според здравствени прописи за време на епидемија.

За стореното кривично дело, Обвинителството до Основниот суд во Куманово предложило на секој од обвинетите да му изрече парична казна во висина од 100 дневни глоби, секоја од нив во висина од 20 евра во денарска противвредност.​

Според статистиките на МВР, во текот на изминатото деноноќие на територијата на државата на 101 лице им се издадени решенија за изолација, а 217 лица потпишале изјава за самоизолација.

Oд страна на полициски службеници во извршените контроли над лица во изолација и самоизолација, констатирано е дека во два одделни случаја две лица што биле во самоизолација не се затекнати во својот дом.

Во однос на забраната за движење во текот на изминатите 24 часа евидентирано е дека на ниво на целата држава 46 лица не ја почитувале забраната за движење, приведени се 17 лица, а за другите изготвени се записници.